• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  అర్థరాత్రి కలకలం:...

అర్థరాత్రి కలకలం: చిత్తూరు మాజీ మేయర్ హేమలతపై పోలీసు జీపు

By - Tupaki Desk
Update: 2022-06-24 04:05 GMT
ఎక్కడైనా విన్నామా? ఎప్పుడైనా చూశామా? అన్నట్లు విడ్డూరాలన్ని కలిసికట్టుగా మీద పడ్డట్లు.. ఏపీలోని వైఎస్ జగన్ ప్రభుత్వంలో తరచూ చోటు చేసుకునే వివాదాలు తరచూ సంచలనాలకు కేరాఫ్ అడ్రస్ గా మారుతున్నాయి. జగన్ పాలన మీద ఆగ్రహాన్ని వెళ్లబుచ్చేలా మారుతున్నాయి. తాజాగాఅర్థరాత్రి వేళ.. చిత్తూరు పోలీసులు అనుసరించిన తీరు కొత్త వివాదానికి కారణమైందన్న మాట వినిపిస్తోంది. గురువారం అర్థరాత్రి 11 గంటల సమయంలో చిత్తూరు మాజీ మేయర్ కమ్ టీడీపీ నగర అధ్యక్షురాలు కఠారి హేమలత అనుచరుడైన పూర్ణ ఇంటి వద్ద చోటు చేసుకున్న హైడ్రామా.. ఈ సందర్భంగా పోలీసుల తీరుపై విమర్శలు వెల్లువెత్తుతున్నాయి. అసలేం జరిగిందంటే..

గురువారం అర్థరాత్రి 11 గంటల వేళలో.. చిత్తూరు మాజీ మేయర్ హేమలత అనుచరుడు పూర్ణ ఇంటికి పోలీసులు వచ్చారు. 'మీ ఇంట్లో గంజాయి ఉంది' అంటూ సోదాలు షురూ చేశారు. 'తప్పుడు కేసులు పెట్టి వేధించాలని పోలీసులు వ్యవహరిస్తున్నారు' అంటూ పూర్ణ ఆందోళనకు దిగారు. ఈ విషయం గురించి తెలిసిన హేమలత పూర్ణ ఇంటికి వచ్చి.. అతడికి మద్దతుగా ఆందోళన చేపట్టారు.

అనుచరులతో కలిసి పూర్ణ ఇంటికి వచ్చిన ఆమె.. పోలీసు జీపు వెనుక బైఠాయించారు. ఈ సందర్భంగా సీఐ.. పోలీసు జీపును వెనక్కి పోనివ్వమంటూ ఆదేశాలు జారీ చేయటం.. అందుకు తగ్గట్లే పోలీసు జీపు డ్రైవర్ వాహనాన్ని వెనక్కి తీసుకెళ్లటంతో.. వాహనం హేమలత కాళ్ల మీదుగా వెళ్లి.. గాయాలయ్యాయి. ఈ ఉదంతం ఇప్పుడు సంచలనంగా మారింది.

గంజాయి బస్తాలు ఉన్నట్లు పోలీసులు ఇంటికి వచ్చిన వేళలో.. అందుకు ఆధారాలు చూపాలని ప్రశ్నించారు. అయితే.. పోలీసులు అందుకు సమాధానం ఇవ్వకపోగా.. తమ దగ్గరున్న గంజాయి బస్తాల్ని ఇంట్లో పెట్టేందుకు ప్రయత్నించగా.. తాము అడ్డుకున్నట్లుగా పూర్ణ తల్లి.. వదినలు చెబుతున్నారు. దీంతో ఓబనపల్లెలో తమకు ఉన్న మరో ఇంట్లో ఒక గంజాయి బస్తాను పెట్టినట్లుగా ఆరోపిస్తున్నారు. తప్పుడు కేసుల్లో ఇరికించేందుకు వీలుగా పోలీసులు కుట్ర పన్నుతున్నట్లుగా వారు పేర్కొన్నారు.

దీంతో పూర్ణకు మద్దతుగా హేమలత ఇతర టీడీపీ నేతలు అతడి ఇంటికి వచ్చి.. పోలీసులు స్వాధీనం చేసుకున్నట్లుగా చెబుతున్న మూటల్లో ఏముందో చూపించాలని డిమాండ్ చేశారు. అందుకు కుదరదని చెప్పిన పోలీసులు.. పూర్ణను జీపులో ఎక్కించారు. అతడ్ని కిందకు దించాలంటూ హేమలత.. ఆమె అనుచరులు జీపు వెనుక కూర్చున్నారు. జీపును రివర్సు చేయాల్సిన వేళ.. వాహనం వెనుక కూర్చున్న హేమలతను పట్టించుకోకుండా.. విసురుగా రివర్సు తీసుకోవటంతో ఆమె కాళ్లపై నుంచి వాహనం వెళ్లిపోయింది.

దీంతో గాయపడిన ఆమెను హుటాహుటిన ఆసుపత్రికి తరలించారు. రెండు కాళ్ల ఎముకల్లో స్వల్పంగా పగుళ్లు వచ్చినట్లు పోలీసులు పేర్కొన్నారు. అయితే.. తాము వాహనం ఎక్కించకున్నా.. ఎక్కించినట్లుగా ఆరోపిస్తున్నట్లు పోలీసులు చెబుతున్నారు. మొత్తంగా ఈ వ్యవహారం చిత్తూరులో పెను సంచలనంగా మారింది. జగన్ ప్రభుత్వం అధికారంలోకి వచ్చిన నాటి నుంచి విపక్ష నేతల్ని ఏదో కేసుల్లో ఇరికించి.. వారిని అరెస్టు చేసి.. వేధింపులకు గురి చేస్తున్నారన్న ఆరోపణలకు తాజా ఉదంతం మరింత బలం చేకూరేలా మారిందన్న మాట వినిపిస్తోంది.
Tags:    
  • AndhraPradesh 
  • Chittor 
  • MeyerHemalatha 
  • JaganMohanReddy 
  • TDP 
  • YCP 
  • PoliceJeep 
  • Arrest 
  • PoliticalNews 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS