• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  జగన్‌ లో వచ్చిన ఈ మార్పు...

జగన్‌ లో వచ్చిన ఈ మార్పు మంచికేనా?

By - Tupaki Desk
Update: 2022-12-20 02:30 GMT
2019లో వైసీపీ గెలిచాక వైఎస్‌ జగన్‌ సచివాలయాలు, వలంటీర్ల వ్యవస్థను ప్రవేశపెట్టిన సంగతి తెలిసిందే. ప్రజలకు వివిధ సంక్షేమ పథకాలు, పింఛన్లు ఇలా వివిధ పథకాల లబ్ధిని ప్రజలకు నేరుగా వలంటీర్లు, సచివాలయాల వ్యవస్థ ద్వారానే అందిస్తున్నారు. దీంతో మంత్రులు, ఎమ్మెల్యేలు అసంతృప్తి చెందుతున్నారని వార్తలు వచ్చిన సంగతి తెలిసిందే.

అన్ని పథకాలను సచివాలయాలు, వలంటీర్ల ద్వారానే అందిస్తుండటంతో ప్రజాప్రతినిధుల అవసరమే ప్రజలకు పట్టడం లేదని.. ఎవరూ తమను పట్టించుకోవడం లేదనే భావనను కొంతమంది ఎమ్మెల్యేలు సైతం వ్యక్తం చేశారు. ఇలా అయితే వచ్చే ఎన్నికల్లో ప్రజలకు తమకు ఎలా ఓటేస్తారని వైసీపీ ఎమ్మెల్యేలు మథనపడినట్టు గాసిప్స్‌ వినిపించాయి.

ఈ నేపథ్యంలో వచ్చే ఎన్నికల్లో 175 కి 175 సీట్లు సాధించాలని ఉవ్విళ్లూరుతున్న సీఎం జగన్‌ ఎమ్మెల్యేలు, మంత్రుల అసంతృప్తిని గమనించారనే అభిప్రాయాలు వ్యక్తమవుతున్నాయి. ఈ దిశగా ఆయన ఇటీవల గడప గడపకు మన ప్రభుత్వం కార్యక్రమంలో సంకేతాలు కూడా ఇచ్చారని అంటున్నారు.

జనవరిలో ప్రభుత్వ పాఠశాలల్లో 8వ తరగతి చదువుతున్న విద్యార్థులకు ట్యాబులు పంపిణీ చేయాలని ప్రభుత్వం నిర్ణయించింది. బైజూస్‌ ఎడ్యుటెక్‌ కంపెనీ కంటెంట్‌ ను ఆ ట్యాబుల్లో అప్‌ లోడ్‌ చేయించి అందించనుంది.

ఈ నేపథ్యంలో గతంలో అయితే వీటిని వలంటీర్లు, సచివాలయాల సిబ్బందే ఇవ్వాల్సి వచ్చేది. అయితే ప్రజాప్రతినిధులు వీలైనంత మేర ప్రజలకు అందుబాటులో ఉండాలని.. వారిని తరచూ కలుస్తూ ఉండాలని జగన్‌ చెబుతున్న నేపథ్యంలో మంత్రులు, ఎమ్మెల్యేలు చేతుల మీదుగా విద్యార్థులకు ట్యాబులు ఇప్పించాలని జగన్‌ నిర్ణయించారు.

అదేవిధంగా.. జనవరిలోనే డ్వాక్రా సంఘాల రుణమాఫీలో భాగంగా వైఎస్సార్‌ ఆసరా కార్యక్రమాన్ని ప్రభుత్వం నిర్వహించనుంది. ఇందులో భాగంగా ఆయా డ్వాక్రా సంఘాలకు మూడో విడత రుణమాఫీలో భాగంగా చెక్కులను అందించనుంది. ఈ కార్యక్రమంలోనూ ఎమ్మెల్యేలు, మంత్రులు పాల్గొనాలని జగన్‌ సూచించారు.

ఏపీలో అసెంబ్లీ ఎన్నికలకు ఇంకా ఏడాదికి పైగా సమయం ఉంది. ఇప్పటికే వైసీపీ ఎమ్మెల్యేలు గడప గడపకు మన ప్రభుత్వం కార్యక్రమంలో భాగంగా ఇంటింటికీ తిరుగుతున్నారు. అలాగే వారిని మరింత ప్రజలకు చేరువ చేయడానికి ప్రభుత్వ సంక్షేమ కార్యక్రమాల్లో వారిని భాగస్వాములను చేయాలని జగన్‌ నిర్ణయించారు. దీంతో వారిలో ఉత్సాహం కనిపిస్తోంది. సీఎంలో కనిపించిన మార్పు పార్టీకి కూడా మంచిదేనని భావిస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
Tags:    
  • AndhraPradesh 
  • JaganMohanreddy 
  • CheifMinister 
  • Schemes 
  • Elections 
  • Majority 
  • LatestNews 
  • Ministers 
  • Politics 
  • PoliticalNews 
  • TupakiNews 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS