సమంత-ప్రీతమ్ ల బంధం ఎలాంటిదంటే..?

ప్రస్తుతం మీడియాలో సోషల్ మీడియాలో ఎక్కడ చూసినా టాలీవుడ్ స్టార్ కపుల్ అక్కినేని నాగ చైతన్య - సమంత ల విడాకుల వ్యవహారం గురించే వార్తలు కనిపిస్తున్నాయి. ప్రేమ వివాహం చేసుకొని నాలుగేళ్ళు ఎంతో అన్యోన్యంగా గడిపిన ఈ జంట విడిపోవడాన్ని అభిమానులు ఇప్పటికీ జీర్ణించుకోలేకపోతున్నారు. దీంతో చై-సామ్ ఇలాంటి ఊహించని నిర్ణయం తీసుకోడానికి గల బలమైన కారణాలు ఏంటని అందరూ ఆలోచిస్తున్నారు. ఈ క్రమంలో దీనికి సమంత స్టైలిస్ట్ ప్రీతమ్ జుకాల్కర్ కూడా ఓ కారణమనే రూమర్స్ వచ్చాయి.

చై-సామ్ విడాకుల ప్రకటన తర్వాత ప్రీతమ్ ఇన్స్టాగ్రామ్ స్టోరీలు పెట్టి డిలీట్ చేయడం వంటి వాటిపై నెటిజన్స్ సందేహాలు వ్యక్తం చేస్తున్నారు. ఈ నేపథ్యంలో సామ్‌-చై కాపురంలో చిచ్చుపెట్టావని ప్రీతమ్ జుకాల్కర్ ను సోషల్ మీడియాలో విపరీతంగా ట్రోల్‌ చేస్తున్నారు. వీటిని ప్రీతమ్ సైబర్ క్రైమ్ వాళ్ళని ట్యాగ్ చేస్తూ ఇన్స్టా స్టోరీలో పెడుతున్నాడు. అయితే సమంత - ప్రీతమ్ బంధం పై పర్సనల్‌ మేకప్‌ ఆర్టిస్ట్‌ సాధనా సింగ్‌ స్పందించింది.

సమంత - ప్రీతమ్ కు మధ్య ఉన్న రిలేషన్ ను తప్పుగా అర్థం చేసుకున్నారని ఆవేదన వ్యక్తం చేసింది సాధన. ''నిజానికి సమంతను ప్రీతమ్ 'జీజీ' (అక్కా) అని పిలుస్తాడు.. జీజీ అంటే అర్థం తెలుసు కదా అని ఘాటుగా సమాధానం ఇచ్చింది. దేవుడు తనకు తెలివిని ప్రసాదించాడని.. దీన్ని కొందరు తెలివిలేని వాళ్లకు పంచుదామని సాధనా సింగ్‌ ఇన్స్టాగ్రామ్ స్టోరీలో పేర్కొంది.

కాగా, సమంత - చైతన్య జంట పదేళ్ల పరిచయం.. ఏడేళ్ల ప్రేమ.. మూడేళ్ల వివాహ బంధానికి స్వస్తి చెబుతూ అక్టోబర్ 2న విడిపోతున్నట్లు ప్రకటించారు. 'ఏమాయ చేసావే' సినిమాలో తొలిసారిగా కలిసి నటించిన చై సామ్.. 2017 అక్టోబర్ 7న గ్రాండ్ గా పెళ్లి చేసుకున్నారు. ఇద్దరి మధ్య అన్నీ బాగుండి ఉంటే ఈరోజు నాలుగో యానివర్సరీ సెలబ్రేట్ చేసుకునేవారు. ఇప్పుడు ఇదే విషయాన్ని గుర్తు చేస్తూ అభిమానులు సోషల్ మీడియాలో కామెంట్స్ పెడుతున్నారు.