దేవిశ్రీ ప్రసాద్ వదిలిన బ్లాక్ షీప్ పార్టీ సాంగ్.. ఎలా ఉందంటే..

చిత్రాలయం స్టూడియోస్ బ్యానర్‌పై వస్తున్న న్యూ ఏజ్ క్రైమ్ కామెడీ సినిమా బా బా బ్లాక్ షీప్. ఈ ప్రాజెక్ట్ నుంచి ఫస్ట్ సింగిల్ ఆజా మేరీ జాని వీడియోను రిలీజ్ చేశారు. మ్యూజిక్ సెన్సేషన్ దేవిశ్రీప్రసాద్ ఈ హై ఎనర్జిటిక్ సాంగ్‌ను అఫీషియల్‌గా రిలీజ్ చేశారు. సినిమా కాన్సెప్ట్ చాలా కొత్తగా ఉందంటూ చిత్ర బృందానికి ఆయన ఆల్ ది బెస్ట్ చెప్పారు. దేవిశ్రీ లాంటి స్టార్ మ్యూజిక్ డైరెక్టర్ చేతుల మీదుగా ఈ పాట లాంచ్ కావడంతో సినిమాపై ఒక్కసారిగా మంచి బజ్ క్రియేట్ అయింది.

పాట ఎలా ఉందనే విషయానికి వస్తే ఇది కంప్లీట్ పార్టీ బ్యాంగర్. యూత్‌ను ఎట్రాక్ట్ చేసేలా ఒక అదిరిపోయే డ్యాన్స్ ఫ్లోర్ నెంబర్‌గా దీన్ని డిజైన్ చేశారు. విజువల్స్ పరంగా చూస్తే చాలా కలర్‌ఫుల్‌గా రిచ్‌గా ఉన్నాయి. ఇందులో అజయ్ లగుసాని, విష్ణు ఓయ్ స్క్రీన్ మీద వేసిన స్టెప్పులు మంచి ఎనర్జీని తీసుకొచ్చాయి. నైట్ పార్టీ వైబ్‌ను స్క్రీన్ మీద పర్ఫెక్ట్‌గా చూపించారు. జేడీ మాస్టర్ కంపోజ్ చేసిన కొరియోగ్రఫీ పాటకు కరెక్ట్‌గా సింక్ అయింది. కుర్రాళ్లు హుషారుగా చిందులు వేసేలా ఈ సాంగ్ బాగా ఆకట్టుకుంటోంది.

ఎలక్ట్రానిక్ కిలి, ఆర్కాడో ఆనంద్ కలిసి ఈ పాటకు అదిరిపోయే సంగీతం అందించారు. వాళ్లు ఇచ్చిన ఫాస్ట్ బీట్స్ పాటకు మెయిన్ హైలైట్ గా నిలిచాయి. దానికి తోడు సింగర్ బెన్నీ దయాల్ తనదైన స్టైల్ వాయిస్‌తో ఆ ఎనర్జీని డబుల్ చేశాడు. కిట్టు విస్సాప్రగడ రాసిన లిరిక్స్ చాలా క్యాచీగా కుదిరాయి. నేటి యూత్ ట్రెండ్‌కు తగ్గట్టుగా పదాలు ఉండటంతో సాంగ్ వెంటనే రిజిస్టర్ అవుతుంది. ఈ ఆడియో ట్రాక్ రిపీట్ మోడ్‌లో వినాలనిపించేలా ఫుల్ జోష్‌గా ఉంది.

గుణి మంచికంటి డైరెక్షన్‌లో ఈ సినిమా చాలా డిఫరెంట్ అప్రోచ్ తో తెరకెక్కుతోంది. వేణు దోనేపూడి ఈ చిత్రాన్ని రాజీ పడకుండా నిర్మిస్తున్నారు. దోనేపూడి చక్రపాణి దీనికి సమర్పకులు. సహ నిర్మాత కొండల్ జిన్నా, క్రియేటివ్‌ ప్రొడ్యూస‌ర్‌ శ‌్వేత దోనేపూడి, ఎగ్జిక్యూటివ్ ప్రొడ్యూసర్ గా వైశాఖ్ నాయర్, శ్రీద దోనేపూడి వర్క్ చేశారు. ఈ సినిమాకు అజయ్ అబ్రహం జార్జ్ సినిమాటోగ్రఫీ అందించగా విజయ్ ముక్తవరపు ఎడిటర్ గా వర్క్ చేస్తున్నారు.

మేఘాలయలోని అందమైన లొకేషన్లలో ఈ సినిమాను పూర్తిగా షూట్ చేశారు. చిరపుంజి లాంటి నేచురల్ ప్లేసుల్లో ఇలా ఒక సౌత్ సినిమా మొత్తం తీయడం ఇండస్ట్రీలో ఇదే తొలిసారి. ప్రొడక్షన్ వాల్యూస్ కూడా చాలా గ్రాండ్ గా ఉన్నాయని ఈ సాంగ్ చూస్తేనే అర్థమవుతోంది.

ఈ సినిమాలో ఉపేంద్ర, టిను ఆనంద్, జార్జ్ మరియన్ లాంటి సీనియర్ నటులు కీలక పాత్రలు పోషిస్తున్నారు. అక్షయ్, కార్తికేయ, మాళవి, విస్మయశ్రీ తదితరులు ఇతర రోల్స్ చేస్తున్నారు. టీజర్‌తోనే ఒక పాజిటివ్ ఫీల్ తెచ్చిన ఈ మూవీ పోస్ట్ ప్రొడక్షన్ పనులు తుది దశకు చేరుకున్నాయి. పక్కా ప్లానింగ్‌తో దసరా కానుకగా అక్టోబర్ 9న ఈ సినిమా థియేటర్లలోకి రానుంది. పండుగ సీజన్లో ఈ క్రైమ్ కామెడీ బాక్సాఫీస్ దగ్గర ఎలాంటి మ్యాజిక్ చేస్తుందో చూడాలి.