• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  కోడెల కేసులో ఏ1 - ఏ2 - ఏ3...

కోడెల కేసులో ఏ1 - ఏ2 - ఏ3 నిందితులు వీళ్లేనా?

By - Tupaki Desk
Update: 2019-09-18 10:30 GMT
ఐదు సార్లు ఎమ్మెల్యే ఆయన.. ఎన్టీఆర్ తోపాటు తెలుగుదేశం పార్టీలో నడిచిన రాజకీయ నేత.. అలాంటి ఆయనను చంద్రబాబు ఎటూ కాకుండా చేశాడు. బొమ్మను చేసి ఆడించాడు.. చివరకు కష్టకాలంలో వదిలేసి వెళ్లిపోయాడు.. అవమానాల భారంతో ఆయన తనువు చాలించాడు. కష్టాల్లో ఉన్నప్పుడు పట్టించుకోని చంద్రబాబు ఇప్పుడు ఆయన శవంగా మారాక.. అదే డెడ్ బాడీతో శవరాజకీయం చేయడంపై కోడెల సన్నిహిత వర్గాలు రగిలిపోతున్నాయట.. ఈ విషయం ఆ నోటా ఈనోట బయటకు రావడంతో టీడీపీ కోడెలకు చేసిన నమ్మకద్రోహం ఇదేనంటూ ప్రచారం సాగుతోంది.

కోడెల శివప్రసాద్ రావు ఐదు సార్లు ఎమ్మెల్యేగా గెలిచినప్పుడు ఇదే చంద్రబాబు ఆయనను నెత్తిన పెట్టుకున్నాడు. పల్నాటి పులి అంటూ కొనియాడారు. కానీ 2014లో 6వ సారి గెలిచాక మాత్రం ఈయనకు క్లిష్టమైన స్పీకర్ పదవిని అప్పజెప్పాడు. సరే బాబు అండగా ఉంటాడని ఈయన ప్రతిపక్షాన్ని అణిచివేశాడు. 23 మంది వైసీపీ ఎమ్మెల్యేలను లాగినా సస్పెండ్ చేయకుండా చంద్రబాబు చేతిలో కోడెల రిమోట్ అయ్యాడన్న అపవాదు ఆయనకు వచ్చింది. చంద్రబాబు కోసం నీతి - నియమాలు అన్నీ పక్కనపెట్టి బలిపశువు అయ్యాడన్న ఆవేదన కోడెల సన్నిహితుల్లో ఉంది. ఇప్పుడు గెలిచిన వైసీపీకి కోడెల టార్గెట్ కావడానికి ఆయన స్పీకర్ గా తీసుకున్న నిర్ణయాలు - నిర్బంధం.. వైసీపీని టార్గెట్ చేయడమేనన్న ఆవేదన ఆయన సన్నిహితులు - క్యాడర్ లో ఉందట.. ఇలా చంద్రబాబు చెప్పినట్టు రాజీనామాలు ఆమోదించకుండా.. వైసీపీపై అసెంబ్లీలో ఉక్కుపాదం మోపడానికి కోడెల పడిన బాధ - ఆవేదన ఒత్తిడి అంతా ఇంతాకాదని ఆయన మనసు ఎరిగిన వారు చెబుతుంటారు.

సరే చంద్రబాబు ప్రభుత్వ హయాంలో పూర్తిగా సహకరించిన కోడెలను అధికారం కోల్పోయాక చంద్రబాబు అస్సలు పట్టించుకున్న పాపాన పోలేదన్న విమర్శలున్నాయి. ఆయన ఫ్యామిలీపై కేట్యాక్స్ కేసులు నమోదై ఇబ్బందులు ఎదురవుతున్నా కోడెలకు సపోర్టుగా ఒక్కరోజు కూడా చంద్రబాబు మాట్లాడింది లేదని ఆయన సన్నిహితులు నొక్కిచెబుతున్నారు. కోడెలకు అండగా నిలిస్తే తనకు ఆ కేసులు చుట్టుకుంటాయని.. ఆయనను చంద్రబాబు దూరం పెట్టారన్న విమర్శలున్నాయి. ఇక కోడెల కుటుంబ నిర్వహిస్తున్న షోరూంలో అసెంబ్లీ ఫర్నిచర్ బయటపడ్డప్పుడు దొంగ అంటూ ముద్ర వేసి కోడెలను మానసిక క్షోభకు గురిచేశారు. ఆ సమయంలోనూ చంద్రబాబు కోడెలకు అండగా నిలిచింది లేదు.. ఆత్మస్థైర్యం ఇచ్చింది లేదు.

