• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  Box Office >  సౌత్ బాక్సాఫీస్ పై...

సౌత్ బాక్సాఫీస్ పై 'రామాయణం' జోరు.. మొదటిసారి ఇలా..

| బాలీవుడ్ సినిమాలకు సౌత్‌లో పెద్దగా డబ్బింగ్ వసూళ్లు రావన్న అభిప్రాయాన్ని ‘రామాయణం’ మార్చేసింది. ట్రేడ్ అంచనాల ప్రకారం నాలుగు దక్షిణాది భాషల వెర్షన్లు కలిసి రూ.250 కోట్లకు పైగా గ్రాస్ వసూలు చేశాయి. కన్నడ వెర్షన్ రూ.85 కోట్లు, తెలుగు వెర్షన్ రూ.68 కోట్లతో ముందున్నాయి. తమిళ, మలయాళ వెర్షన్లు కూడా రూ.50 కోట్ల మార్క్ దాటాయి.

By - M Prashanth
Update: 2026-11-22 11:37 GMT

నార్మల్ గా బాలీవుడ్ సినిమాలకు సౌత్ డబ్బింగ్ మార్కెట్ లో పెద్దగా కలెక్షన్లు రావు. గతంలో 'జవాన్', 'యానిమల్', 'వార్ 2' లాంటి భారీ హిందీ చిత్రాలు దక్షిణాది భాషల్లో రిలీజైనా, వాటికి వచ్చిన డబ్బింగ్ వసూళ్లు పరిమితంగానే ఉన్నాయి. కానీ నవంబర్ 5న ప్రేక్షకుల ముందుకొచ్చిన నితీష్ తివారీ 'రామాయణం' మాత్రం ఆ పాత లెక్కలన్నింటినీ తిరగరాస్తూ బాక్సాఫీస్ దగ్గర కొత్త ట్రెండ్ సెట్ చేసింది.

ట్రేడ్ వర్గాల అంచనా ప్రకారం 'రామాయణం' తెలుగు, తమిళ, కన్నడ, మలయాళ డబ్బింగ్ వెర్షన్లు కలిసి ఇండియాలో రూ.250 కోట్లకు పైగా గ్రాస్ వసూలు చేశాయి. ఒక హిందీ సినిమాకు సౌత్ వెర్షన్ల నుంచి ఈ స్థాయిలో ఆదాయం రావడం ఇదే మొదటిసారి. ఇందులో అందరినీ ఆశ్చర్యపరిచిన విషయం ఏంటంటే, తెలుగు కంటే కన్నడ వెర్షనే ఎక్కువ వసూళ్లు రాబట్టింది. కన్నడలో దాదాపు రూ.85 కోట్ల గ్రాస్ రాగా, తెలుగు వెర్షన్ సుమారు రూ.68 కోట్ల దగ్గర నిలిచింది.

యశ్ రావణుడి పాత్రలో నటించడం కన్నడ మార్కెట్ కు బాగా కలిసొచ్చింది. అయితే ఇవి కేవలం ఆయా రాష్ట్రాల కలెక్షన్లు మాత్రమే కాదు, దేశవ్యాప్తంగా ఆ భాషల వెర్షన్లకు వచ్చిన మొత్తం వసూళ్లు. తెలుగు, కన్నడతో పాటు తమిళ, మలయాళ వెర్షన్లు కూడా చెరో రూ.50 కోట్ల గ్రాస్ మార్క్ దాటడం విశేషం. మొదటి వారం ముగిసేసరికి ఈ రెండు భాషల్లో వసూళ్లు కాస్త నెమ్మదిగా కనిపించినా, పాజిటివ్ టాక్ తో రెండో వారంలో పుంజుకున్నాయి.

