ఆ బ్రాండ్ కోసం రంగంలోకి నాని!

నేచురల్ స్టార్ నాని హీరోగా ఇటీవల దసరా మూవీతో బ్లాక్ బస్టర్ హిట్ అందుకున్నాడు. శ్రీ‌కాంత్ ఓదెల రూపొందించిన ఈ సినిమా హీరోగా నానిని వంద కోట్ల క్ల‌బ్‌లో చేర్చింది. కాగా, నాని ఎప్పుడూ విభిన్న కథలతో ప్రేక్షకులను అలరించాలని అనుకుంటూ ఉంటారు. ఈ క్రమంలో ఆయన సరి కొత్త కథతో ప్రేక్షకుల ముందుకు రావడానికి రెడీ అయ్యారు.

నాని న‌టిస్తున్న 30వ ప్రాజెక్ట్ ఇది. వైరా ఎంట‌ర్ టైన్‌మెంట్స్ బ్యాన‌ర్‌పై మోహ‌న్ చెరుకూరి, విజ‌యేంద‌ర్‌రెడ్డి తీగ‌ల ఈ చిత్రాన్ని నిర్మిస్తున్నారు. సీతారామం బ్యూటీ మృణాల్ ఈ మూవీలో హీరోయిన్ గా నటిస్తోంది.

ఈ సినిమా ద్వారా శౌర్యువ్ ద‌ర్శ‌కుడిగా ప‌రిచ‌యం అవుతున్నారు. తండ్రీ కూతుళ్ల ఎమోష‌న‌ల్ జ‌ర్నీ నేప‌థ్యంలో ఈ మూవీని తెర‌కెక్కిస్తున్నారు. పాన్ ఇండియా స్థాయిలో రూపొందుతున్న ఈ చిత్రానికి 'హాయ్ నాన్న‌' అనే టైటిల్‌ని ఫైన‌ల్ చేశారు.

కాగా, తాజాగా నాని మరో కొత్త అవతారం ఎత్తారు. తాజాగా ఆయన ఓ ప్రముఖ బ్రాండ్ కి బ్రాండ్ అంబాసిడర్ గా వ్యవహరిస్తున్నారు. మినిట్ మెయిడ్ పల్పీ ఆరెంజ్ కి ఆయన కొత్త బ్రాండ్ అంబాసిడర్ గా ఎన్నికయ్యారు. ఈ పల్పీ ఆరెంజ్ ని ఎంజాయ్ చేస్తూ, ఆయన ఫోటోలకు ఫోజులు ఇచ్చారు. ఈ ఫోటోలు ఇప్పుడు వైరల్ గా మారాయి.

కాగా, గతంలో ఆయన స్ప్రైట్, ఒట్టో వంటి కంపెనీలకు బ్రాండ్ అంబాసిడర్ లుగా పనిచేశారు. ఇప్పుడు మినిట్ మెయిడ్ అనే కొత్త బేవరేజ్ బ్రాండ్ కి పని చేస్తుండటం విశేషం. ఈ బ్రాండ్ కి ఇచ్చిన ఫోటోల్లో నాని లుక్ కూడా చాలా కొత్తగా ఉంది. హే నాన్న మూవీలో లుక్ అయితే కాదు అని తెలుస్తోంది. ఈ ఫోటోలు చూస్తుంటే, ఆ మూవీ షూటింగ్ అయిపోయిందా? వేరే మూవీ లుక్ అనే సందేహం కలుగుతోంది.

ఇదిలా ఉండగా, హేనాన్న తర్వాత ఆయన మరో సినిమాకి కూడా గ్రీన్ సిగ్నల్ ఇచ్చారు. అంటే సుందరానికీ మూవీకి దర్శకత్వం వహించిన వివేక్ ఆత్రేయత తో మూవీ చేయనున్నాడు. ఇది కంప్లీట్ యాక్షన్ థ్రిల్లర్ కావడ విశేషం. త్వరలోనే ఈ మూవీ రెగ్యులర్ షూట్ ప్రారంభం కానుంది.