• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  కొవిడ్.. ఇప్పుడు...

కొవిడ్.. ఇప్పుడు ప్రపంచానికే వణుకు

By - Tupaki Desk
Update: 2020-03-02 21:30 GMT
కంటికి కనిపించని కొవిడ్ వైరస్ ఇప్పుడు ప్రపంచానికి పెద్ద ప్రమాదంగా మారింది. చైనాలోని కొన్ని నగరాలకు మాత్రమే పరిమితమైందనుకున్న వైరస్.. క్రమక్రమంగా తన విశ్వరూపాన్ని ప్రదర్శిస్తోంది. తాజాగా ప్రపంచ వ్యాప్తంగా ఈ వైరస్ బారిన పడిన పరిస్థితి. మనుష్య సంచారం ఉండని ఆంటార్కిటికా తప్పించి అన్ని ఖండాలకు ఈ వైరస్ పాకింది. పశ్చిమాసియా.. యూరప్ లోని అనేక ప్రాంతాల్లోకి ఈ వైరస్ వ్యాప్తి చెందుతోంది.
మొన్నటివరకూ ఒకట్రెండు దేశాలకు సంబంధించిన సమస్య కాస్తా.. ఇప్పుడు ప్రపంచానికే పెను ప్రమాదంగా మారింది. తాజాగా ఈ వైరస్ కు చెందిన అప్డేట్స్ చూస్తే..

% ఇరాన్ లో గడిచిన 24 గంటల్లో 11 మంది కొవిడ్ బారిన పడి బలయ్యారు. దీంతో.. దీని కారణంగా మరణించిన వారి సంఖ్య 54కు చేరింది. కొత్తగా 385 మందిలో ఈ వైరస్ లక్షణాలు కనిపించాయి. మొత్తంగా ఇప్పుడు కొవిడ్ అనుమానితులు ఇరాన్ లో 978 మందిగా చెబుతున్నారు.

% ఇరాన్ అధికారిక సమాచారానికి భిన్నంగా బీబీసీ సమాచారం ఉంది. ఆమీడియా సంస్థ వద్ద ఉన్న సమాచారం ప్రకారం ఇప్పటివరకూ కొవిడ్ వైరస్ సోకి ఆ దేశంలో 210 మంది మరణించినట్లుగా చెబుతున్నారు.

% ఇరాన్ సరిహద్దుకు అనుకొని ఉండే ఆర్మేనియా తన బోర్డర్ ను మూసేసింది. దుబాయ్ ఎమిరేట్స్ సంస్థ తమ సిబ్బందికి సెలవులు ఇచ్చింది. సెలవుల విషయంలో వారిష్టమని ప్రకటించింది. లక్ష మందికి పైనే ఆ సంస్థలో పని చేస్తున్నారు.

% కొవిడ్ తో వస్తున్న నష్టాలతో ఇప్పటికే వెయ్యి మంది సిబ్బందిని తొలగించాలని ఇజ్రాయిల్ ఎయిర్ లైన్స్ భావిస్తోంది.

% పిశాచి వైరస్ భయంతో ఆఫ్ఘనిస్తాన్ సరిహద్దుల్ని వారం రోజుల పాటు మూసివేయాలని పాకిస్థాన్ నిర్ణయించింది. పాక్ లో ఇప్పటివరకూ కరోనా కారణంగా నలుగురు మరణించారు.

% దక్షిణ కొరియాలో కొత్తగా కొవిడ్ కేసులు 376 నమోదయ్యాయి. మొత్తం కేసుల సంఖ్య 3526కు పెరిగాయి. 17 మంది మరణించారు.

% కొవిడ్ బాధితులు 90 శాతం మంది డేగు ప్రాంతానికి చెందిన వారే కావటం గమనార్హం. కొవిడ్ భయంతో దక్షిణ కొరియాలో స్వాతంత్య్ర దినోత్సవ కార్యక్రమాల్ని చాలా సింఫుల్ గా పూర్తి చేశారు.