ట్రేడ్ రిపోర్ట్ ప్రకారం రెండో వారంలో మలయాళ వెర్షన్ కలెక్షన్లు తమిళాన్ని కూడా దాటేశాయి. కేవలం ఓపెనింగ్స్ మీద ఆధారపడకుండా లాంగ్ రన్ లో ప్రేక్షకులు థియేటర్లకు రావడంతో ఈ స్థాయి నంబర్లు సాధ్యమయ్యాయి. సినిమా మొత్తం వసూళ్లలో హిందీ వెర్షన్ దే ప్రధాన వాటా అయినప్పటికీ, సౌత్ కలెక్షన్ల శాతం ట్రేడ్ పండితులకు షాక్ ఇస్తోంది. 17 రోజుల నెట్ అంచనాల ప్రకారం హిందీ వెర్షన్ రూ.660 కోట్లకు పైగా నెట్ రాబట్టగా, నాలుగు సౌత్ భాషలు కలిసి దాదాపు రూ.198 కోట్ల నెట్ వసూలు చేశాయి.

రణ్‌బీర్ కపూర్, సాయిపల్లవి, యశ్ ప్రధాన పాత్రల్లో నటించిన ఈ చిత్రాన్ని నమిత్ మల్హోత్రా భారీ స్థాయిలో నిర్మించారు. ఏఆర్ రెహమాన్, హాన్స్ జిమ్మర్ అందించిన సంగీతం, విజువల్స్ అన్ని భాషల ఆడియన్స్ కు కనెక్ట్ అయ్యాయి. కథలోని యూనివర్సల్ అప్పీల్ తో పాటు స్టార్ క్యాస్టింగ్ వల్లే ప్రాంతీయ భేదాలు లేకుండా థియేటర్లు నిండాయి. ఈ సినిమా రెండో భాగాన్ని 2028 దీపావళికి తీసుకురావాలని మేకర్స్ ఇప్పటికే ప్లాన్ చేశారు.

బాలీవుడ్ సినిమాలకు సౌత్ లో ఆదరణ తక్కువనే అభిప్రాయాన్ని 'రామాయణం' పూర్తిగా మార్చేసింది. కంటెంట్ కు తగ్గ స్టార్ క్యాస్టింగ్ కుదిరితే డబ్బింగ్ వెర్షన్లు కూడా స్ట్రెయిట్ సినిమాల రేంజ్ లో వసూళ్లు రాబట్టగలవని చెప్పవచ్చు. మొదటి భాగమే ఈ రేంజ్ లో రికార్డులు క్రియేట్ చేయడంతో రెండో భాగంపై అంచనాలు ఇప్పటి నుంచే భారీగా పెరిగిపోయాయి.

Tags:    
  • ramayana 
  • boxoffice 
  • yash 
  • ranbirkapoor 
  • saipallavi 

Similar News

ఈ వారం బాక్సాఫీస్.. సినిమాల పరిస్థితి ఎలా ఉందంటే..

2026-11-22 10:46 GMT

అంచనాలను మించి ENE Repeat వసూళ్లు.. వీకెండ్‌లో మరింత జోరు!

2026-11-21 08:39 GMT

నవంబర్ 27 బాక్సాఫీస్ పోరు: భోగి vs మైసా!

2026-11-21 08:35 GMT

2027లో క్రేజీ సీక్వెల్స్..ద‌డ పుట్టిచేదెవ‌రు?

2026-11-20 17:28 GMT

100లో 90ఫ్లాపులు.. 100 కోట్ల పారితోషికం..ఈ రెండిటి మ‌ధ్యా చెడి బ‌య్య‌రు-ప్రేక్ష‌కుడే బ‌లి!

2026-11-20 17:26 GMT

100 కోట్ల హీరో + 100 కోట్ల డైరెక్టర్.. ఈసారి పెద్ద టార్గెట్టే!

2026-11-20 04:16 GMT

రాజమౌళికి లేని రికార్డ్.. రామాయణ డైరెక్టర్ ఖాతాలో!

2026-11-19 21:08 GMT

'ధురంధర్ 2' డే 14 కలెక్షన్లను దాటేసిన రామాయణం!

2026-11-19 05:08 GMT

సంక్రాంతి 'కాకా' పై రూ.150 కోట్ల పందెం..!

2026-11-18 22:30 GMT

'అవెంజర్స్' బుకింగ్స్ చూస్తే మన నిర్మాతలకు ఓ ప్రశ్న!

2026-11-17 10:02 GMT

డిసెంబర్ బరి నుంచి తప్పుకున్న సింహం!

2026-11-17 05:39 GMT

Copyright @2026

Powered by Blink CMS