కౌంట్‌డౌన్ స్టార్ట్.. ‘పెద్ది’ నుంచి రేపు స్పెషల్ అప్డేట్!

మెగా పవర్ స్టార్ రామ్ చరణ్ ఫ్యాన్స్‌కు ఇప్పుడు పండగే పండగ. బుచ్చిబాబు సనా దర్శకత్వంలో రూపొందుతున్న రామ్ చరణ్ 16వ చిత్రం ‘పెద్ది’ నుంచి ఒక భారీ అప్‌డేట్ రాబోతోంది. ఇప్పటికే విడుదలైన సాంగ్స్‌తో అంచనాలు పెంచేసిన ఈ సినిమా, ఇప్పుడు శ్రీరామనవమి సందర్భంగా ప్రేక్షకులను అలరించేందుకు సిద్ధమైంది. చరణ్ పుట్టినరోజు కానుకగా రాబోతున్న ఈ సినిమా గ్లింప్స్ కోసం మెగా అభిమానులు కళ్ళల్లో ఒత్తులు వేసుకుని మరీ ఎదురుచూస్తున్నారు. రేపు ఉదయం రాబోయే ఆ సర్ప్రైజ్ ఏంటో ఇప్పుడు టాలీవుడ్‌లో హాట్ టాపిక్‌గా మారింది.

చరణ్ గదతో వస్తున్నాడు.. బుచ్చిబాబు అదిరిపోయే పోస్టర్!:

డైరెక్టర్ బుచ్చిబాబు సనా సోషల్ మీడియా వేదికగా విడుదల చేసిన ఒక పోస్టర్ ఇప్పుడు ఇంటర్నెట్‌ను షేక్ చేస్తోంది. "చరణ్ బ్యాట్ పట్టడం చూశారు.. కానీ ఇప్పుడు ఆయన గదతో వస్తున్నారు" అంటూ ఆయన ఇచ్చిన హింట్ ఫ్యాన్స్‌కు పూనకాలు తెప్పిస్తోంది. శ్రీరామనవమి పర్వదినాన్ని పురస్కరించుకుని రేపు ఉదయం 9.45 గంటలకు ఒక ఇంట్రెస్టింగ్ అప్‌డేట్ రాబోతోందని మేకర్స్ ప్రకటించారు. ఇది సినిమా గ్లింప్స్ లేదా చరణ్ క్యారెక్టర్‌కు సంబంధించిన టీజర్ అయి ఉంటుందని అంతా భావిస్తున్నారు. ఈ మాస్ రాంపేజ్ బాక్సాఫీస్ వద్ద రికార్డులు తిరగరాయడం ఖాయమని చిత్ర యూనిట్ ధీమాగా ఉంది.

రామ్ చరణ్ గాయం.. ఫ్యాన్స్ కలవరం వద్దు:

ఇదిలా ఉంటే, ‘పెద్ది’ సినిమా సెట్స్‌లో ఒక యాక్షన్ సీన్ చిత్రీకరిస్తుండగా రామ్ చరణ్ చిన్న ప్రమాదానికి గురయ్యారు. ఎడమ కంటికి స్వల్ప గాయం కావడంతో అభిమానులు ఆందోళన చెందారు. అయితే దీనిపై మేకర్స్ వెంటనే స్పందిస్తూ క్లారిటీ ఇచ్చారు. చరణ్‌కు ఒక చిన్న మెడికల్ ప్రొసీజర్ జరిగిందని, ఆందోళన చెందాల్సిన అవసరం లేదని స్పష్టం చేశారు.ఇక షూటింగ్ షెడ్యూల్స్‌కు ఎలాంటి అంతరాయం కలగకుండా గురువారం నుంచే రామ్ చరణ్ మళ్ళీ కెమెరా ముందుకు రాబోతున్నారు. చరణ్ డెడికేషన్ చూసి మెగా ఫ్యాన్స్ మురిసిపోతున్నారు.

స్టార్ కాస్టింగ్.. ఏఆర్ రెహమాన్ మ్యూజిక్ మ్యాజిక్:

ఈ చిత్రంలో రామ్ చరణ్ సరసన అందాల భామ జాన్వీ కపూర్ హీరోయిన్‌గా నటిస్తోంది. వీరిద్దరి కెమిస్ట్రీ వెండితెరపై ఎలా ఉంటుందో చూడాలని ప్రేక్షకులు ఆత్రుతగా ఉన్నారు. అంతేకాకుండా కన్నడ స్టార్ శివ రాజ్‌కుమార్, జగపతి బాబు, బోమన్ ఇరానీ వంటి ఉద్ధండులు కీలక పాత్రలు పోషిస్తున్నారు. ఆస్కార్ విజేత ఏఆర్ రెహమాన్ ఈ సినిమాకు సంగీతం అందిస్తుండటం విశేషం.ఇక ఇప్పటికే విడుదలైన చికిరి చికిరి, రైరై రార సాంగ్స్ నెట్టింట సెన్సేషన్ క్రియేట్ చేస్తోంది. వృద్ధి సినిమాస్ బ్యానర్‌పై వెంకట సతీష్ కిలారు ఈ చిత్రాన్ని అత్యంత ప్రతిష్టాత్మకంగా నిర్మిస్తున్నారు.

ఏప్రిల్ 30న థియేటర్లలో సందడి:

మొత్తానికి ‘పెద్ది’ సినిమా తన ప్రమోషన్స్‌తో ప్రకంపనలు సృష్టిస్తోంది. ఈ యాక్షన్ డ్రామా ఏప్రిల్ 30న ప్రపంచవ్యాప్తంగా విడుదల కానుంది. బుచ్చిబాబు సనా తన మొదటి సినిమా ‘ఉప్పెన’తోనే సెన్సేషన్ క్రియేట్ చేశారు, ఇప్పుడు రామ్ చరణ్‌తో ఎలాంటి మ్యాజిక్ చేస్తారో అని అందరూ ఎదురుచూస్తున్నారు. ఇక రేపు రాబోయే అప్‌డేట్ ఈ సినిమాపై ఉన్న అంచనాలను మరో మెట్టు ఎక్కించడం ఖాయం. మెగా పవర్ స్టార్ రామ్ చరణ్ మరోసారి బాక్సాఫీస్ వద్ద తన సత్తా చాటుతారని ట్రేడ్ వర్గాలు విశ్లేషిస్తున్నాయి.