• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  34 మంది పిల్లలతో...

34 మంది పిల్లలతో వెళ్తున్న పడవ ఒక్కసారిగా బోల్తా!

| బీహార్ రాష్ట్రంలో ఘోర ప్రమాదం జరిగింది. 34 మంది పిల్లలతో వెళ్తున్న పడవ ఒక్కసారిగా బోల్తాపడింది.

By - Tupaki Desk
Update: 2023-09-14 11:49 GMT

బీహార్ రాష్ట్రంలో ఘోర ప్రమాదం జరిగింది. 34 మంది పిల్లలతో వెళ్తున్న పడవ ఒక్కసారిగా బోల్తాపడింది. ముజఫర్ పూర్ జిల్లాలో బాగమతి నదిలో పడవ ప్రయాణిస్తున్న సమయంలో ఈ దుర్ఘటన జరిగింది. విషయం తెలిసిన వెంటనే ఎన్డీఆర్‌ఎఫ్ బలగాలు రెస్య్యూ ఆపరేషన్ మొదలుపెట్టాయి.

వివరాళ్లోకి వెళ్తే... బీహార్ రాష్ట్రంలో ముజఫర్ పూర్ జిల్లాలో గైఘాట్ పోలీస్ స్టేషన్ పరిధిలో భారీ ప్రమాదం చోటుచేసుకుంది. ఇందులో భాగంగా భాగమతి నదిలో విద్యార్థులతో ప్రయాణిస్తున్న ఒక పడవ ఒక్కసారిగా బోల్తా పడిపోయింది. భట్గామ మధుర్‌ పట్టి పీపాల్ ఘాట్ నుంచి చిన్నారులు పాఠశాలకు వెళ్తుండగా ఈ ప్రమాదం జరిగినట్లు చెబుతున్నారు.

ఈ ప్రమాదం జరిగిన తర్వాత స్థానికంగా ఉన్నవారు నదిలోపడిన చిన్నారులను రక్షించే పనిలో నిమగ్నమయ్యారు. ఈ సమయంలో నదీ ప్రవాహంలో కొట్టుకుపోతున్న చాలా మంది పిల్లలను బయటకు తీసినప్పటికీ చాలా మంది పిల్లలు నది ప్రవాహంలో కొట్టుకుని పోయారని అంటున్నారు.

సీఎం నితీష్ కుమార్ పర్యటన నేపథ్యంలో ఈ పెను ప్రమాదం జరిగిందని తెలుస్తుంది. ఈ ప్రమాదంలో ఇప్పటివరకూ 15 -20 మందిని కాపాడగా.. 10 మంది ఆచూకీ ఇంకా దొరకలేదని తెలుస్తుంది. ప్రస్తుతం సహాయక చర్యలు యుద్ధప్రాతిపధికన జరుగుతున్నాయి. ప్రమాద సమయంలో పడవలో 34 మంది విద్యార్థుల వరకూ ఉండొచ్చని ప్రాథమిక సమాచారం.

ఈ ఘటనతో స్థానికుల్లో ఆగ్రహం వ్యక్తమవుతోంది. ముజఫర్‌ పూర్ లో క్యాన్సర్ ఆస్పత్రిని ప్రారంభించేందుకు ఈ రోజు సీఎం నితీష్ కుమార్ వస్తున్నారు. దీంతో... ఘటన జరిగిన గంట తర్వాత పోలీసులు ఘటనాస్థలికి చేరుకున్నారని.. రెస్క్యూ టీం కూడా సమయానికి చేరుకోలేదని.. దీంతోనే నదిలో పడిన చిన్నారులు ఎక్కువమంది గల్లంతయ్యారని ప్రత్యక్ష సాక్షులు చెబుతున్నారు.

ఇక మరణించిన పిల్లల తల్లితండ్రులు కన్నీరు మున్నీరవుతున్నారు. ఈ ఘటన జరిగిన సమయంలో పడవలో విద్యార్థులతో పాటు కొంతమంది మహిళలు ఉన్నారని తెలుస్తుంది.

ఈ ఘటనకు సంబంధించి డీఎస్పీ తూర్పు సహరియార్ అక్తర్ స్పందించారు. మధుర్‌ పట్టి ఘాట్ సమీపంలో బోటు ప్రమాదం జరిగిందని తెలిపారు. పడవలో సామర్థ్యం కంటే ఎక్కువ మంది పిల్లలు, మహిళలు ఎక్కడంతోనే ఈ ప్రమాదం జరిగినట్లు చెప్పారు. ప్రమాదం జరిగిన తర్వాత రక్షించిన కొంత మంది చిన్నారులను చికిత్స నిమిత్తం ఆసుపత్రికి తరలించారని అన్నారు.

#WATCH | A team of NDRF conducts search and rescue operation at the site of a boat capsize in Bihar's Muzaffarpur10 persons remain missing, 15-20 people rescued so far, as per district administration. pic.twitter.com/9d2hSqASIH

— ANI (@ANI) September 14, 2023
Tags:    
  • Bagmatiriver 
  • Boataccident 
  • Bihar 
  • Latestnews 

Similar News

కడప రాజకీయాల్లో సంచలనం : జమ్మలమడుగు ఎమ్మెల్యే ఆది రాజీనామా?

2026-11-20 08:29 GMT

వారసులకు అందలం.. జడ్పీ పీఠాలపై పరిటాల శ్రీరామ్, సిరిసహస్ర, డాటర్ ఆఫ్ చింతమనేని

2026-11-20 08:28 GMT

పాకిస్తాన్ మళ్లీ ఏసింది.. మన రఫెల్ కూల్చినట్టు పాత పాట పాడింది..

2026-11-20 08:23 GMT

అంతర్జాతీయ చర్చల్లో భారత్ ఎక్కడుంది? రాహుల్ వ్యాఖ్యలపై బీజేపీ ఫైర్

2026-11-20 07:39 GMT

ఒక్క రోజులోనే రూ.21 వేల కోట్ల బిజినెస్.. GTA 6 రేంజ్ మామూలుగా లేదుగా!

2026-11-20 07:39 GMT

పులివెందులలో పంచాయతీ సెగ : పెట్రోల్ బాంబులు, రాళ్ల దాడులతో దద్దరిల్లిన గ్రామాలు!

2026-11-20 07:39 GMT

పల్లె రాజకీయాలను శాసిస్తున్న ‘చాట్ జీపీటీ’.. ఇప్పుడంతా దీంతోనే..

2026-11-20 06:46 GMT

160 ఏళ్ల చరిత్ర.. దావూద్ నివసించిన భవనంలో అసలేం ఉంది? ఎందుకు కూల్చివేత ఆగింది?

2026-11-20 06:45 GMT

వీసా, మాస్టర్ కార్డ్, జేపీ మోర్గాన్ కు సైబర్ దెబ్బ.. బయటపడిన కస్టమర్ల సమాచారం!

2026-11-20 06:43 GMT

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

147 కోట్లకు చేరిన భారత్ జనాభా.. మరో 40 ఏళ్లలో ఎంతంటే?

2026-11-20 05:08 GMT

అమెరికాలో టెక్ సమస్యల ఎఫెక్ట్.. సైబర్ డైరెక్టర్‌పై వేటు!

2026-11-20 05:07 GMT

Copyright @2026

Powered by Blink CMS