త‌మిళ హీరోకు `ఆర్ ఆర్ ఆర్` టీమ్ ఫిదా!

మాసీవ్ మ‌ల్టీస్టార‌ర్ మూవీ `ఆర్ ఆర్ ఆర్` త్వ‌ర‌లో థియేట‌ర్ల‌లో సంద‌డికి సిద్ధ‌మ‌వుతున్న విష‌యం తెలిసిందే. అయితే ఈ చిత్ర బృందం ఓ త‌మిళ హీరోకు ఫిదా కావ‌డం చ‌ర్చ‌నీయాంశంగా మారింది. వివ‌రాల్లోకి వెళితే.. క‌రోనా ప్ర‌పంచ వ్యాప్తంగా భారీ మార్పుల‌కు కార‌ణంగా నిలిచింది. దీని వ‌ల్ల అనేక రంగాల‌తో పాటు సినీ ఇండ‌స్ట్రీ కూడా ఇబ్బందుల్ని ఎదుర్కొంది. ఇప్పుడిప్పుడే క్ర‌మ క్ర‌మంగా కోలుకుంటోంది. వైర‌స్ భ‌యాల్ని వీడి ప్రేక్ష‌కులు థియేట‌ర్ల వ‌ద్ద సంద‌డి చేయ‌డం మొద‌లుపెట్టారు.

ఈ నేప‌థ్యంలో ఎంతో కాలంగా వాయిదాప‌డుతూ వ‌స్తున్న భారీ చిత్రాలు ఒక్కొక్క‌టిగా థియేట‌ర్ల‌లో విడుద‌ల‌వుతున్నాయి. అయితే సినిమాల రిలీజ్ ల విష‌యంలో మ‌రో సినిమా క్లాష్ కాకుండా మేక‌ర్స్ జాగ్ర‌త్త‌లు తీసుకుంటున్నారు. గ‌తంలో పోటీ ప‌డినా ప్ర‌స్తుత ప‌రిస్థితుల్లో మార్పులు రావ‌డంతో పోటీ ప‌డ‌కుండా ఒక‌రికి ఒక‌రు స‌హ‌కారం అందించుకుంటున్నారు. త‌మ సినిమా కార‌ణంగా మ‌రో సినిమా రిలీజ్ విష‌యంలో ఇబ్బందులు ఎదుర్కోకూడ‌ద‌ని జాగ్ర‌త్త ప‌డుతున్నారు. దీంతో ఇండ‌స్ట్రీలో ఆరోగ్యక‌ర‌మైన వాతావ‌ర‌ణం నెల‌కొంటోంది.

ఈ నేప‌థ్యంలో తాజాగా ఓ యంగ్ హీరో చేసిన ప‌ని `ఆర్ ఆర్ ఆర్` మేక‌ర్స్ ని ఫిదా చేసింది. దీంతో `ఆర్ ఆర్ ఆర్‌` టీమ్ స‌ద‌రు హీరోపై ప్ర‌శంస‌ల వ‌ర్షం కురిపించ‌డం ఇప్ప‌డు ఆస‌క్తిగా మారింది. త‌మిళ హీరో శివ‌కార్తీకేయ‌న్ న‌టించిన తాజా చిత్రం `డాన్‌`. ఈ మూవీని మార్చి 25న విడుద‌ల చేయాల‌ని చాలా రోజుల క్రిత‌మే చిత్ర బృందం ప్లాన్ చేసుకుంది.

అయితే అదే రోజు `ఆర్ ఆర్ ఆర్‌` విడుద‌ల కానున్న నేప‌థ్యంలో త‌మ మూవీ రిలీజ్ ని `ఆర్ ఆర్ ఆర్‌` కోసం వాయిదా వేస్తున్న‌ట్టుగా హీరో శివ‌కార్తికేయ‌న్ బుధ‌వారం సోష‌ల్ మీడియా ట్విట్ట‌ర్ వేదిక‌గా ప్ర‌క‌టించారు.

ఈ సంద‌ర్భంగా ఓ పోస్ట‌ర్ ని కూడా అభిమానుల‌తో పంచుకున్నారు. అంతే కాకుండా మా చిత్రాన్ని మే 13న రిలీజ్ చేస్తున్నామ‌ని స్ప‌ష్టం చేశారు. ఈ విష‌యం తెలుసుకున్న `ఆర్ ఆర్ ఆర్‌` మేక‌ర్స్ శివ కార్తికేయ‌న్ పై ప్ర‌శంస‌లు కురిపించింది.

He’s always in the first row to support and shower love on us ❤️ Thank you again @Siva_Kartikeyan