అఖండ 2 మ్యూజిక్.. మనసు శుద్ధి చేసే మంత్ర..

మంచి ఆహ్లాదకరమైన మ్యూజిక్ మనసుకు ప్రశాంతతను కలిగిస్తుంది. అయితే మ్యూజిక్ అనేది మనిషిలో కొత్త ఉత్తేజాన్ని నింపడమే కాకుండా మనసును, మెదడును కూడా శుద్ధి చేసే మంచి మంత్ర అని చెబుతున్నారు ప్రముఖ సంగీత దర్శకుడు ఎస్ తమన్. ముఖ్యంగా ఆయన మ్యూజిక్ అందించిన అఖండ 2 సినిమా ఇటీవల ప్రేక్షకుల ముందుకు వచ్చిన విషయం తెలిసిందే. ఈ సినిమా మ్యూజిక్ కోసం తాము ఎంత కష్టపడ్డామో అన్న విషయాన్ని చెబుతూనే.. అఖండ 2 మ్యూజిక్ అనేది బ్రెయిన్ ను శుద్ధి చేసే మ్యాజిక్ మంత్ర అంటూ తెలిపారు. మరి అసలు విషయం ఏమిటో ఇప్పుడు చూద్దాం.

గాడ్ ఆఫ్ మాసస్ నందమూరి బాలకృష్ణ హీరోగా.. ప్రముఖ డైరెక్టర్ బోయపాటి శ్రీను కాంబినేషన్లో నాలుగవసారి వచ్చిన చిత్రం అఖండ 2: ది తాండవం. ఈ సినిమాని 14 రీల్స్ ప్లస్ బ్యానర్ పై రామ్ ఆచంట, గోపి ఆచంట నిర్మించారు. ఎం తేజస్విని నందమూరి సమర్పణలో డిసెంబర్ 12న ప్రపంచవ్యాప్తంగా చాలా గ్రాండ్ గా విడుదల అయింది ఈ సినిమా. ఈ సందర్భంగా ఈ చిత్ర సంగీత దర్శకుడు తమన్ మీడియా సమావేశంలో పాల్గొని సినిమా విశేషాలను పంచుకున్నారు.

మీడియా సమావేశంలో భాగంగా మీడియా మిత్రులు మాట్లాడుతూ.. కంగ్రాట్స్ తమన్ గారు.. నెలకో హిట్ కొడుతున్నారు.. ఈ ఏడాదిని చాలా గ్రాండ్ గా ముగిస్తున్నారు కదా?

థాంక్స్ అండి.. సినిమా బాగుంటే..అన్ని బాగుంటాయి. ముఖ్యంగా మ్యూజిక్ అనేది ఒక క్రాఫ్ట్. మనం బెస్ట్ గా చేయాలి..ఇప్పటికే డాకు మహారాజ్, గేమ్ చేంజర్, ఓజీ, అఖండ 2తో పాటు రాబోతున్న ది రాజా సాబ్ ఇవన్నీ కూడా వరుసగా నాకు కలిసి వచ్చాయి.

అఖండ2 ఇంత పెద్ద విజయం సాధిస్తుందని మీరు ఊహించారా?

మనం స్క్రిప్ట్ అనుకున్నప్పుడే కొన్ని హై మూమెంట్స్ అనుకుంటాం. బోయపాటి ఆషామాసి డైరెక్టర్ కాదు. కమర్షియల్ సినిమాను నమ్మించేలా తీసి.. నిలబెట్టడం అనేది చాలా గొప్ప విషయం. అందులోనూ సనాతన ధర్మం కంటెంట్ గా తీసుకుని దాన్ని కమర్షియల్ గా చెప్పడం, అందులోనూ బాలయ్య లాంటి సూపర్ మాస్ ఎనర్జిటిక్ స్టార్ తో సినిమా చేయడం అంటే మామూలు విషయం కాదు.

