• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  Sports >  రిషబ్ పంత్, హార్దిక్...

రిషబ్ పంత్, హార్దిక్ పాండ్యాలపై భారీ ఊహాగానాలు.. ముంబై కన్ను ఆ స్టార్ ప్లేయర్‌పైనే

| గత సీజన్‌లో లక్నో సూపర్ జెయింట్స్ రికార్డు స్థాయిలో భారీగా రూ. 27 కోట్లకు రిషబ్ పంత్‌ను జట్టులోకి తీసుకున్న సంగతి తెలిసిందే.

By - A.N.Kumar
Update: 2026-06-20 05:46 GMT

ఐపీఎల్ అంటేనే కేవలం మైదానంలో జరిగే ఫోర్లు, సిక్సర్ల పండగ మాత్రమే కాదు.. మైదానం వెలుపల జరిగే వ్యూహాలు, ఆటగాళ్ల ట్రేడింగ్‌లు కూడా అంతే ఉత్కంఠను రేకెత్తిస్తాయి. ప్రతి సీజన్‌కు ముందు ఆటగాళ్ల రిటెన్షన్, ట్రేడింగ్, వేలం అంశాలు సోషల్ మీడియాలో భారీ చర్చకు దారి తీస్తాయి. ముఖ్యంగా కోట్ల రూపాయల భారీ ధరతో కొనుగోలు చేసిన స్టార్ ప్లేయర్లు అంచనాలకు తగ్గట్టుగా రాణించకపోతే వారి భవిష్యత్తుపై రకరకాల ఊహాగానాలు మొదలవుతాయి. తాజాగా ఐపీఎల్ 2027 సీజన్‌కు ముందు కూడా అలాంటి ప్రచారాలే నెట్టింట జోరుగా సాగుతున్నాయి. ప్రస్తుతం రిషబ్ పంత్, హార్దిక్ పాండ్యా, రుతురాజ్ గైక్వాడ్ వంటి స్టార్ క్రికెటర్ల పేర్లు ట్రేడ్ వార్తల్లో ప్రముఖంగా వినిపిస్తున్నాయి.

లక్నోకు పంత్ గుడ్‌బై? రూ. 15 కోట్లతో ఢిల్లీలోకి రీ-ఎంట్రీ?

గత సీజన్‌లో లక్నో సూపర్ జెయింట్స్ రికార్డు స్థాయిలో భారీగా రూ. 27 కోట్లకు రిషబ్ పంత్‌ను జట్టులోకి తీసుకున్న సంగతి తెలిసిందే. ఐపీఎల్ చరిత్రలోనే అత్యంత ఖరీదైన ఆటగాడిగా నిలిచిన పంత్ నుంచి అభిమానులు, యాజమాన్యం భారీ అంచనాలు పెట్టుకున్నాయి. అయితే బ్యాటింగ్‌తో పాటు కెప్టెన్సీలోనూ పంత్ ఆశించిన స్థాయిలో ప్రభావం చూపించలేకపోయాడు.

దీంతో లక్నో యాజమాన్యం అతడిని కెప్టెన్సీ నుంచి తప్పించడమే కాకుండా జట్టు నుంచి పూర్తిగా విడుదల చేసే అవకాశాలు ఉన్నాయని ప్రచారం జరుగుతోంది. మరోవైపు పంత్‌ను తిరిగి తమ గూటికి తీసుకురావడానికి ఢిల్లీ క్యాపిటల్స్ తీవ్రంగా ప్రయత్నిస్తోందని, దాదాపు రూ. 15 కోట్ల ట్రేడ్ డీల్‌పై ఇరు జట్ల మధ్య చర్చలు జరుగుతున్నాయని ఇన్సైడ్ టాక్.

ముంబై ఇండియన్స్‌కు హార్దిక్ దూరం కానున్నాడా?

ఇక స్టార్ ఆల్‌రౌండర్ హార్దిక్ పాండ్యా పరిస్థితి కూడా దాదాపు ఇలాగే కనిపిస్తోంది. గుజరాత్ టైటాన్స్‌కు కెప్టెన్‌గా టైటిల్ అందించిన తర్వాత ముంబై ఇండియన్స్‌కు తిరిగి వచ్చిన హార్దిక్ నుంచి యాజమాన్యం భారీ విజయాలు ఆశించింది. కానీ గత రెండు సీజన్లలో ముంబై ఆశించిన ఫలితాలు సాధించలేకపోయింది. కెప్టెన్‌గా హార్దిక్ తీసుకున్న కొన్ని నిర్ణయాలు, ఫామ్ లేమి తీవ్ర విమర్శలకు గురయ్యాయి.

క్రికెట్ వర్గాల సమాచారం ప్రకారం.. హార్దిక్ పాండ్యాను విడుదల చేసే అవకాశాలను ముంబై యాజమాన్యం సీరియస్‌గా పరిశీలిస్తోంది. ఇదే సమయంలో రాజస్థాన్ రాయల్స్ హార్దిక్‌ను తమ జట్టులోకి తీసుకురావాలని ఆసక్తి చూపుతున్నట్లు జోరుగా ప్రచారం సాగుతోంది.