% కొవిడ్ కారణంగా అమెరికా.. థాయ్ లాండ్.. ఆస్ట్రేలియాలో కేసులు నమోదయ్యాయి. అమెరికాలో 50 ఏళ్ల వ్యక్తి కొవిడ్ వైరస్ కారణంగా మరణించినట్లుగా అమెరికా ప్రకటించింది. ఈ వైరస్ కు అమెరికన్లు ఆందోళన చెందాల్సిన అవసరం లేదన్న మాటను అధ్యక్షుడు ట్రంప్ ధైర్యం చెప్పారు.

% థాయ్ లో 35 ఏళ్ల వ్యక్తి కొవిడ్ కారణంగా మరణించగా.. వైరస్ కు ముందు డెంగీ జ్వరంతో బాధ పడినట్లుగా చెబుతున్నారు. తాజాగా ఆ దేశంలో ఇప్పటివరకూ 42 కేసుల్ని గుర్తించారు.

% జపాన్ లో డైమండ్ ప్రిన్సెస్ ఓడ నుంచి తరలించిన 78 ఏళ్ల వ్యక్తి ఆస్ట్రేలియాలోని పెర్త్ లో చికిత్స పొందుతూ మరణించారు. ఇటలీలో కొవిడ్ కారణంగా ఇప్పటివరకూ 29 మంది మరణించారు. మొత్తంగా ఆ చిన్న దేశంలో 1,128 కేసుల్ని గుర్తించారు.

% ఇటలీలో కొవిడ్ వైరస్ వెలుగు చూసిన తర్వాత యూరప్ వ్యాప్తంగా పలు దేశాల్లో కేసులు నమోదయ్యాయి. కొవిడ్ బారిన పడిన దేశాల్లో డెన్మార్క్.. రొమేనియా.. గ్రీస్.. స్విట్జర్లాండ్.. ఆస్ట్రియా తదితర దేశాలు ఉన్నాయి.

% దక్షిణ అమెరికా లోని బ్రెజిల్ లో కొవిడ్ కేసు నమోదైంది. ఈక్వెడార్ లోనూ మొదటి కేసు నమోదైంది. పశ్చిమాసియాలోని పది దేశాల్లో వైరస్ పాకటం మొదలైంది. దీంతో.. జనం ఎక్కువగా హాజరయ్యే కార్యక్రమాల్ని రద్దు చేస్తున్నారు.
Tags:    
  • Corona in China 
  • Corona in China 
  • Telugu News 
  • Latest Telugu News 
  • Telugu Daily News 
  • Tupaki News 
  • Tupaki Updates 

Similar News

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

కష్టజీవులకు భరోసా.. నిర్మాణ రంగానికి ఊతం : ఏపీలో ‘లేబర్ అడ్డా’ల విప్లవం!

2026-11-19 08:05 GMT

రూ.7 కోట్ల ఉద్యోగాల స్కాం : కుట్ర జరిగిందంటున్న జనసేన నేతలు.. అసలు నిజం ఇదే!

2026-11-19 08:02 GMT

ఆకాశంలో అంబానీ 'సిగ్నల్'.. మస్క్‌కు ఇక టెన్షన్ షురూ.. ఇప్పుడు స్పేస్‌లో శాటిలైట్ల జాతర

2026-11-19 06:00 GMT

వాన్స్‌కు షాక్ ఇవ్వనున్న ట్రంప్.. 2028 రేసులో రూబియో పేరు!

2026-11-19 05:37 GMT

ఛాతీ ఎముక కోయకుండానే బైపాస్ సర్జరీ.. భారతీయ రోబోతో అరుదైన ఆపరేషన్!

2026-11-19 05:32 GMT

H-1B స్లాట్ల కోసం రోజూ ఎదురుచూపులు.. బుక్ చేసేలోపే మాయం!

2026-11-19 05:09 GMT

మరో 15 నెలల్లో AI మనుషులను మించిపోతుందా? ఉద్యోగాలు ఏమవుతాయోనని భయం!

2026-11-19 05:08 GMT

GTA 6 కోసం నాలుగు రోజులు సెలవు.. అమెరికా సైనికులకు అదిరిపోయే ఆఫర్!

2026-11-19 05:08 GMT

Copyright @2026

Powered by Blink CMS