• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  సత్తెనపల్లి కి...

సత్తెనపల్లి కి వంగవీటి?..బాబు ఉభయతారక మంత్రం

By - Tupaki Desk
Update: 2020-03-04 14:30 GMT
మొన్నటి ఎన్నికల్లో ఘోర పరాజయం తర్వాత తెలుగు దేశం పార్టీలో ఓ రకమైన నిస్తేజం అలముకుంది. పార్టీ అధికారంలో ఉండగా... తమదైన శైలిలో చక్రం తిప్పిన నేతలంతా ఇప్పుడు సైలెంట్ అయిపోయారు. అధికారాన్ని అడ్డం పెట్టుకుని ఇష్టారాజ్యంగా వ్యవహరించిన నేతలంతా ఇప్పుడు తలలు పట్టుకుని కూర్చున్నారు. కొన్ని నియోజకవర్గాలకు అసలు ఇంచార్జీలే కనిపించని పరిస్థితి. అలాంటి నియోజకవర్గాల్లో గుంటూరు జిల్లాలోని కీలకమైన సత్తెనపల్లి కూడా ఒకటి. గతంలో స్పీకర్ గా వ్యవహరించిన దివంగత నేత కోడెల శివప్రసాద్ ఈ నియోజకవర్గం నుంచే ప్రాతినిథ్యం వహించగా... ఇటీవలే ఆయన ఆత్మహత్య చేసుకున్నారు. ఈ క్రమంలో ఆ నియోజకవర్గ బాధ్యతలు తీసుకునేందుకు ఏ ఒక్కరు కూడా ముందుకు రాని పరిస్థితి. అదే సమయంలో కాపు సామాజిక వర్గంలో బలమైన నేతగా ప్రచారంలో ఉన్న వంగవీటి రాధాకృష్ణను అసలు ఏ నియోజకవర్గానికి పంపాలో తెలియని పరిస్థితి. అయితే ఈ రెండు సమస్యలను ఒకే దెబ్బకు పరిష్కరించే వ్యూహాన్ని చంద్రబాబు రచించారట. అదే... సత్తెనపల్లికి వంగవీటికి కేటాయించడమట.

వైసీపీ నుంచి టీడీపీలోకి వచ్చిన వంగవీటి... తనకు విజయవాడ సెంట్రల్ నియోజకవర్గమే కావాలంటూ పట్టుబట్టారు. వైసీపీ నుంచి ఆయన ఎగ్జిట్ కు కూడా సెంట్రల్ నియోజకవర్గం దక్కకపోవడమేనని ప్రచారం సాగింది. అయితే టీడీపీలోకి వచ్చినా వంగవీటికి సెంట్రల్ దక్కలేదు కదా... అసలు ఎక్కడ కూడా పోటీ చేయకుండా అలా ఖాళీగా ఉండిపోవాల్సి వచ్చింది. ఎన్నికలకు ముందు చాలా ప్రతిపాదనలు ముందుకు వచ్చినా... ఏ ఒక్కటి కూడా వర్కవుట్ కాకపోవడంతో వంగవీటి సైలెంట్ గా ఉండక తప్పలేదు. అదే సమయంలో గత ఎన్నికల్లో సత్తెనపల్లిలో కోడెలకు వ్యతిరేకంగా ఓ అసమ్మతి వర్గం బయలుదేరింది. కోడెలకు సీటిస్తే అసలు తాము పనిచేయమని కూడా పార్టీ కేడర్ అధిష్ఠానికి తేల్చి చెప్పేసింది. అయినా కూడా మంకుపట్టు వీడని కోడెల... తాను సత్తెనపల్లి నుంచి తప్పుకునేది లేదని తేల్చి చెప్పడంతో పాటు పట్టుబట్టి మరీ అదే నియోజకవర్గాన్ని ఇప్పించుకున్నారు. అయితే ఎన్నికల్లో కోడెలతో పాటు టీడీపీకి కూడా ఓటమి దక్కడంతో ఒక్కసారిగా సమీరణాలు మారిపోయాయి.

తాజాగా ఖాళీగా, ఏ నియోజకవర్గ బాధ్యతలు దక్కని వంగవీటిని సత్తెనపల్లికి పంపితే ఎలా ఉంటుందన్న ప్రతిపాదన రాగానే... పార్టీ అధినేత నారా చంద్రబాబునాయుడు... ఈ ప్రతిపాదన పార్టీకి ఉభయ తారకంగా పనిచేస్తుందని, ఒకే దెబ్బకు రెండు కీలక సమస్యలు పరిష్కారమైనట్లుగా ఉంటుందని భావించి.. వెనువెంటనే ఓకే చెప్పేసినట్లుగా తెలుస్తోంది. అంతేకాకుండా నియోజకవర్గంలో ఏకంగా 30 వేలకు పైగా కాపు ఓట్లు ఉన్న నేపథ్యంలో... సత్తెనపల్లిని వంగవీటికి అప్పగిస్తే తమకు ఎలాంటి అభ్యంతరం లేదని, అంతేకాకుండా వంగవీటితో కలిసి పనిచేస్తామని కూడా అక్కడి పార్టీ కేడర్ చెప్పేసిందట. ఈ నేపథ్యంలో సత్తెనపల్లి నియోజకవర్గ బాధ్యతలను నేడో, రేపో వంగవీటికి అప్పగిస్తూ చంద్రబాబు కీలక నిర్ణయం తీసుకుంటారన్న వాదనలు వినిసిస్తున్నాయి. ఇదే జరిగితే...సెంట్రల్ లో తిష్ట వేసుకుని కూర్చున్న బొండా ఉమామహేశ్వరరావు ఊపిరి పీల్చుకోవడంతో పాటుగా... సత్తెనపల్లికి ఓ బాధ్యుడు దొరికినట్టు అవుతుందన్న వాదనలు వినిపిస్తున్నాయి.


Tags:    
  • TDP 
  • Vangaveeti Radha 
  • Sattenapalli 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS