డబ్బింగ్ పనులలో బిజీ అయిన మాస్టర్..

దేశంలో కరోనా వైరస్ ప్రభావం రోజురోజుకి అధికం అవుతుంది. ఈ కరోనాను కట్టడి చేయడానికి కేంద్ర ప్రభుత్వం, రాష్ట్ర ప్రభుత్వాలు అన్నీ కలిసి మే 17 వరకు లాక్ డౌన్ పొడిగించిన విషయం తెలిసిందే. కరోనా దెబ్బతో ఎక్క‌డి వారు అక్క‌డే నిలిచిపోయి సతమతమవుతున్నారు. దేశంలో సినిమా రంగం కూడా ఒక్క‌సారిగా స్థంభించి భారీ నష్టాల్లో కురుకుపోతుంది. ముఖ్యంగా వేసవి కాలం వచ్చిందంటే ప్రజలందరికి సినిమాలతో మస్త్ టైంపాస్ అవుతుంది. అదే సినీ ఇండస్ట్రీ ఇప్పుడు థియేటర్లు మూసివేసి సైలెంట్ అయింది. ఈ స‌మ్మ‌ర్‌లో సీజ‌న్‌లో విడుదల కావాల్సిన సినిమాల జాబితా పెద్దగానే ఉంది. కానీ కరోనా కార‌ణంగా అన్నీ వాయిదా ప‌డ్డాయి. కానీ కొన్ని సినిమాలు లాక్ డౌన్ లో కూడా పోస్ట్ ప్రోడక్షన్ పనులు పూర్తి చేస్తున్నాయి.
 
అయితే ఇటీవలే తమిళ స్టార్ హీరో ఇళయ దళపతి విజయ్ మాత్రం తను తాజాగా నటించిన 'మాస్టర్' సినిమాను ఖచ్చితంగా విడుదల చేస్తానని చెప్పారు. పోస్ట్ ప్రొడక్షన్ పనులకు అనుమతి లభించిన తర్వాత అన్నీ సినిమాలు వర్క్ స్టార్ట్ చేసాయి. ప్రస్తుతం మాస్టర్ సినిమా డబ్బింగ్ సౌండ్ మిక్సింగ్ పనులలో బిజీగా ఉందట. ఇదివరకే హీరోయిన్ మాళవిక మోహనన్ పాత్రకు ప్రముఖ నటి రవీనా డబ్బింగ్ చెప్పేసారు. కాగా తాజా కథనాల ప్రకారం.. హీరో విజయ్ కూడా తన డబ్బింగ్ పూర్తి చేస్తున్నాడట. గ్యాంగ్ స్టర్ నేపథ్యంలో తెరకెక్కుతున్న ఈ సినిమా డబ్బింగ్ పనులన్నీ లైన్ లో పెట్టాడట విజయ్. ఇక విజయ్ తర్వాత విలన్ విజయ్ సేతుపతి కూడా మరో వారంలో తన డబ్బింగ్ పనులను ప్రారంభింస్తాడట. ఈ 'మాస్టర్' సినిమా ఖైదీ ఫేమ్ లోకేష్ క‌న‌క‌రాజ్ ద‌ర్శ‌క‌త్వంలో రూపొందుతుంది. అయితే విజయ్ కి తమిళంతో పాటు తెలుగులో కూడా మంచి మార్కెట్ ఉంది. దీన్ని దృష్టిలో పెట్టుకొని మాస్టర్ ని తెలుగులో కూడా రిలీజ్ చేయనున్నారు.