యశస్వి జైస్వాల్‌పై ముంబై కన్ను

ఇదే సమయంలో ముంబై ఇండియన్స్ మరో సంచలన ట్రేడింగ్‌కు స్కెచ్ వేసినట్లు తెలుస్తోంది. భారత యువ సంచలనం, ఓపెనర్ యశస్వి జైస్వాల్‌పై ముంబై ఫ్రాంచైజీ దృష్టి పెట్టినట్లు సమాచారం. దేశీయ క్రికెట్ రోజుల నుంచే జైస్వాల్ ఆటతీరుపై ముంబైకి ప్రత్యేక ఆసక్తి ఉంది. వచ్చే సీజన్‌కు ముందు ఎలాగైనా అతడిని ట్రేడ్ విండో ద్వారా తమ జట్టులోకి తీసుకురావడానికి ముంబై గట్టి ప్రయత్నాలు చేస్తోందని క్రికెట్ వర్గాలు చెబుతున్నాయి.

రిషబ్ పంత్ ప్రస్తుతమున్న లక్నో సూపర్ జెయింట్స్ నుంచి ఢిల్లీ క్యాపిటల్స్ రూ. 15 కోట్ల ట్రేడ్ డీల్ లో భాగంగా చర్చలు జరుపుతున్నట్టు తెలుస్తోంది. ఇక హార్దిక్ పాండ్యా ముంబై ఇండియన్స్ నుంచి రాజస్థాన్ రాయల్స్ ట్రేడింగ్ / రిలీజ్ చర్చలు సాగుతున్నట్టు సమాచారం. ఇక యశస్వి జైస్వాల్ ను రాజస్థాన్ రాయల్స్ నుంచి ముంబై ఇండియన్స్ ట్రేడ్ చర్చలు సాగుతున్నాయి.

అధికారిక ప్రకటన వచ్చే వరకు వెయిట్ చేయాల్సిందే

అయితే ప్రస్తుతం సోషల్ మీడియాలో క్రీడా వర్గాల్లో వినిపిస్తున్న ఈ వార్తలన్నీ కేవలం ఊహాగానాలు మాత్రమే, వీటికి ఎలాంటి అధికారిక ధృవీకరణ లేదు. ఐపీఎల్ ట్రేడ్ విండో అధికారికంగా ప్రారంభమయ్యే వరకు ఇలాంటి అనేక ప్రచారాలు వినిపించడం సహజమే. చివరికి ఏ ఆటగాడు ఏ జట్టుకు మారతాడు? ఎవరు తమ పాత జట్టులోనే కొనసాగుతారు? అనేది బిసిసిఐ , సంబంధిత ఫ్రాంచైజీలు అధికారిక ప్రకటనలు విడుదల చేసిన తర్వాతే స్పష్టత రానుంది. అప్పటి వరకు ఈ ఆసక్తికర 'ట్రేడ్ వార్స్' క్రికెట్ అభిమానులకు ఫుల్ ఎంటర్‌టైన్‌మెంట్ ఇవ్వడం ఖాయం.

Tags:    
  • ipl 
  • ipl2027 
  • indianpremierleague 
  • cricketnews 
  • rishabhpant 
  • hardikpandya 
  • yashasvijaiswal 
  • mumbaiindians 
  • delhicapitals 
  • rajasthanroyals 

Similar News

దిగ్గజాల వీడ్కోలు.. 2026 క్రీడాభిమానులకు ఓ చేదు జ్ఞాపకం..

2026-11-18 10:02 GMT

ఐపీఎల్‌లో కెప్టెన్సీ కుర్చీ కోసం పోటీ.. వేలానికి ముందే ఐదు జట్లలో హాట్ టాపిక్

2026-11-18 09:54 GMT

బ్రేకింగ్ : ఐపీఎల్ కు ధోని రిటైర్ మెంట్.. ఇక సీఎస్కే లో ఈ కొత్త రోల్..

2026-11-17 10:33 GMT

పాక్ పనిపట్టిన గుంటూరు కుర్రోడు.. విజయ సుభాష్ ఫుల్ స్టోరీ ఇదే..

2026-11-15 20:25 GMT

అండర్-19 ఆసియా కప్ 2026: వారెవ్వా! ఇదిరా కిక్కిచ్చే విక్ట‌రీ అంటే.. గ్రేట్ ఇండియా!

2026-11-14 16:38 GMT

న్యూజిలాండ్ చేతిలో భారత్ ఘోర ఓటమి.. 89 పరుగులకే చాపచుట్టేసిన టీమిండియా!

2026-11-13 10:19 GMT

రూ.10 లక్షల నుంచి రూ.18 కోట్లకు.. హార్దిక్ పాండ్యా ఐపీఎల్ సంపాదన ఎంతో తెలుసా?

2026-11-13 06:53 GMT

తోపు క్రికెటర్ అయినా.. పబ్లిక్ లో భార్యకు గజగజ వణికిపోయాడు.. వైరల్ వీడియో

2026-11-12 19:30 GMT

ఇది భారత చెస్ స్వర్ణయుగానికి అసలైన బలమైన ఆరంభం

2026-11-10 11:30 GMT

ఐపీఎల్ లో మరో రెండు జట్లు.. 10 నుంచి 12కు పెరగనున్న టీమ్‌ల సంఖ్య? బీసీసీఐ మాస్టర్ ప్లాన్ ఇదేనా?

2026-11-10 10:30 GMT

భారత్ తో క్రికెట్ ఆడకపోతే దివాళా తీయాల్సిందే.. ఇంగ్లండ్ పరిస్థితి అదే..

2026-11-09 04:25 GMT

శాండ్ పేపర్ వివాదం.. ఆస్ట్రేలియా క్రికెట్ లో మంటపెట్టిన ఉస్మాన్ ఖవాజా

2026-11-07 08:22 GMT

Copyright @2026

Powered by Blink CMS