చంద్రబాబు కనుక కోడెలకు అండగా నిలిచి ఆయన తరుఫునా పోరాడినా.. మద్దతుగా నిలబడినా  ఇప్పుడు కోడెల బతికే ఉండేవాడన్న చర్చ రాజకీయవర్గాల్లో సాగుతోంది. మొన్నటి ప్రభుత్వంలో  చంద్రబాబుకు అన్నీవిధాల సహకరించిన కోడెల ఆ తర్వాత ఇన్ని కేసులు, అవమానాలు ఎదుర్కొన్నా చంద్రబాబు కనీసం నైతిక మద్దతు ఇవ్వలేదనే విమర్శలున్నాయి. పైగా ఇప్పుడు చనిపోయాక ఆయన శవంతో రాజకీయం చేస్తున్న తీరు చూశాక కోడెల సన్నిహితులు - ఆయన అనుచరుల్లో ఆగ్రహం కట్టలు తెంచుకుంటోందట.. నిజానికి కోడెలపై పెట్టిన కేసుల కంటే చంద్రబాబు వ్యవహరించే తీరే కోడెలను మానసిక క్షోభకు గురిచేసి ఉంటుందన్న  వాదన సన్నిహితుల నుంచి వ్యక్తమవుతోంది.

కోడెల ఆత్మహత్యకు పరోక్షంగా ఆయన పుత్రరత్నాలు కూడా కారణం అన్న విమర్శలు ఉన్నాయి. కోడెల స్పీకర్ గా ఉన్నప్పుడు నర్సారావుపేట కేంద్రంగా కేట్యాక్స్ పేరిట ఆయన కుమారుడు శివరాం వసూలు చేసిన డబ్బులు కూడా కోడెల మెడకు చుట్టుకున్నాయి. వైసీపీ ప్రభుత్వం వచ్చాక బాధితులంతా బయటకు రావడం.. కోడెల ఫ్యామిలీపై కేసులు పెట్టడం.. కోడెల కుమారుడి కేట్యాక్స్ బాగోతాలు బయటపడడంతో కోడెల తలెత్తుకోలేకపోయాడు.. కొడుకు చేసిన నిర్వాకం వల్ల తండ్రి కోడెల కూడా రాజకీయంగా తీవ్ర ఇబ్బందులను ఎదుర్కొన్నారన్నది కాదనలేని సత్యం..

ఇక ముచ్చటగా కోడెల చావుకు ఆయన కూతురు కూడా ఓ కారణమని ప్రచారం జరుగుతోంది. కేట్యాక్స్ దందాలో కూతురుపై కూడా కొన్ని చోట్ల ఆరోపణలు వచ్చాయి. ఇక బైక్ షోరూంల బిజినెస్ లో తండ్రి అధికారాన్ని అడ్డంపెట్టుకొని కోడెల కూతురు ప్రభుత్వానికి ట్యాక్స్ కట్టకుండా ఎగ్గొట్టినట్టు ఆరోపణలున్నాయి. ఇక ఏకంగా అసెంబ్లీ ఫర్నిచర్ ను తన షోరూంలో వాడుకోవడం దుమారం రేపింది. వైసీపీ ప్రభుత్వం వచ్చాక ఆ ఫర్నీచర్ వివాదంలో కోడెల దొంగగా అభాసుపాలు కావడానికి ఆయన కూతురు కూడా ఒక కారణం అన్న విమర్శలున్నాయి.

చంద్రబాబు - కోడెల కుమారుడు - కూతురుయే ఆయన ఆత్మహత్యకు పరోక్ష కారణమన్న ప్రచారం సాగుతోంది.ఈ నేపథ్యంలో కోడెల ఆత్మహత్యపై గనుక కేసులు నమోదు చేస్తే చంద్రబాబు ఏ1 గా - కోడెల కుమారుడు శివరాం ఏ2గా  - కూతురు ఏ3గా ఉంటారని కోడెల సన్నిహితులు అక్కసు వెళ్లగక్కుతున్నారు.
  


Tags:    
  • Chandrababu Naidu 
  • Kodela Sivaprasada Rao 
  • Andhra Politics 
  • Telugu News 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS