• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  తీవ్ర దుమారం: 2011 ప్రపంచ...

తీవ్ర దుమారం: 2011 ప్రపంచ కప్ ఓటమిపై మాజీమంత్రి సంచలన వ్యాఖ్యలు

By - Tupaki Desk
Update: 2020-06-19 09:10 GMT
కొన్నేళ్ల తర్వాత భారతదేశం క్రికెట్ ప్రపంచ కప్ సొంతం చేసుకున్నది 2011లో. ఫైనల్ మ్యాచ్ లో శ్రీలంకను ఓడించి కప్ ను కైవసం చేసుకుంది. అయితే దీని పై ఇప్పటికీ అనుమానాలు వ్యక్తమవుతున్నాయి. శ్రీలంక ఓటమి పాలవ్వడం పలు సందేహాలు లేవనెత్తాయి. తాజాగా ఇదే విషయమై శ్రీలంకకు చెందిన మాజీ మంత్రి సంచలన వ్యాఖ్యలు చేశారు. తమ దేశ జట్టు ఫైనల్ మ్యాచ్ లో ఉద్దేశపూర్వకంగా ఓటమి పాలయ్యిందని ఆరోపించారు.

ఆరోపించింది ఎవరో కాదు శ్రీలంక క్రీడా శాఖ మంత్రి మహిందానంద. 2011 ప్రపంచ కప్ సమయంలో ఆ దేశ క్రీడా శాఖ మంత్రిగా కొనసాగిన వ్యక్తే. అందుకే ఈ వ్యాఖ్యలు శ్రీలంకతో పాటు భారతదేశంలో కలకలం రేపుతోంది. భారత్‌తో జరిగిన 2011 వన్డే వరల్డ్‌కప్‌ ఫైనల్‌ మ్యాచ్‌లో తమ జట్టు  ఉద్దేశపూర్వకంగానే ఓడిందని శ్రీలంక మాజీ క్రీడా మంత్రి మహిందానంద అలుత్‌గమగె సంచలన ఆరోపణలు చేశారు. ఆ మ్యాచ్‌లో తమ జట్టు అమ్ముడుపోయిందంటూ ఘాటు వ్యాఖ్యలు చేశారు.

2010 నుంచి 2015 వరకు లంక క్రీడా మంత్రిగా వ్యవహరించిన మహిందానంద ప్రస్తుతం ఎంపీగా కొనసాగుతున్నారు. ముంబైలోని వాంఖడే మైదానంలో జరిగిన ఈ మ్యాచ్‌లో భారత్‌ మరో పది బంతులుండగానే 6 వికెట్ల తేడాతో గెలిచిన విషయం తెలిసిందే.

ఓ టీవీ చానెల్‌కు ఇచ్చిన ఇంటర్వ్యూలో మహిందానంద సంచలన వ్యాఖ్యలు చేశారు. ‘2011 వరల్డ్‌కప్‌లో మా జట్టు అమ్ముడుపోయిందని స్పష్టంగా చెప్పగలను. అంతేకాదు.. నా మాటకు కట్టుబడి ఉంటాను. ఆ సమయంలో నేను శ్రీలంక క్రీడా మంత్రిగా ఉన్నాను. అయితే దేశ ప్రయోజనాలను దృష్టిలో ఉంచుకుని పూర్తి వివరాలను మాత్రం వెల్లడించలేను. ఆ ఫైనల్‌ మ్యాచ్‌ మాత్రం లంక జట్టే గెలవాల్సింది. ఈ విషయంలో ఎలాంటి చర్చకైనా నేను సిద్ధమే. ఆటగాళ్లకు ఇందులో భాగస్వామ్యం లేకపోయినా కొన్ని వర్గాలు మాత్రం ఈ ఫిక్సింగ్‌లో పాలుపంచుకున్నాయి’ అని కుండబద్దలు కొట్టినట్లు చెప్పారు.


ఈ 2011 ఫైనల్‌ మ్యాచ్‌పై గతంలోనూ శ్రీలంక నుంచి ఇలాంటి ఆరోపణలే వచ్చాయి. మాజీ కెప్టెన్‌ అర్జున రణతుంగ కూడా తమ జట్టు ఓటమిపై ఆశ్చర్యాన్ని వ్యక్తం చేశాడు. శ్రీలంక మాజీ మంత్రి దయసిరి జయశేఖర కూడా ఇదే తరహా వాదనను వినిపించాడు.


ఈ వ్యాఖ్యలతో శ్రీలంకలో కలకలం రేపాయి. మాజీమంత్రి మహిదానంద వ్యాఖ్యలపై కొందరు క్రికెట్ ఆటగాళ్లు స్పందించారు. 2011 వన్డే వరల్డ్‌కప్‌ ఫైనల్లో తాము కావాలనే ఓడామనడానికి ఆధారాలు చూపాల్సిందిగా అప్పటి శ్రీలంక క్రికెట్ జట్టు కెప్టెన్‌ కుమార సంగక్కర, జయవర్ధనె డిమాండ్‌ చేశారు. మాజీ క్రీడామంత్రి మహిదానంద గమగె దగ్గర దీనికి సంబంధించి ఏమైనా సాక్ష్యాలుంటే వెంటనే ఐసీసీకి, అవినీతి వ్యతిరేక యూనిట్‌కు అందించాలని సూచించారు. అప్పుడే వారు క్షుణ్ణంగా విచారణ జరుపుతారని సంగక్కర ట్విట్టర్ లో కోరాడు.

జయవర్ధనె కూడా గమగె వ్యాఖ్యల పై మండిపడ్డారు.  ‘చూస్తుంటే సర్కస్‌ ఆరంభమైనట్టు కనిపిస్తోంది.. ఇప్పుడేమైనా ఎన్నికలు జరగబోతున్నాయా? మరి పేర్లు, సాక్ష్యాలేమైనా ఉన్నాయా?’ అంటూ జయవర్ధనె ట్వీట్‌ చేశాడు. వీటి పై భారత క్రికెట్ జట్టు ఆటగాళ్లు నిశితంగా పరిశీలిస్తున్నారు.
Tags:    
  • former ministers 
  • sensational Comments 
  • 2011 World Cup 
  • Political News 
  • Breaking News 
  • Tupaki News Tupaki Updates 
  • Tupaki 
  • Latest News 
  • Tupaki Media 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS