రుక్మిణి వసంత్ పై డీప్ ఫేక్ వీడియో.. కఠిన చర్యలు తప్పవంటూ!

‘సప్త సాగరాలు దాటి’ సినిమాతో తెలుగు, కన్నడ ప్రేక్షకుల్లో మంచి గుర్తింపు తెచ్చుకున్న నటి రుక్మిణి వసంత్‌కు సంబంధించిన ఒక విజువల్ సోషల్ మీడియాలో హాట్ టాపిక్‌గా మారింది. ఆమె గ్రీన్ కలర్ బికినీలో స్విమ్మింగ్ పూల్ దగ్గర ఉన్నట్లు చూపిస్తున్న ఒక క్లిప్ నెటిజన్లను ఆశ్చర్యానికి గురిచేసింది. అయితే, ఇది ఒరిజినల్ కాదని, ఏఐ సాయంతో సృష్టించిన డీప్‌ఫేక్ వీడియో అని తెలుస్తోంది. దీనిపై ఆమె అభిమానులు తీవ్ర ఆగ్రహం వ్యక్తం చేస్తూ, బాధ్యులపై కఠిన చట్టపరమైన చర్యలు తీసుకోవాలని డిమాండ్ చేస్తున్నారు.

వైరల్ వీడియో వెనుక అసలు కథేంటి?:

ఈ వైరల్ క్లిప్‌లో రుక్మిణి చుట్టూ కెమెరాలు, లైట్లు, షూటింగ్ క్రూ ఉన్నట్లు ఒక పూర్తి ప్రొడక్షన్ సెటప్ కనిపిస్తోంది. దీంతో ఇక ఇది ఏదైనా సినిమా షూటింగా లేదా బ్రాండ్ ప్రమోషనా అని చాలామంది గందరగోళానికి గురయ్యారు. ఇక అయితే సాంకేతిక నిపుణుల పరిశీలన ప్రకారం, ఇది చాలా పక్కాగా ప్లాన్ చేసి డిజైన్ చేసిన ఆర్టిఫిషియల్ ఇంటెలిజెన్స్ డీప్‌ఫేక్ క్రియేషన్ అని తెలుస్తోంది. ఒక నటి ఇమేజ్‌ను డ్యామేజ్ చేయడానికి ఇంతలా తెగించడంపై తీవ్ర విమర్శలు వస్తున్నాయి.

మారాల్సిన నెటిజన్ల మైండ్‌సెట్:

సాధారణంగా స్క్రీన్‌పై చాలా సాంప్రదాయంగా, పద్ధతిగా కనిపించే పాత్రలు చేసే రుక్మిణిని ఇలాంటి బట్టల్లో చూసేసరికి కొందరు నెటిజన్లు అనవసరంగా ఆమె మోరాలిటీని ప్రశ్నిస్తూ కామెంట్లు చేయడం మొదలుపెట్టారు. ఇక అసలు అది నిజమైన వీడియోనా కాదా అని ఆలోచించకుండా, ఒక మహిళ వ్యక్తిగత స్వేచ్ఛను, ప్రైవసీని కించపరిచేలా మాట్లాడటం దురదృష్టకరం. సైబర్ నేరగాళ్ల కంటే ఇలాంటి వారి ఆలోచనలు మరింత ప్రమాదకరంగా మారుతున్నాయి.

లీగల్ వార్నింగ్ ఇస్తున్న అభిమానులు:

ఈ ఫేక్ వీడియో హల్‌చల్ చేయడంపై రుక్మిణి వసంత్ ఫ్యాన్స్ చాలా సీరియస్‌గా ఉన్నారు. అనుమతి లేకుండా ఒక సెలబ్రిటీ రూపాన్ని ఇలా తప్పుడుగా వాడటం ఘోరమైన నేరమని వారు గుర్తుచేస్తున్నారు. "ఇది ముమ్మాటికీ ఫేక్ వీడియోనే.. దీని వెనుక ఉన్న ఆకతాయిలను వదిలిపెట్టే ప్రసక్తి లేదు" అంటూ సోషల్ మీడియా వేదికగా స్ట్రాంగ్ లీగల్ వార్నింగ్‌లు ఇస్తున్నారు. ఇక చిత్ర పరిశ్రమ, సైబర్ క్రైమ్ పోలీసులు కలిసి ఇలాంటి సైబర్ నేరగాళ్లపై కఠిన చర్యలు తీసుకోవాలని కోరుతున్నారు.

బిజీ షెడ్యూల్‌లో రుక్మిణి:

ప్రస్తుతం రుక్మిణి వసంత్ కెరీర్ పరంగా ఎంతో క్రేజీ ప్రాజెక్టులతో బిజీగా ఉంది. యంగ్ టైగర్ ఎన్టీఆర్ - ప్రశాంత్ నీల్ కాంబినేషన్‌లో రాబోతున్న ‘డ్రాగన్’ సినిమాతో పాటు, రాకింగ్ స్టార్ యశ్ నటిస్తున్న భారీ చిత్రం ‘టాక్సిక్’ లోనూ ఆమె కీలక పాత్రలు పోషిస్తోంది. ఇక ఇంతటి క్రేజీ లైనప్‌తో దూసుకుపోతున్న తరుణంలో ఇలాంటి తప్పుడు ప్రచారాలు ఆమె ఫ్యాన్స్‌కు తీవ్ర ఆవేదన కలిగిస్తున్నాయి.

సాంకేతికత పెరిగేకొద్దీ సెలబ్రిటీల ప్రైవసీకి పెద్ద ముప్పుగా మారుతోంది. నిన్న రష్మిక, నేడు రుక్మిణి.. ఇలా వరుసగా హీరోయిన్లు డీప్‌ఫేక్ బారిన పడటం ఆందోళనకరం. ఇలాంటి విషయాలను గాసిప్స్‌గా తీసిపారేయకుండా, డిజిటల్ నేరాలకు పాల్పడేవారిపై కఠిన చట్టపరమైన చర్యలు తీసుకున్నప్పుడే వీటికి అడ్డుకట్ట పడుతుందని అభిమానులు భావిస్తున్నారు.