ఆల్ టైమ్ రికార్డు బద్దలు కొట్టిన ఒడిస్సీ!

హాలీవుడ్ బాక్సాఫీస్ చరిత్రలో సరికొత్త సంచలనం నమోదైంది. గత కొంతకాలంగా సినీ ప్రపంచంలో చర్చనీయాంశంగా మారిన 'ది ఒడిస్సీ' సరికొత్త చరిత్ర సృష్టించింది. ఇప్పటివరకు అత్యధిక వసూళ్లు సాధించిన ఆర్-రేటెడ్ చిత్రాల జాబితాలో మొదటి స్థానంలో ఉన్న 'డెడ్‌పూల్' 'వోల్వరైన్' రికార్డును ఈ సినిమా విజయవంతంగా బ్రేక్ చేసింది. ప్రపంచవ్యాప్తంగా బాక్సాఫీస్ వద్ద ఒడిస్సీ ఏకంగా 1.35 బిలియన్ డాలర్ల భారీ వసూళ్లను సాధించి ఆల్ టైమ్ హైయెస్ట్ గ్రాసర్‌గా నిలిచింది.

అత్యంత ప్రతిష్టాత్మకంగా తెరకెందిన ఇంటెన్స్ యాక్షన్ డ్రామా ప్రపంచవ్యాప్తంగా ఉన్న సినీ ప్రియులను ఎంతగానో ఆకట్టుకుంది. ఇందులో ఉన్న హై-వోల్టేజ్ యాక్షన్ సీక్వెన్స్‌లు, విజువల్ వండర్స్ , గ్రిప్పింగ్ స్క్రీన్ ప్లే ప్రేక్షకులను థియేటర్లకు క్యూ కట్టేలా చేశాయి. ముఖ్యంగా ఈ చిత్రానికి లభించిన ఆర్-రేటెడ్ (పెద్దల కోసం మాత్రమే) సర్టిఫికేట్ ఉన్నప్పటికీ కలెక్షన్ల విషయంలో తగ్గేదేలే అన్నట్లుగా బాక్సాఫీస్‌ను షేక్ చేసింది.

గతంలో రికార్డు సృష్టించిన మార్వెల్ బ్లాక్‌బస్టర్ `డెడ్‌పూల్ - వోల్వరైన్ చిత్ర కలెక్షన్లను అధిగమించడం ద్వారా 'ది ఒడిస్సీ' హాలీవుడ్ ఇండస్ట్రీలో సరికొత్త మైలురాయిని తాకింది. సాధారణంగా ఫ్యామిలీ ఆడియన్స్‌ను టార్గెట్ చేసే సినిమాలే బిలియన్ డాలర్ల క్లబ్‌లో చేరుతుంటాయి. కానీ అడల్ట్ ఆడియన్స్ కోసం రూపొందించబడిన ఆర్-రేటెడ్ చిత్రం ఈ స్థాయిలో ప్రపంచాన్ని ఏలడం ట్రేడ్ అనలిస్టులను సైతం ఆశ్చర్యానికి గురి చేస్తోంది.

సినిమాలోని ప్రధాన నటీనటుల అద్భుతమైన పెర్ఫార్మెన్స్, దర్శకుడి గ్లోబల్ విజన్ సినిమా విజయానికి ప్రధాన బలంగా నిలిచాయి. అంతర్జాతీయ మార్కెట్లలో ముఖ్యంగా నార్త్ అమెరికా .. ఓవర్సీస్ మార్కెట్లలో ఈ సినిమా సునామీ సృష్టించింది. ఏ రోజుకారోజు కలెక్షన్లు పెర‌గ‌డంతో ట్రేడ్ వర్గాలు ఈ రేంజ్ సక్సెస్‌ను ఊహించలేదని చెబుతున్నాయి.

ఈ భారీ విజయం ద్వారా హాలీవుడ్‌లో ఆర్-రేటెడ్ జోనర్‌కు కూడా ప్రపంచవ్యాప్తంగా ఎంత డిమాండ్ ఉందనేది మరోసారి నిరూపితమైంది. కంటెంట్ లో గనుక బలముంటే ఎలాంటి నిబంధనలు ..వయసు పరిమితులు ఉన్నా ప్రేక్షకులు సినిమాను నెత్తికెత్తుకుంటారు అనడానికి 'ది ఒడిస్సీ' ఘనతనే ప్రత్యక్ష నిదర్శనంగా చెప్పుకోవచ్చు. ఈ సినిమా సాధించిన రికార్డులు రాబోయే కాలంలో ఇతర సినిమాలకు పెద్ద‌ సవాలుగా మారనున్నాయి.

అంతిమంగా బాక్సాఫీస్ రికార్డులన్నింటినీ తిరగరాస్తూ 'ది ఒడిస్సీ' సాధించిన 1.35 బిలియన్ డాలర్ల విజయం హాలీవుడ్ చరిత్రలో చిరస్థాయిగా నిలిచిపోతుంది. గ్లోబల్ బాక్సాఫీస్ వద్ద సరికొత్త బెంచ్‌మార్క్‌ను సెట్ చేసిన ఈ చిత్రం అస్కార్ స‌హా ప్ర‌తిష్టాత్మ‌క అవార్డు వేడుకల్లోనూ సత్తా చాటడానికి సిద్ధమవుతోంది.