స్టైలిష్ స్పార్కిల్ షో.. ఆలియా లేటెస్ట్ అవుట్‌ఫిట్ ధర తెలిస్తే షాక్!

బాలీవుడ్ స్టార్ హీరోయిన్ ఆలియా భట్ ఎప్పుడూ తన అద్భుతమైన ఫ్యాషన్‌తో అందరి దృష్టిని ఆకర్షిస్తుంటుంది. తాజాగా ఆమె ధరించిన ఒక స్పార్కిలింగ్ ఫ్లోరల్ కో-ఆర్డ్ సెట్, లగ్జరీ ఆభరణాలు మరియు స్ట్రైకింగ్ గ్రీన్ హీల్స్ సోషల్ మీడియాలో తెగ వైరల్ అవుతున్నాయి. చూడటానికి ఎంతో కలర్‌ఫుల్‌గా ఉన్న ఈ ఔట్‌‌ఫిట్ ధరల వివరాలు చూస్తే నిజంగా అందరూ ఆశ్చర్యపోవాల్సిందే, ఫ్యాషన్ ప్రియులను అమితంగా ఆకట్టుకుంటున్న ఈ గ్లామర్ లుక్ విశేషాలు ఏంటో ఇప్పుడు చూద్దాం.

ఫ్లోరల్ సీక్విన్ కో-ఆర్డ్ సెట్ స్పెషాలిటీ:

ఈ గ్లామరస్ లుక్ కోసం ఆలియా భట్ 'ఆషిష్' బ్రాండ్‌కు చెందిన సిల్వర్ సీక్విన్ కో-ఆర్డ్ సెట్‌ను ఎంచుకున్నారు. ఇందులో కలర్‌‌ఫుల్ ఫ్లోరల్ ఎంబెల్నింగ్స్ ఉన్న 'ఆషిష్ ఫ్లోరల్ సీక్విన్ టాప్' ధర సుమారు రూ. 1,15,000 కాగా, దానికి మ్యాచింగ్‌గా ఉన్న మినీ స్కర్ట్ ధర రూ. 95,000గా ఉంది. ఈ రెండూ కలిపి ఈ టూ-పీస్ ఔట్‌ఫిట్ ధర దాదాపు రూ. 2.10 లక్షల వరకు ఉంటుందని తెలుస్తోంది.

కాస్ట్లీ క్రిస్టల్ చోకర్ మరియు రింగ్స్:

ఈ ఔట్‌ఫిట్‌ను మరింత హైలైట్ చేయడానికి ఆమె అద్భుతమైన యాక్సెసరీస్‌‌ను జతచేశారు. ఈ ప్రైస్ బ్రేక్‌డౌన్‌లో అత్యంత ఖరీదైనదిగా నిలిచిన 'డియోర్ ఫ్లోరల్ రింగ్' ధర సుమారు రూ. 4,30,000గా ఉంది. అలాగే 'మార్ని క్రిస్టల్ చోకర్ నెక్లెస్' ధర రూ. 62,000 కాగా, చేతికి ధరించిన మినిమల్ స్టాక్డ్ రింగ్స్ ధర రూ. 50,000 నుండి రూ. 2,50,000 వరకు ఉంటుందని అంచనా.

ట్రెండీ మనోలో బ్లాహ్నిక్ పంప్స్ ప్రత్యేకత:

ఈ మొత్తం లుక్‌కు ట్రెండీ ఫినిషింగ్ ఇస్తూ ఆలియా కాళ్లకు 'మనోలో బ్లాహ్నిక్ బిబి పంప్స్' బ్రాండ్ షూస్ ధరించారు. ఈ బోల్డ్ గ్రీన్ కలర్ హై హీల్స్ శాండల్స్ ధర సుమారు రూ. 72,000గా ఉంది. ఇక దుస్తుల నుంచి ప్రతి చిన్న యాక్సెసరీ వరకు ఆమె ఎంపిక చేసుకున్న శైలి ఫ్యాషన్ ప్రియులను విశేషంగా ఆకట్టుకుంటూ నెట్టింట ట్రెండ్ అవుతోంది.

భారీ చిత్రంగా 'లవ్ అండ్‌ వార్':

ఇక సినిమాల విషయానికి వస్తే, 'ఆర్ఆర్‌ఆర్‌' చిత్రంతో తెలుగు ఆడియెన్స్‌ను అలరించిన ఆలియా, ఇప్పుడు హిందీలో తెరకెక్కుతున్న 'లవ్‌ అండ్‌ వార్‌‌' చిత్రంలో నటిస్తున్నారు. ఈ పాన్-ఇండియా మూవీకి సంజయ్‌ లీలా భన్సాలీ దర్శకత్వం వహిస్తున్నారు. ఆయన సినిమాలంటేనే విజువల్ ట్రీట్, ప్రతి ఫ్రేము కనువిందు చేసే గ్రాండియర్ ఉంటుంది.

గ్లామర్ అండ్ స్ట్రాంగ్ క్యారెక్టర్:

ఇటీవల విడుదలైన పోస్టర్లను చూస్తుంటే ఆలియా పాత్ర చాలా బలంగా ఉండబోతుందని, అదే సమయంలో గ్లామర్‌తోనూ మంచి ట్రీట్ ఇవ్వబోతుందని స్పష్టమవుతోంది. ఇక దీంతో మూవీ పైన అంచనాలు పెరిగిపోయాయి. ఈ క్రేజీ ప్రాజెక్ట్ 2027 జనవరి 21న హిందీ, తమిళ, తెలుగు భాషల్లో ప్రపంచవ్యాప్తంగా విడుదల కానుంది.

ఫ్యాషన్ పరంగా ట్రెండ్స్ సృష్టిస్తూనే, మరోవైపు వైవిధ్యమైన సినిమాలతో దూసుకెళ్తున్న ఆలియా భట్ స్టైల్ నిజంగా అద్భుతం. హై-షైన్ సీక్విన్స్, లగ్జరీ యాక్సెసరీస్‌ను పర్ఫెక్ట్‌గా బ్యాలెన్స్ చేస్తూ ఆమె ప్రదర్శించిన ఈ స్టైలిష్ లుక్ యువతను ఎంతగానో ఆకట్టుకుంటోంది. ఫ్యాషన్‌తో పాటు నటనలోనూ తన మార్క్ చూపిస్తున్న ఆలియా ప్రయాణం మరింత సక్సెస్ కావాలని కోరుకుందాం..