ఫ్రెగ్నెన్సీతోనే 'రాకా- కింగ్' కోసం దీపిక స్టంట్స్?
అయితే దీపికకు తన వృత్తి పరంగా ఉన్న అంకితభావాన్ని ఎవరూ తక్కువ చేసి మాట్లాడలేదన్నది గమనించాలి. ఇప్పుడు మరోసారి డీపీ (దీపిక) తన నిబద్ధతను చాటుకోవడం చర్చగా మారింది.;
బాలీవుడ్ స్టార్ హీరోయిన్ దీపికా పదుకొనేపై కొంతకాలంగా నెగెటివ్ ప్రచారం సాగుతున్న సంగతి తెలిసిందే. స్పిరిట్, కల్కి 2898 ఏడి సీక్వెల్ చిత్రాల నుంచి తొలగించడంతో దీపిక పై ఇలాంటి ప్రచారం సాగింది. అయితే దీపికకు తన వృత్తి పరంగా ఉన్న అంకితభావాన్ని ఎవరూ తక్కువ చేసి మాట్లాడలేదన్నది గమనించాలి. ఇప్పుడు మరోసారి డీపీ (దీపిక) తన నిబద్ధతను చాటుకోవడం చర్చగా మారింది. ప్రస్తుతం గర్భవతిగా ఉన్నా.. తన తదుపరి చిత్రాల కోసం కష్టతరమైన యాక్షన్ సీక్వెన్స్లలో పాల్గొంటున్నారనే వార్త సినీ వర్గాల్లో చర్చనీయాంశమైంది. ముఖ్యంగా షారూఖ్ ఖాన్తో కలిసి నటిస్తున్న `కింగ్` .. విభిన్నమైన కథాంశంతో రూపొందుతున్న `రాకా` చిత్రాల కోసం దీపిక ఈ సాహసాలు చేస్తున్నట్లు సమాచారం. గర్భంతో ఉన్న సమయంలో శారీరక శ్రమతో కూడిన పనులు చేయడం సవాలుతో కూడుకున్నదైనా దీపిక మాత్రం వెనకడుగు వేయకుండా షూటింగ్లో పాల్గొంటున్నారు.
తాజా కథనాల ప్రకారం.. ఈ చిత్రాల్లో దీపికా పోషించే పాత్రలు అత్యంత పవర్ఫుల్ గా యాక్షన్ మోడ్ లో ఉండబోతున్నాయి. అందుకే సాధారణ సన్నివేశాలకే పరిమితం కాకుండా.. కథకు అవసరమైన కొన్ని కీలకమైన యాక్షన్ స్టంట్స్ను దీపిక స్వయంగా చేస్తున్నారు. సాధారణంగా ఇటువంటి సమయాల్లో నటీమణులు డూప్లను వాడుతుంటారు లేదా షూటింగ్కు విరామం ప్రకటిస్తారు. కానీ దీపికా చిత్ర బృందానికి ఇబ్బంది కలగకూడదనే ఉద్దేశంతో వైద్యుల పర్యవేక్షణలో అన్ని జాగ్రత్తలు తీసుకుంటూ సెట్స్పై తీవ్రంగా శ్రమిస్తున్నారు.
షారూఖ్ ఖాన్ నటిస్తున్న `కింగ్` సినిమాపై ఇప్పటికే భారీ అంచనాలున్నాయి. ఇందులో దీపికా కీలక పాత్ర పోషిస్తుండటంతో వారిద్దరి కాంబినేషన్ మరోసారి బాక్సాఫీస్ వద్ద మ్యాజిక్ చేస్తుందని అభిమానులు ఆశిస్తున్నారు. మరోవైపు అల్లు అర్జున్ తో భారీ ప్రయోగాత్మక చిత్రం `రాకా`లోనూ తన పాత్ర కోసం దీపిక తీవ్రంగా శ్రమిస్తున్నారు. గర్భవతిగా ఉన్న సమయంలో కూడా ఇంటెన్స్ యాక్షన్ సన్నివేశాల్లో నటిస్తుండటం చూసి చిత్ర బృందంతో పాటు సహనటులు కూడా ఆమెపై ప్రశంసలు కురిపిస్తున్నారు. ఇది డీపీ (దీపిక) వృత్తి పట్ల చూపిస్తున్న గౌరవానికి నిదర్శనమని వారు పేర్కొంటున్నారు.
దీపికా పదుకొనే ఈ ఏడాది చివరలో తన రెండో బిడ్డకు జన్మనివ్వబోతున్నారు. ఈరోజు రెండో బిడ్డ గురించిన సమాచారాన్ని దీపిక - రణ్ వీర్ జంట రివీల్ చేసారు. ఈ సంతోషకరమైన సమయంలో కూడా తన బాధ్యతలను విస్మరించకుండా సినిమాలు పూర్తి చేయాలని కృతనిశ్చయంతో దీపిక ఉన్నారు. సెట్లో ఉన్న రెండు చిత్రాల విషయంలో దీపిక అన్ని జాగ్రత్తలు తీసుకుంటున్నారని తెలుస్తోంది.
ఓవరాల్ గా దీపిక అంకితభావం పరిశ్రమలోని నూతన నటీమణులకు స్ఫూర్తిదాయకంగా నిలుస్తోంది. గర్భంతో ఉన్నా సరే తన నటనలో ఎక్కడా రాజీ పడకుండా ప్రేక్షకులకు ఉత్తమమైన అవుట్పుట్ ఇవ్వడానికి ప్రయత్నిస్తున్నారు. ఈ వార్త సోషల్ మీడియాలో వైరల్ అవ్వడంతో అభిమానులు గర్భిణి ఆరోగ్యం విషయంలో జాగ్రత్తగా ఉండాలని సూచిస్తూనే .. తన ధైర్యానికి సెల్యూట్ చేస్తున్నారు.