స్టార్ హీరోల క్యాలెండర్ ఫుల్.. అప్పటివరకు డేట్స్ లేవు

టాలీవుడ్‌ సీనియర్, జూనియర్ స్టార్లందరూ ఇప్పుడు ఫుల్ బిజీగా మారిపోయారు. ఒకప్పుడు ఒకేసారి ఒకటి రెండు సినిమాలకే డేట్స్ ఇచ్చే స్టార్లు, ఇప్పుడు రెండు మూడు సంవత్సరాల వరకు తమ ప్రాజెక్ట్స్‌ను లాక్ చేసుకున్నారు. పెద్ద హీరోల క్యాలెండర్ చూస్తే, ఇప్పటికే ప్రాజెక్ట్‌లతో ఫుల్ అయిపోయాయని తెలుస్తోంది. ఈ నేపథ్యంలో మిడిల్ రేంజ్ డైరెక్టర్లు, నిర్మాతలు వీళ్లతో సినిమా చేయాలనుకుంటే 2026 తరువాతనే అవకాశముంటుందన్న పరిస్థితి కనిపిస్తోంది.

ప్రభాస్ విషయానికి వస్తే.. ఇప్పటికే ఆయన ఆరు సినిమాలకు గ్రీన్ సిగ్నల్ ఇచ్చారు. ది రాజా సాబ్, ఫౌజీ, స్పిరిట్, కల్కి 2, ప్రశాంత్ వర్మ మూవీ, సలార్ 2.. ఇవన్నీ వేర్వేరు జానర్లలో రూపొందుతున్న భారీ ప్రాజెక్టులే. ఒక్కో సినిమా బడ్జెట్ 300 కోట్లు దాటి వెళ్తుండటంతో, విడుదల కూడా పాన్ ఇండియా స్థాయిలో ప్లాన్ చేస్తున్నారు. దీంతో ప్రభాస్ వరుసగా మూడు సంవత్సరాలు షూటింగ్‌లోనే బిజీగా గడిపేలా ఉన్నాడు.

జూనియర్ ఎన్టీఆర్ మాత్రం వార్ 2, డ్రాగన్, దేవర 2, అలాగే నెల్సన్ డైరెక్షన్‌లో మరో సినిమా కోసం కమిట్ అయ్యారు. RRR తర్వాత ఎన్టీఆర్‌కు బాలీవుడ్‌లో కూడా డిమాండ్ పెరిగింది. వార్ 2లో హృతిక్ రోషన్‌తో కలసి నటించనున్న ఈ చిత్రం ఆయన కెరీర్‌లో టర్నింగ్ పాయింట్ అవుతుందని అంచనాలు ఉన్నాయి. అంతేకాదు, దేవర రెండవ పార్ట్ షూటింగ్ కూడా త్వరలోనే మొదలవుతుంది. దీంతో ఎన్టీఆర్‌కి 2025 వరకు షూటింగ్ డేట్స్ బిజీగా ఉండే అవకాశం ఉంది.

పవన్ కళ్యాణ్ మాత్రం రాజకీయాలతో పాటు సినిమాలపై కూడా ఫోకస్ పెంచాడు. హరి హర వీర మల్లు, OG, ఉస్తాద్ భగత్ సింగ్ సినిమాల షూటింగ్‌ ఫేజ్‌వైజ్ జరుగుతోంది. ఎన్నికల తర్వాత OG మరియు ఉస్తాద్ భగత్ సింగ్ రెండు ప్రాజెక్ట్స్ కూడా పూర్తవుతాయని మేకర్స్ భావిస్తున్నారు. పవన్ ఫాన్స్‌కు ఇది మంచి ట్రీట్ అవుతుందని ట్రేడ్ వర్గాలు చెబుతున్నాయి. అయితే పవన్ వీటి తరువాత కొత్త సినిమాలు చేసే అవకాశం కనిపించడం లేదు.

ఇక అల్లు అర్జున్ పుష్ప 2 విజయం తర్వాత తన పాన్ ఇండియా ఇమేజ్‌ను మరింత విస్తరించేందుకు రెడీ అయ్యాడు. ప్రస్తుతం అతను అట్లీ దర్శకత్వంలో ఓ మాస్ యాక్షన్ ఎంటర్‌టైనర్కు కమిట్ అయ్యాడు. తర్వాత త్రివిక్రమ్‌తో మైతోళాజికల్ జానర్‌లో ఒక సినిమా చేయనున్నాడు. ఈ రెండు సినిమాలు 2026 వరకు పట్టవచ్చు.

రామ్ చరణ్ కూడా ప్రస్తుతం పెద్ది సినిమాతో బిజీగా ఉన్నాడు. బుచ్చిబాబు డైరెక్షన్‌లో వస్తున్న ఈ సినిమా తర్వాత, సుకుమార్ దర్శకత్వంలో మరో పాన్ ఇండియా ప్రాజెక్ట్‌కి గ్రీన్ సిగ్నల్ ఇచ్చాడు. ఈ రెండు ప్రాజెక్టులు పెద్ద బడ్జెట్‌తో రూపొందుతున్నాయి. అలాగే కిల్ దర్శకుడు కూడా లైన్ లోకి వచ్చే ఛాన్స్ ఉందట. మరికొందరు నిర్మాతలు కూడా ఏడాది తరువాత చరణ్ డేట్స్ దక్కించుకునేందుకు ప్రయత్నం చేస్తున్నారు.

మహేష్ బాబు విషయానికి వస్తే.. ప్రస్తుతం ఆఫ్రికా అడవుల నేపథ్యంలో రూపొందుతున్న ఎపిక్ అడ్వెంచర్ మూవీ SSMB29తో బిజీ అయ్యాడు. దర్శకధీరుడు ఎస్ఎస్ రాజమౌళి దర్శకత్వంలో రూపొందుతున్న ఈ సినిమా పాన్ వరల్డ్ స్థాయిలో తెరకెక్కుతోంది. షూటింగ్ పూర్తవ్వడానికి కనీసం రెండేళ్లు పడతాయని ఇండస్ట్రీ టాక్. మొత్తంగా.. టాలీవుడ్‌లోని బిగ్ స్టార్లు 2027 వరకు బిజీగా ఉంటారు. కొత్త దర్శకులు, నిర్మాతలు ఈ స్టార్ హీరోల డేట్స్ కోసం వెయిట్ చేయాల్సిన పరిస్థితి ఉంది. అయితే ప్రేక్షకులకు మాత్రం ఇది మంచి న్యూస్. ఎందుకంటే ప్రతీ ఏడాది స్టార్ సినిమాలతో థియేటర్లలో పండగే కనిపించబోతోంది.