• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ఈ అప‘ఖ్యాతి’ ఎవరి‘ఖాతాలో...

ఈ అప‘ఖ్యాతి’ ఎవరి‘ఖాతాలో వేస్తావు బాబు

By - Tupaki Desk
Update: 2016-07-03 04:46 GMT
తన గురించి.. తన ప్రభుత్వం గురించి నిత్యం గొప్పలు చెప్పుకునే ఏపీ ముఖ్యమంత్రి చంద్రబాబు చిన్నబోయేలా.. ఆయన పరపతిని దెబ్బ తీసే జాతీయ సర్వే ఒకటి బయటకు వచ్చింది. దేశంలోని వివిధ రాష్ట్రాల్లోని స్థితిగతులు.. అవినీతికి ఎంతమోతాదులో ఉంది లాంటి అంశాలపై దృష్టి పెట్టి.. అధ్యయనం చేసే నేషనల్ కౌన్సిల్ ఫర్ అప్లయిడ్ ఎకనమిక్ రీసెర్చ్ సంస్థ తాజాగా ఒక సర్వేను విడుదల చేసింది.

దేశంలో అత్యంత అవినీతి రాష్ట్రాలు ఏమిటన్న అంశంపై అధ్యయనం చేయటంతో పాటు.. సర్వేను నిర్వహించింది. ఇందులో ఆసక్తికర అంశాలు బయటకు వచ్చాయి. దేశంలోని 29 రాష్ట్రాల్లో అత్యంత అవినీతి రాష్ట్రంగా ఏపీ స్టేట్ అపఖ్యాతి మూటగట్టుకుంది. ఏపీలో అవినీతి భారీగా ఉందని 74.3 శాతం మంది అభిప్రాయపడటం బాబు సర్కారు తీరుపై ప్రజల్లో ఉన్న భావనను చెప్పకనే చెప్పేస్తుందన్న మాట వినిపిస్తోంది. ఆశ్చర్యకరమైన విషయం ఏమిటంటే.. ప్రాజెక్టు రీడిజైన్ల విషయంలో భారీ అవినీతి పాల్పడినట్లుగా విపక్షాలు ఆరోపణలు చేస్తున్న మరో తెలుగు రాష్ట్రమైన తెలంగాణ అవినీతి విషయంలో చాలా తక్కువగా ఉందంటూ సర్వే ఫలితం స్పష్టం చేయటం గమనార్హం.

ఐదు అంశాల (కార్మికులు - మౌలిక వసతులు - రాజకీయ సుస్థిరత - పపరిపాలన - ఆర్థిక పరిస్థితి) ఆధారంగా అధ్యయనంతో పాటు.. సర్వే నిర్వహించారు. దీని ప్రకారం దేశంలో అత్యంత అవినీతి రాష్ట్రంగా ఆంధ్రప్రదేశ్ నిలవగా రెండోస్థానంలో తమిళనాడు నిలవటం గమనార్హం. ఏపీలో అవినీతి తీవ్ర సమస్య అని 74.3 శాతం మంది అభిప్రాయపడితే.. 17.1 శాతం మంది మాత్రం అవినీతి ఒక మోస్తరుగా ఉందని వ్యాఖ్యానించారు. కేవలం 8.6 శాతం మంది మాత్రమే అవినీతి అన్నది సమస్యగా లేదని చెప్పటం గమనార్హం.

ఇక.. తెలంగాణ రాష్ట్రం విషయానికి వస్తే అవినీతి అతి పెద్ద సమస్య అని చెప్పిన వారు 26.5 శాతం మంది మాత్రమే చెప్పగా.. అవినీతి ఒక మోస్తరుగా ఉందని 61.8 మంది అభిప్రాయపడ్డారు. ఇక.. అవినీతి అన్నది అసలు జరగలేదని 11.8 శాతంమంది చెప్పటం విశేషం. ఇదిలా ఉంటే.. హిమాచల్ ప్రదేశ్ లో అవినీతి సమస్య తీవ్రంగా ఉందని ఒక్కరు కూడా వెల్లడించకపోవటం ఒక ఎత్తు అయితే.. 55 శాతం మంది ఆ రాష్ట్రంలో అవినీతి అన్నదే లేదని చెప్పగా.. 45 శాతం మంది మాత్రం ఓ మోస్తరుగా ఉందని వెల్లడించారు. విపక్షంలో ఉన్నప్పుడు నిత్యం అవినీతి గురించి మాట్లాడిన చంద్రబాబు.. ఇప్పుడు తాను ముఖ్యమంత్రిగా ఉన్న రాష్ట్రం అవినీతిలోనే నెంబర్ వన్ గా నిలవటం ఆయన ఇమేజ్ ను భారీగా దెబ్బ తీస్తుందని చెప్పాలి. నిత్యం తన గొప్పతనాన్ని చెప్పుకునే చంద్రబాబు.. తాజాగా వెల్లడైన సర్వేను తన ఫెయిల్యూర్ కు నిదర్శనంగా చెప్పాల్సి ఉంటుందన్న అభిప్రాయం వ్యక్తమవుతోంది.
Tags:    
  • Chandrababu Naidu 
  • Survey Result 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS