'ఫాల్ 2' టీజర్: రెప్ప వేసారో ఖ‌త‌మ్.. గగుర్పాటు.. గుబులు గుబులు
| రెప్ప వేసారో ఖేల్ ఖ‌త‌మ్.. ఒక్క క్షణం గగుర్పాటు.. గుబులు గుబులు... జీవితం క్ష‌ణ భంగురం అన‌డానికి ఈ టీజర్ చాలు.. కొన్ని సెక‌న్లు మాత్రమే ఉన్నా టీజర్ ఆద్యంతం రక్తి కట్టిస్తోంది.
రెప్ప వేసారో ఖేల్ ఖ‌త‌మ్.. ఒక్క క్షణం గగుర్పాటు.. గుబులు గుబులు... జీవితం క్ష‌ణ భంగురం అన‌డానికి ఈ టీజర్ చాలు.. కొన్ని సెక‌న్లు మాత్రమే ఉన్నా టీజర్ ఆద్యంతం రక్తి కట్టిస్తోంది. సర్వైవల్ డ్రామా క‌థాంశంతో రూపొందుతున్న ఫాల్ ఫ్రాంఛైజీకి ప్రపంచవ్యాప్తంగా వీరాభిమానులున్నారు. ఉత్కంఠ రేకెత్తించే స్క్రీన్ ప్లేతో రక్తి కట్టించడం హాలీవుడ్ పాపులర్ దర్శకుల సాంకేతిక నైపుణ్యానికి నిదర్శనంగా నిలుస్తుంది.
ప్రపంచవ్యాప్తంగా ఉన్న సినీ ప్రియులను ఎంతగానో అలరించిన హాలీవుడ్ సంచలన సర్వైవల్ థ్రిల్లర్ `ఫాల్` ఫ్రాంచైజీ నుండి రిలీజ్ కి వ‌స్తున్న సీక్వెల్ `ఫాల్ 2: డెడ్‌పాయింట్` టీజర్ తాజాగా విడుదలైంది. ఈ టీజర్ చూసిన ప్రేక్షకులకు ఒక్క క్షణం గగుర్పాటు, గుబులు కలగడం ఖాయం. ఈ చిన్న వీడియో క్లిప్ అత్యంత ప్రభావవంతంగా వెబ్ లో దూసుకెళుతోంది.
కొన్ని సెకన్ల నిడివి మాత్రమే ఉన్నా.. ఈ టీజర్ ఆద్యంతం ప్రేక్షకుడిని సీటు అంచుకు జారుకునేలా రక్తి కట్టిస్తోంది. మొదటి భాగంలో ఒక భారీ టీవీ టవర్ పై చిక్కుకుపోయిన ఇద్దరు స్నేహితుల కథను చూపించగా.. ఈ రెండో భాగంలో అంతకు మించిన ప్రమాదకరమైన ఎత్తులు, ఊహించని మలుపులతో దర్శకుడు మరింత ఉత్కంఠను రేకెత్తించారు. కేవలం టీజర్ లోనే ఇంతటి భ‌యాన్ని- ఉద్వేగాన్ని మేకర్స్ క‌లిగించారు. ఇక సినిమా ఆద్యంతం ఇలాంటి స‌న్నివేశాల‌తో ఏ రేంజులో రక్తి క‌ట్టిస్తారో ఊహించ‌గ‌లం.
అందుకే ఈ ఫ్రాంచైజీకి ప్రపంచవ్యాప్తంగా వీరాభిమానులున్నారు. సర్వైవల్ డ్రామా కథాంశాలను ఇష్టపడే వారికి `ఫాల్ 2` ఒక సరికొత్త హారర్-థ్రిల్లింగ్ అనుభూతిని అందిస్తుందని విశ్లేషకులు భావిస్తున్నారు. ప్రాణాల కోసం పోరాడే పాత్రలు వారి న‌ట‌న.. ప్ర‌తి స‌న్నివేశంలో ఎదుర్కొనే భయానక వాతావరణం ప్రేక్షకుడిని కథలో లీనమయ్యేలా చేస్తుంది.
ఉత్కంఠ రేకెత్తించే స్క్రీన్‌ప్లేతో అద్భుతమైన విజువల్స్ తో సినిమాను రక్తి కట్టించడం హాలీవుడ్ పాపులర్ దర్శకుల సాంకేతిక నైపుణ్యానికి - ఉన్నతమైన మేకింగ్ ప్రమాణాలకు నిదర్శనంగా నిలుస్తుంది. కెమెరా యాంగిల్స్, బ్యాక్‌గ్రౌండ్ స్కోర్ (బీజీఎం) ఈ టీజర్‌ను మరింత గగుర్పాటు కలిగించేలా మార్చాయి.
మొత్తానికి `ఫాల్ 2: డెడ్‌పాయింట్` టీజర్ సినిమాపై ఉన్న అంచనాలను అకాశానికి తీసుకెళ్లింది. మొదటి భాగం సృష్టించిన సంచలనాల కంటే ఈ సీక్వెల్ మరింత థ్రిల్లింగ్‌గా మరియు భయానకంగా ఉండబోతోందని స్పష్టమవుతోంది. థియేటర్లలో ప్రేక్షకులకు నిలకడైన గుండెదడను కలిగించడానికి ఈ చిత్రం త్వరలోనే సిద్ధమవబోతోంది.
కేవలం తెర‌పై క‌నిపించేది మాత్రమే క‌ళ్లు తిప్పుకోనివ్వ‌ని ట్రీటిస్తే అది ఉత్త‌మ‌మైన స్క్రీన్ ప్లే జాబితాలోకి వ‌స్తుంది. డైలాగులు ఇత‌ర‌త్రా అంశాల‌తో ఆక‌ర్షించే సినిమాలు ఉత్త‌మ‌మైన స్క్రీన్ ప్లేల కిందికి రావు. ఫాల్ లాంటి జాన‌ర్ అత్యుత్త‌మ స్క్రీన్ ప్లేతో రక్తి కట్టించడం స‌హ‌జం. ఇలాంటి సర్వైవల్ డ్రామా చిత్రాలలో ఎలాంటి భారీ ఫైట్లు లేదా గ్రాఫిక్స్ లేకపోయినా కేవలం `ఎత్తు`, `ప్రాణ భయం` అనే సహజమైన మానసిక ఆందోళనల చుట్టూ స్క్రీన్‌ప్లేను అల్లడం ద్వారా ప్రేక్షకులను థియేటర్లలో కట్టిపడేయడం సాధ్యమవుతుంది.