ఆ పాపని చూసి నాని గుండె బద్దలైంది

నాని సినిమాల్లో నేచురల్ స్టార్.  కానీ రియల్ లైఫ్ లో మాత్రం నేచురల్ పర్సన్. చిన్ని విషయాలకే కదిలిపోతుంటాడు. ఈ మధ్యనే మేముసైతం కార్యక్రమానికి వచ్చి.. అక్కడ ఓ కుటుంబం పడుతున్న కష్టం చూసి కన్నీళ్లు పెట్టుకోవడం కళ్లారా చూశారు ఆడియన్స్. ఇప్పుడు ఓ వీడియో చూసి బాగా కదిలిపోయాడు. తన బాధను ఓ వాక్యంలో అందరితో పంచుకున్నాడు.

ట్విట్టర్ లో ఓ చిన్నారి వీడియోని షేర్ చేసిన నాని.. 'గుండె లక్షల ముక్కలైంది. బద్దలైపోయింది' అంటూ రాసుకొచ్చాడు. నాని. ఇంతకీ ఆ వీడియోలో ఓ చిన్నారి పాప ఉంటుంది. మొహమంతా గాయాలతో ఉన్న ఓ చిన్నారి వీడియో అది. ప్రపంచాన్ని భయపెట్టేందుకు ప్రయత్నిస్తున్న ఐసిస్ అరాచకాలకు సాక్ష్యం ఈ చిన్నారి. ఆ ఉగ్రమూకల దెబ్బకి ఇరాక్.. సిరియాల నుంచి విదేశాలకు పారిపోయి శరణార్ధులుగా బతకాల్సి వస్తోంది.

ఈ వీడియోలో కనిపిస్తున్న పాపకు తన పేరు తెలీదు.. తన తండ్రి ఎక్కడ చనిపోయాడో తెలీదు.. టిఫిన్, భోజనం చేశావా అని అడిగితే కన్నీళ్లు పెట్టేసుకుంటోంది ఈ పాప. ఈ వీడియో చూస్తే ఎవరికైనా గుండె తరుక్కుపోవాల్సిందే. అందుకే తన బాధను తట్టుకోలేక అభిమానులతో పంచుకున్నాడు నాని.