• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  రాజీవ్‌ గాంధీ కేసులో...

రాజీవ్‌ గాంధీ కేసులో సుప్రీం సంచలన తీర్పు.. పెరారివలన్‌ విడుదల

By - Tupaki Desk
Update: 2022-05-18 08:56 GMT
మాజీ ప్రధాని రాజీవ్‌గాంధీ హత్య కేసులో మే 18న సుప్రీంకోర్టు సంచలన తీర్పు వెలువరించింది. ఈ కేసులో గత 31 ఏళ్లుగా తమిళనాడుల్లోని జైల్లో మగ్గుతున్న పెరారివలన్‌కు విముక్తిని ప్రసాదించింది. ఈ మేరకు అతడిని విడుదల చేయాలని ఆదేశాలు జారీ చేసింది. 1991లో మే 21న తమిళనాడులోని శ్రీపెరంబుదూర్‌లో ఎన్నికల ప్రచారానికి వెళ్లిన రాజీవ్‌ గాంధీని లిబరేషన్‌ టైగర్స్‌ ఆఫ్‌ తమిళ ఈలం (ఎల్‌టీటీ ఈ) తీవ్రవాదులు మానవ బాంబుతో హత్య చేసిన సంగతి తెలిసిందే. ఈ ఘటనలో రాజీవ్‌ గాంధీతోపాటు మరో 14 మంది మృతి చెందారు. 43 మంది తీవ్రంగా గాయపడ్డారు.

రాజీవ్‌గాంధీ హత్యకు సహకరించిన మొత్తం ఏడుగురికి కోర్టు ఉరి శిక్ష విధించింది. తర్వాత దీన్ని జీవిత ఖైదుగా మార్చింది. ఈ ఏడుగురిలో పెరారివలన్‌ కూడా ఉన్నాడు. పేలుడు పరికరాలను సరఫరా చేసినందుకు ఈయనకు కోర్టు శిక్ష వేసింది.

అప్పటి నుంచి తమిళనాడులోని పూళన్‌ జైల్లో పెరారివలన్‌ మగ్గుతున్నాడు. ఈ ఏడాది మార్చిలో తన భార్యను కలుసుకోవడానికి పెరోల్‌ ఇప్పించాల్సిందిగా పెరారివలన్‌ తమిళనాడు ప్రభుత్వానికి దరఖాస్తు చేసుకున్నాడు. దీంతో తమిళనాడు ప్రభుత్వ విజ్ఞప్తి మేరకు సుప్రీంకోర్టు అతడికి బెయిల్‌ మంజూరు చేసింది.

కోర్టు విధించిన జీవిత ఖైదు తమకు ఎప్పుడో ముగిసిందని కాబట్టి తమను జైలు నుంచి విడుదల చేయాలని ఏడుగురు నిందితులు ఒక్కొక్కరు వరుసగా కోర్టును ఆశ్రయిస్తున్నారు. ఈ నేపథ్యంలోనే పెరారివలన్‌ సుప్రీంకోర్టు మెట్లెక్కారు.

ఇందులో భాగంగా మే నెల మొదటి వారంలోనే సుప్రీంకోర్టు తమిళనాడు ప్రభుత్వం, ఆ రాష్ట్ర గవర్నర్‌పై ఆగ్రహం వ్యక్తం చేసింది. పెరారివలన్‌ విడుదల విషయంలో నిర్ణయం తీసుకోకపోతే తామే నిర్ణయం తీసుకుంటామని హెచ్చరించింది. ఏ విషయాన్ని మే 10 లోగా తేల్చాలని అప్పట్లోనే డెడ్‌లైన్‌ విధించింది.

దీంతో తమిళనాడు శాసనసభ రాజీవ్‌ గాంధీ హత్య కేసులో నిందితులను విడుదల చేయాలని తీర్మానాన్ని ఆమోదించింది. దీన్ని రాష్ట్ర గవర్నర్‌ ఆమోదం కోసం పంపింది. అయితే గవర్నర్‌ తాను సంతకం చేసిన తీర్మానాన్ని సుప్రీంకోర్టుకు పంపడానికి జాప్యం చేశారు. దీంతో పెరారివలన్‌ సుప్రీంకోర్టును ఆశ్రయించారు. దీంతో సుప్రీంకోర్టు అతడిని కేసు నుంచి విముక్తుడిని చేస్తూ మే 18న నిర్ణయం వెలువరించింది.
Tags:    
  • FormerPrimeMinister 
  • RajivGandhiMurderCase 
  • TamilnaduPrison 
  • Perarivalan 
  • SriperumbudurElections 
  • SupremeCourtCase 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS