బయటకు రా చూపిస్తా.. విశ్వక్ బోల్డ్ కౌంటర్

టాలీవుడ్ మాస్ కా దాస్ విశ్వక్ సేన్ ఎక్కువగా తన యాటిట్యూడ్‌తో వార్తల్లో నిలుస్తుంటారు. ఆయన సినిమాల్లో ఉండే ఎనర్జీ, మాస్ డైలాగులు యూత్‌కు బాగా కనెక్ట్ అవుతాయి. రీసెంట్‌గా విశ్వక్ నటిస్తున్న ‘ఫంకీ’ మూవీకి సంబంధించిన ప్రెస్ మీట్ జరిగింది. ఇందులో విశ్వక్ సేన్ తన పాత యాటిట్యూడ్, కోపం గురించి మాట్లాడిన తీరు ఇప్పుడు సోషల్ మీడియాలో వైరల్ అవుతోంది. వాలెంటైన్స్ డేకి ఒక రోజు ముందు అంటే ఫిబ్రవరి 13న ఈ సినిమా గ్రాండ్‌గా రిలీజ్ కాబోతోంది.

​సాధారణంగా విశ్వక్ సినిమా వస్తుందంటే ఒక రకమైన బజ్ ఉంటుంది. కానీ ఈ మధ్య కాలంలో ఆయనకు సరైన హిట్ పడలేదు. దీంతో ఈ సినిమా రిజల్ట్ విశ్వక్ కెరీర్‌కు చాలా ఇంపార్టెంట్ గా మారింది. అటు దర్శకుడు అనుదీప్ కె.వి పరిస్థితి కూడా దాదాపు ఇలాగే ఉంది. వీరిద్దరి కాంబినేషన్ అనౌన్స్ చేసినప్పుడు ఒక రేంజ్ అంచనాలు ఉన్నా, ప్రస్తుతం మార్కెట్‌లో ఈ మూవీపై బజ్ ఆశించిన స్థాయిలో కనిపించడం లేదు. బాక్సాఫీస్ వద్ద ఈ సినిమా గెలవాలంటే పక్కాగా పాజిటివ్ టాక్ రావాల్సిందే.

​ఇక ప్రెస్ మీట్‌లో ఒక జర్నలిస్ట్ అడిగిన ప్రశ్నలకు విశ్వక్ సేన్ తనదైన స్టైల్‌లో సమాధానం ఇచ్చారు. "మీలో ఆ పాత అగ్రెషన్, కోపం, యాటిట్యూడ్ ఇప్పుడు కనిపించడం లేదు, ఏమైంది?" అని అడిగినప్పుడు విశ్వక్ నవ్వుతూ రియాక్ట్ అయ్యారు. "కోపం బయట ఉంటుంది, బయటకు రా చూపిస్తా" అంటూ సరదాగా కౌంటర్ ఇచ్చారు. ఈ మాటలు వినగానే పక్కనే ఉన్న హీరోయిన్ సంయుక్త మేనన్, ఇతర టీమ్ మెంబర్స్ నవ్వు ఆపుకోలేకపోయారు.

​సినిమా ప్రమోషన్స్ లో విశ్వక్ ఇలాంటి బోల్డ్ కామెంట్స్ చేయడం కొత్తేమీ కాదు. గతంలో కూడా ఆయన ఇలాంటి మాటలతోనే తన సినిమాలకు హైప్ తెచ్చుకున్నారు. అయితే ఈసారి పరిస్థితి వేరు. కేవలం మాటలతో కాకుండా కంటెంట్‌తో కూడా నిరూపించుకోవాల్సిన టైమ్ వచ్చింది. ‘ఫంకీ’ అనే టైటిల్‌కి తగ్గట్టుగానే సినిమా కూడా చాలా కొత్తగా, ఫన్ గా ఉంటుందని టీమ్ ధీమా వ్యక్తం చేస్తోంది. సితార ఎంటర్‌టైన్‌మెంట్స్ ఈ ప్రాజెక్టును నిర్మించిన విషయం తెలిసిందే.

​సినిమా ఇండస్ట్రీలో ఒక్క హిట్ పడితే పాత ఫ్లాపులన్నీ మర్చిపోతారు. విశ్వక్ సేన్ కూడా ఇప్పుడు అదే ఆశతో ఉన్నారు. ఫిబ్రవరి 13న థియేటర్లలో ఈ మూవీ మ్యాజిక్ చేస్తుందో లేదో చూడాలి. ఫ్యామిలీ ఆడియన్స్‌తో పాటు యూత్‌ను టార్గెట్ చేస్తూ వస్తున్న ఈ ఎంటర్టైనర్ ప్రేక్షకులను ఏ మేరకు ఆకట్టుకుంటుందో అనేది ఆసక్తికరంగా మారింది. సంయుక్త మేనన్ క్రేజ్ కూడా ఈ సినిమాకు కొంత ప్లస్ అయ్యే అవకాశం ఉంది. ​ఇక విశ్వక్ సేన్ తన యాటిట్యూడ్ తో ప్రెస్ మీట్ ని అయితే హీటెక్కించారు. సినిమా ఫలితం ఎలా ఉన్నా, ఆయన కాన్ఫిడెన్స్ మాత్రం ఏమాత్రం తగ్గలేదు. ఇక ఫంకీ ఫలితం ఎలా ఉంటుందో చూడాలి.