2026 శేష్ టార్గెట్స్.. రెండు పండగలకు డబుల్ ధమాకా!

టాలీవుడ్ లో మినిమం గ్యారంటీ హీరోగా పేరు తెచ్చుకున్నాడు అడివి శేష్. ఆయన సినిమా వస్తుందంటే అందులో కచ్చితంగా ఏదో ఒక కొత్త విషయం ఉంటుందని ఆడియెన్స్ నమ్ముతారు. అయితే ఈ ఏడాది శేష్ నుంచి ఒక్క సినిమా కూడా రాలేదు. అభిమానులు చాలా కాలంగా ఆయన సినిమా కోసం ఎదురుచూస్తున్నారు. ఈ గ్యాప్ మొత్తాన్ని ఒకేసారి కవర్ చేస్తూ శేష్ ఒక సాలిడ్ ప్రామిస్ చేశారు. వచ్చే ఏడాది అంటే 2026లో తన నుంచి రెండు భారీ సినిమాలు రాబోతున్నాయని క్లారిటీ ఇచ్చారు.

రీసెంట్ గా ఒక డెకాయిట్ టీజర్ లాంచ్ ఈవెంట్ లో పాల్గొన్న అడివి శేష్ తన ఫ్యూచర్ ప్రాజెక్ట్స్ గురించి మాట్లాడుతూ ఫ్యాన్స్ లో జోష్ నింపారు. ప్రస్తుతం ఆయన చేతిలో రెండు క్రేజీ ప్రాజెక్టులు ఉన్నాయి. ఒకటి 'డెకాయిట్', మరొకటి 'గూఢచారి 2'. ఈ రెండూ కూడా వచ్చే ఏడాది పండగ సీజన్లలోనే థియేటర్లలోకి వస్తాయని ఆయన మాటిచ్చారు.

ముందుగా 'డెకాయిట్' సినిమా గురించి మాట్లాడితే.. ఈ సినిమా ఉగాది కానుకగా మార్చిలో రాబోతోంది. షానీల్ డియో దర్శకత్వంలో వస్తున్న ఈ సినిమాలో మృణాల్ ఠాకూర్ హీరోయిన్ గా నటిస్తోంది. ఇప్పటికే విడుదలైన టీజర్ కు అదిరిపోయే రెస్పాన్స్ వచ్చింది. ఇందులో శేష్ మాస్ లుక్, డైలాగ్స్ సినిమాపై అంచనాలు పెంచేశాయి. ఈ సినిమాతో శేష్ లవర్ బాయ్ ఇమేజ్ నుంచి మాస్ హీరోగా మారుతున్నట్లు కనిపిస్తోంది.

ఇక రెండో సినిమా 'గూఢచారి 2' గురించి ఎంత చెప్పినా తక్కువే. గూఢచారి సినిమాకు సీక్వెల్ గా వస్తున్న ఈ స్పై థ్రిల్లర్ పై పాన్ ఇండియా లెవెల్ లో క్రేజ్ ఉంది. ఈ సినిమా కూడా 2026లోనే మరో పండగకు రిలీజ్ అవుతుందని శేష్ కన్ఫర్మ్ చేశారు. వినయ్ కుమార్ దర్శకత్వంలో భారీ బడ్జెట్ తో ఈ సినిమా తెరకెక్కుతోంది. మొదటి పార్ట్ సక్సెస్ కావడంతో సీక్వెల్ మీద అంచనాలు పీక్స్ లో ఉన్నాయి.

ఒకే ఏడాది రెండు పెద్ద సినిమాలు రిలీజ్ చేయడం అంటే మామూలు విషయం కాదు. కానీ శేష్ పక్కా ప్లానింగ్ తో వెళ్తున్నారు. ఈ రెండు సినిమాలు కూడా వేటికవే ప్రత్యేకం. ఒకటి రొమాంటిక్ యాక్షన్ డ్రామా అయితే, మరొకటి స్టైలిష్ స్పై థ్రిల్లర్. ఇలా రెండు డిఫరెంట్ జానర్స్ తో ఆడియెన్స్ ను ఎంటర్టైన్ చేయడానికి శేష్ సిద్ధమయ్యారు.

ఏదేమైనా 2026లో శేష్ డబుల్ ధమాకా ఇవ్వబోతున్నారు. ఇన్నాళ్లు వెయిట్ చేసిన ఫ్యాన్స్ కు ఇది పండగ లాంటి వార్తే. ఉగాదికి డెకాయిట్ తో మొదలై, మరో పండగకు గూఢచారి 2తో ముగిసే ఈ జర్నీ బాక్సాఫీస్ దగ్గర ఎలాంటి రికార్డులు క్రియేట్ చేస్తుందో చూడాలి. శేష్ ప్రామిస్ చేశారంటే కచ్చితంగా డెలివరీ చేస్తారనే నమ్మకం అందరిలో ఉంది.