అఖండ పాత్ర అందరికీ సర్ప్రైజ్. నిజానికి అఖండలో అంత ఉంటుందని ఎవరూ అనుకోలేదు. సెకండ్ పార్ట్ కి వచ్చేసరికి మరింత భారీ అంచనాలతో ప్రేక్షకులు థియేటర్ కి వచ్చారు. సనాతన ధర్మాన్ని అద్భుతంగా చెప్పి కమర్షియల్ విజయాన్ని సాధించడం బాలయ్య, బోయపాటికి ఆ క్రెడిట్ దక్కుతుంది.

మ్యూజిక్ పరంగా మీకు ఛాలెంజింగ్ గా అనిపించింది ఏమిటి?

నిజానికి అఖండ నాకు చాలా ఛాలెంజింగ్ గా అనిపించింది. బోయపాటితో నాకు రెండు నెలలు సమయం కావాలని అడిగాను. ఒక్క రీల్ చేసి చూపించాను. ఆయనకు చాలా నచ్చింది. అప్పుడు నాకున్న బడ్జెట్ ని మార్చి, నాకు మరింత సమయాన్ని ఇచ్చి ఎంతగానో సపోర్ట్ చేసి మ్యూజిక్ చేయించారు. అఖండకి , నాకు ఆయన వెన్నుముక లాగా నిలిచారు. ఆయన నమ్మకాన్ని నిలబెట్టాలనే తాపత్రయంతో వర్క్ చేశాను.అఖండ మ్యూజిక్ ను అందరూ సర్ప్రైజింగ్ గా విన్నారు.

ఇప్పుడు అఖండ2లో ఇంకా ఎంత కొత్తగా చేయొచ్చు అని ఆలోచించా. అందులోనూ తాండవం అని పేరు పెట్టారు. ఆడియన్స్ ని ఎలా ట్రాన్స్ లోకి తీసుకువెళ్లాలి అని.. ఆలోచన చేస్తూ చాలా హార్డ్ వర్క్ చేసి ఈ సినిమా చేశాం. ఈ సినిమాకి బ్యాక్ గ్రౌండ్ స్కోర్ చేయడానికి 73 రోజులు పట్టింది. అందులో ఒక 20 రోజులు శివుని మంత్రాలు ఎంత కొత్తగా చేయాలి అనే దానికి మరో 20 రోజులు ఎక్సర్సైజ్ చేశాం. తర్వాత 40 రోజులు ఇన్స్ట్రుమెంట్, రికార్డింగ్ వర్క్ చేసాం.

జాజికాయ సాంగ్ తప్పితే.. ఈ సినిమాలోని 8 పాటలు కూడా ఆ 70 రోజుల్లో చేసినవే. అఖండ మ్యూజిక్ బ్రెయిన్ కి చాలా మంచి ఎక్సర్సైజ్. శివుడికి సినిమా చేస్తున్నప్పుడు మన మెదడు చాలా శుద్ధి అవుతుంది. జనరల్ గా బోయపాటి సినిమాలో ఇంటర్వెల్ క్లైమాక్స్ చేయడం చాలా కష్టం. మొదటి రీల్ నుంచి నాకు చాలెంజ్ మొదలైంది..అష్టసిద్ధి కుంభమేళా ఇంటర్వెల్, ఆది ఎపిసోడ్, హనుమంతుడు ఎపిసోడ్ లాస్ట్ లో అవెంజర్స్ లాంటి క్లైమాక్స్ ఇవన్నీ చాలా హార్డ్ వర్క్ తో కూడుకున్నవి.

బోయపాటి సినిమాలన్నీ ఒక రీల్ కు మించి మరొకటి ఉంటుంది. ఆయన ఎనర్జీని పట్టుకోవడం చాలా కష్టం. మా టీం చాలా సపోర్ట్ చేశారు

14 రీల్స్ నిర్మాతలు, బోయపాటి అందరూ చాలా సపోర్ట్ చేశారు. ముఖ్యంగా బాలయ్య సపోర్ట్ గురించి అడగక్కర్లేదు ఆయనను చూస్తే వేరే లెవెల్ ఎనర్జీ ఉంటుంది. ఆయన బ్లెస్సింగ్స్ మాకు ఎప్పుడు ఉంటాయి. ఒక్కొక్క రీల్ చేసి ఆయన్ని స్టూడియోకి తీసుకొచ్చి వినిపించడం చాలా అద్భుతంగా జరిగిన ప్రయాణం.

