• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  నిర్మల్ పట్టణ రోడ్ల మీద...

నిర్మల్ పట్టణ రోడ్ల మీద చేపల్ని పట్టేసిన ప్రజలు

By - Tupaki Desk
Update: 2021-07-23 03:39 GMT
రోడ్ల మీద చేపలు పట్టటం సాధ్యమా? మీకేమైనా మతి ఉందా? అదెలా సాధ్యమవుతుంది? అసలు రోడ్లమీదకు చేపలు ఎందుకు వస్తాయి? లాంటి సందేహాలు రావొచ్చు. తాజాగా నెలకొన్న ప్రత్యేక పరిస్థితులు.. సాధ్యం కాని సీన్లు వాస్తవ రూపం దాల్చేలా చేశాయి. 24 గంటల వ్యవధిలో కురిసిన భారీ వర్షం నిర్మల్ పట్టణాన్ని వరద నీటిలో చిక్కుకుపోయేలా చేసింది. స్వయంగా ముఖ్యమంత్రి కార్యాలయం సైతం నిర్మల్ పట్టణం వరదలో ఎలా చిక్కుకుందన్న విషయంపై ఆరా తీయటం చూస్తే.. తీవ్రత ఎంతన్నది ఇట్టే అర్థమవుతుంది.

తెలంగాణ రాష్ట్ర ముఖ్యమంత్రి కేసీఆర్ సైతం సీన్లోకి వచ్చి.. భారీ వర్షం పుణ్యమా అని చోటు చేసుకున్న వరద ప్రవాహంతో ఉక్కిరిబిక్కిరి అవుతున్న నిర్మల్ పట్టణ ప్రజల్ని ఆదుకునేందుకు.. వారికి అవసరమైన సహాయ సహకారాలు అందించేందుకు వీలుగా తక్షణమే ఎన్‌డీఆర్‌ఎఫ్‌ బృందాలను పంపాలని ఆదేశాలు జారీ చేశారు. అంతేకాదు.. వరద తీవ్రత మీద ఉన్నతాధికారులతో సమీక్షా సమావేశాన్నినిర్వహించారు. ఇంతకూ నిర్మల్ పట్టణం ఎందుకుమునిగింది? ఎలా మునిగింది? రోడ్లు మొత్తం పెద్ద ఎత్తున వరద నీటితో నిండిపోవటమే కాదు.. చేపల్ని పట్టేసుకున్న వైనం షాకింగ్ గా మారింది. నిర్మల్ జిల్లాలోని 19 మండలాలకు 18 మండలాల్లో భారీ వర్షపాతం నమోదైంది. నర్సాపూర్ (జి) మండలంలో ఏకంగా 24.5 సెంటీమీటర్ల వర్షపాతం నమోదైంది. దీంతో.. పలు గ్రామాలు జలదిగ్బంధంలో చిక్కుకున్నాయి.

స్వర్ణ నది, మంజులాపూర్, బంగల్‌పేట్‌ చెరువుల వరదలో కొట్టుకొచ్చిన చేపలు.. నిర్మల్‌ పట్టణంలో భారీగా నీళ్లు నిలిచేలా చేశాయి. రోడ్ల మీద నడుము కంటే కాస్త తక్కువ లోతు వరకు నీళ్లు వచ్చి చేరాయి. వరద నీటిలో పెద్ద.. పెద్ద చేపలు కళ్ల ముందు కనిపిస్తుండటంతో.. స్థానికులు పలువురు వలలు.. చీరలతో చేపల్ని పట్టుకోవటం కనిపించింది. పలువురు నాలుగైదు పెద్ద చేపల్ని చిక్కించుకోవటం ఆసక్తికర చర్చకు తెర తీసింది. రోడ్ల మీద భారీగా నిలిచిన వరద నీటిలోనే కొందరు యువకులు ఈత కొట్టటం గమనార్హం.

నిర్మల్ పట్టణంతో పాటు భైంసా కూడా వర్షం తాకిడికి తీవ్రంగా ప్రభావితమైంది. భారీగా వరద నీరు చేరటంతో భైంసాలోని గడ్డెన్నవాగు ప్రాజెక్టు గేటు ఎత్తేశారు. దీంతో దిగువున ఉన్న ఆటోనగర్ ప్రాంతం జలదిగ్బంధమైంది. స్థానికులు మొదటి అంతస్తును వదిలేసి.. రెండు.. మూడు అంతస్తుల్లోకి వెళ్లి తలదాచుకున్నారు. భైంసాలోని పలు కాలనీల్లో వరద చోటు చేసుకుంది. శివాజీ చౌక్.. బోయవాడ.. ఇంద్రానగర్.. శాస్త్రినగర్.. నటరాజ్ నగర్.. ఈద్ గాం ప్రాంతాల్లో నడుము లోతు నీళ్లు నిలిచి.. ఇళ్లల్లోకి భారీగా వరదనీరు వెళ్లటంతో ప్రజలు ఆందోళనకు గురయ్యారు. 
Tags:    
  • Nirmal town roads 
  • Heavy Rains In Nirmal town 
  • Telangana 
  • fishing 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS