రవితేజ ఇండస్ట్రీ హిట్ కొట్టబోతున్నాడా?

తెలుగు సినిమా పాన్ ఇండియా స్థాయికి ఎదిగిపోయిన ఈ టైంలో ఇండస్ట్రీ హిట్లు కొట్టాలంటే చాలా కొద్దిమంది హీరోలకు మాత్రమే సాధ్యం. ఒకప్పుడు బాక్సాఫీస్ దగ్గర తిరుగులేని ఆధిపత్యం చలాయించిన చిరు తరం హీరోలకు కూడా ఇండస్ట్రీ హిట్లు సాధించడం కష్టమైపోయింది. ఐతే ఆయన ఈ ఏడాది సంక్రాంతికి ‘మన శంకర వరప్రసాద్ గారు’ చిత్రంతో రీజనల్ ఇండస్ట్రీ హిట్ సాధించారు. ఆ చిత్రం ఫుల్ రన్లో రూ.300 కోట్ల వసూళ్లతో ఈ ఘనతను సాధించింది.

నాన్-పాన్ ఇండియా సినిమాలతో ఈ మైలురాయిని వేరే హీరో అందుకోవడం వేరే అగ్ర కథానాయకులకు కూడా అంత తేలిక కాదనే అనుకున్నారంతా. అలాంటిది టైర్-1 జాబితాలో లేని, మిడ్ రేంజ్ హీరోగా గుర్తింపు ఉన్న మాస్ రాజా రవితేజ.. చిరు రికార్డును బద్దలు కొట్టే దిశగా అడుగులు వేస్తున్నాడు. ఆయన కొత్త చిత్రం ‘ఇరుముడి’ గత మూడు వారాలుగా బాక్సాఫీస్ దగ్గర ఎలాంటి ప్రభంజనం సృష్టిస్తోందో తెలిసిందే. మొదట్లో ఈ సినిమా జోరు చూస్తే ఫుల్ రన్లో రూ.200 కోట్ల మార్కును అందుకుంటుందనే అంచనాలు కలిగాయి. కానీ రెండు వారాల్లోపే ఆ మైలురాయిని దాటేసిన ‘ఇరుముడి’.. ఆ తర్వాత కూడా జోరు కొనసాగిస్తోంది. మూడో వీకెండ్లో కూడా కొత్త సినిమాల హౌస్ ఫుల్ కలెక్షన్లతో రన్ అయిన ఈ చిత్రం.. వీక్ డేస్‌లో కూడా స్టడీగా నడుస్తోంది. వరుసగా రెండు వారాలు వచ్చిన కొత్త చిత్రాలు ‘ఇరుముడి’ మీద పెద్దగా ప్రభావం చూపించలేకపోయాయి. ఇంకో రెండు వారాలు రవితేజ సినిమాకు ఎదురుండదనే అనిపిస్తోంది. సెప్టెంబరు 24న నాని మూవీ ‘ది ప్యారడైజ్’ వచ్చే వరకు ‘ఇరుముడి’ జోరు కొనసాగడం ఖాయం. కాబట్టి ఇంకో రెండు వీకెండ్లలో ‘ఇరుముడి’ మంచి షేర్ రాబట్టే అవకాశముంది.

ఇప్పటికే ఈ సినిమా గ్రాస్ వసూళ్లు రూ.230 కోట్లు దాటాయి. ఇంకో రెండు వారాలు జోరు కొనసాగిస్తే.. రూ.300 కోట్ల మార్కును అందుకోవడం, ‘మన శంకర వరప్రసాద్ గారు’ను అధిగమించి రీజనల్ ఇండస్ట్రీ హిట్‌గా నిలవడం ‘ఇరుముడి’కి కష్టమేమీ కాకపోవచ్చు. ఒకవేళ ‘ది ప్యారడైజ్’ వాయిదా పడితే మాత్రం పక్కాగా ఈ సినిమా ఇండస్ట్రీ హిట్ అవుతున్నట్లే.