హీరోలు మాత్రమే మారేది.. శ్రీలీల కామన్..!

హీరోయిన్ల లైఫ్ స్పాన్ చాలా తక్కువ అనే విషయం అందరికీ తెలిసిందే. అందుకే, తమకు క్రేజ్ ఉన్న సమయంలోనే ఎక్కువ సినిమాలు ఒకే చేస్తారు. కొందరు అయితే, కనీసం మూవీ స్టోరీలు కూడా పట్టించుకోరు. దీపం ఉండగానే ఇల్లు చక్కపెట్టుకోవాలి అన్న చందంలో వీలైనన్ని సినిమాలు చేసి డబ్బు సంపాదించుకుంటారు. ఇప్పుడు టాలీవుడ్ మోస్ట్ క్రేజీయెస్ట్ హీరోయిన్ శ్రీలీల కూడా అదే చేస్తోంది.

తన దగ్గరకు వచ్చిన దాదాపు అన్ని ఆఫర్లు ఒకే చేస్తోంది. ఇప్పుడు ఆమె చేతిలో పదికి పైగా సినిమాలు ఉన్నాయి. వాటిలో కొన్ని ఇప్పుడు విడుదలకు సిద్ధమౌతున్నాయి. నెల నెల గ్యాప్ లో ఐదు సినిమాలు విడుదల తేదీని లాక్ చేసేసుకున్నాయి. కేవలం, ఐదు నెలల్లో, ఐదు సినిమాలు విడుదలౌతున్నాయి.

సెప్టెంబర్ తో మొదలుపెట్టి, మళ్లీ వచ్చే ఏడాది జనవరి వరకు శ్రీలీల సినిమాలే రానున్నాయి. అన్ని సినిమాలు ఒక్కో పండగను టార్గెట్ చేసుకొని వస్తున్నాయి. అయితే, పండగ మారుతోంది, హీరో మారుతున్నాడు. కానీ హీరోయిన్ మాత్రం శ్రీలీలే ఉంటుంది. సెప్టెంబర్ లో రామ్ తో కలిసి నటించిన స్కందతో టాలీవుడ్ పై వార్ కి రెడీ అవుతోంది ఈ హాట్ అండ్ క్యూట్ బ్యూటీ.

ఈ సినిమా వినాయకచవితి సందర్భంగా సెప్టెంబర్ 15న విడుదల చేస్తున్నారు. ఈ మూవీలో రామ్ ఎనర్జీకి సూటయ్యేలా శ్రీలీల స్టెప్పులు ఉంటాయని, ఇప్పటికే విడుదలైన పాటల ద్వారా అర్థమైపోయింది. దాని తర్వాత అక్టోబర్ నెలలో బాలయ్య భగవంత్ కేసరి రాబోతోంది. దరసరా కానుకగా అక్టోబర్ 19 న దీనిని విడుదల చేస్తున్నారు. ఇందులోనూ ప్రధాన పాత్రలో శ్రీలీల నటించడం విశేషం.

ఇక, నవంబర్ లో యుంగ్ హీరో వైష్ణవ్ తేజ్ తో కలిసి నటించి ఆదికేశవ విడుదలకు రెడీ అవుతోంది.దీపావళి సందర్భంగా ఈ మూవీని నవంబర్ 10న విడుదల చేయాలని ప్లాన్ చేస్తున్నారు. , ఆ తర్వాత డిసెంబర్ లో నితిన్‌తో కలిసి రాబోతుంది. ఆయన హీరోగా రూపొందిన 'ఎక్ట్స్ ట్రా ఆర్డినరీ మ్యాన్‌' చిత్రంలో శ్రీలీల హీరోయిన్‌గా నటించిన విషయం తెలిసిందే. క్రిస్మస్, న్యూయర్ కి ముందుగానే ఈ మూవీ వస్తోంది. చివరగా, వచ్చే ఏడాది శుభారంభం జనవరిలో సంక్రాంతి పండగ సందర్భంగా గుంటూరు కారం సినిమాతో ప్రేక్షకుల ముందుకు రానుంది. ఇలా ఐదు నెలల్లో ఐదు సినిమాలతో సందడి చేయడానికి రెడీ అయ్యింది. వీటిలో ఎన్ని హిట్ అవుతాయో చూడాలి.