ఈ సినిమా కోసం AI టూల్స్ ఉపయోగించారా?

లేదండి. మేము టెక్నాలజీని నమ్మలేదు. శివాలజీని నమ్మాం..

లిరిక్ రైటర్స్ గురించి మీ మాటల్లో?

కాసర్ల శ్యామ్, కళ్యాణ్ చక్రవర్తి, శర్మ అందరూ చాలా అద్భుతంగా సపోర్ట్ చేశారు. ప్రతి పాటకు చాలా ఎక్సర్సైజ్ చేశారు. సంస్కృతంలో చాలా హై స్టాండర్డ్స్ లో లిరిక్స్ రాశారు.

ఈ సినిమాలో చాలా ప్రత్యేకమైన కొత్త వాయిస్ లని పరిచయం చేశారు కదా?

అవునండి. సర్వేపల్లి సిస్టర్స్, సుబ్బలక్ష్మి గారి మనవరాలు, కనకవ్వ ఇలా చాలా ఫ్రెష్ వాయిస్ లు మీకు వినిపించాయి. నిజానికి ఈ కథకు అలాంటి ఒక కొత్తదనం కావాలి. ఎందుకంటే అఖండ మ్యూజిక్ ఎలా ఉంటుందో ఆడియన్స్ కి అవగాహన ఉంది. దీంతో తాండవానికి వచ్చేసరికి ఎక్స్పరిమెంట్ కూడా చేశాం.

కొత్త ప్రతిభని ముందుకు తీసుకు వెళ్లాలనే ఆలోచన వచ్చిందా?

ఒకప్పుడు మనల్ని వెతుక్కుని వచ్చి.. డెమోలు ఇచ్చేవారికి వర్క్ ఇచ్చేవాళ్ళం. ఇప్పుడు మేమే వెతికే మూడ్ కి వెళ్ళిపోయాము. ఇప్పుడు అంతా కూడా సోషల్ మీడియాలో ఉంది. ఎవరు బాగా పాడుతున్నారు ? ఎవరు బాగా ప్లే చేస్తున్నారు? అనేది మేమే వెతుకున్నాం. కొత్త వాళ్లతో పనిచేయడం కూడా ఒక మంచి ఎక్స్పీరియన్స్.

ఈ సినిమా మీకు ఎలాంటి అనుభూతినిచ్చింది?

అఖండ నాకు లైఫ్ లో బ్యాలెన్స్ ఇచ్చింది. మనం గుడికి వెళ్తే ఒక బ్యాలెన్స్ వస్తుంది కదా. అలాంటి మనశ్శాంతితో పాటు రెస్పాన్సిబిలిటీ కూడా పెరిగింది.

ఈ సినిమా చివరి నిమిషంలో వాయిదా పడింది కదా.. అప్పుడు మీ ఆలోచనలు ఎలా ఉన్నాయి?

నిజానికి నాకు అది షాకింగ్. ఎందుకంటే ఎవరూ కూడా ఊహించలేదు. అయితే మా బాధంతా అభిమానుల గురించే. వాళ్ళు ఎంతో దూరం నుంచి వచ్చి థియేటర్స్ ని ముస్తాబు చేసి.. ప్రీమియర్స్ కి రెడీగా ఉన్నారు. చివరి నిమిషంలో వాయిదాతో వారు నిరాశ వెనుతిరగడం బాధించింది. మేము సినిమా పరంగా చాలా కాన్ఫిడెంట్ గా ఉన్నాం. అది ఎప్పుడు రిలీజ్ అయిన దాని బలం దానికి ఉంటుందని గట్టి నమ్మకం. ఆ నమ్మకం ఈరోజు నిజమైంది.

సక్సెస్ మీట్ లో చాలా ఎమోషనల్ గా మాట్లాడారు కదా?

ఒక సినిమా రిలీజ్ అయినప్పుడు సోషల్ మీడియాలో చాలా హేట్ వస్తుంది. అంత హేట్ అవసరం లేదని చెప్పడమే నా ఉద్దేశం అంటూ తెలిపారు.