మల్టీస్టారర్ మూవీలో పూజా హెగ్డే… కెరీర్కు టర్నింగ్ పాయింట్?
మధ్యలో దుల్కర్ సల్మాన్ బహుభాషా చిత్రం 'శ్రీశ్రీ'లో అవకాశం వచ్చినప్పటికీ, పక్కా తెలుగు హీరో సరసన నటించే ఛాన్స్ మాత్రం రాలేదు.
బుట్టబొమ్మ పూజా హెగ్డే పేరుకు ఉత్తరాది భామే అయినా, ఆమెకు అసలైన స్టార్డమ్ తెచ్చిపెట్టింది మాత్రం టాలీవుడే. ఒకప్పుడు వరుస స్టార్ హీరోల సరసన నటిస్తూ టాలీవుడ్ గోల్డెన్ లెగ్గా ఊపేసిన ఈ ముద్దుగుమ్మ, ఆ తర్వాత వరుస ఫ్లాపులతో తీవ్ర నిరాశ చెందింది. ఎంత వేగంగా పైకి ఎదిగిందో, అంతే వేగంగా అవకాశాలు తగ్గిపోయాయి. అయితే, మూడేళ్ల సుదీర్ఘ నిరీక్షణ తర్వాత పూజా హెగ్డేకు తెలుగులో ఒక క్రేజీ మల్టీస్టారర్ ఆఫర్ వచ్చినట్లు వార్తలు వస్తున్నాయి. మరి ఈ సినిమా ఆమె కెరీర్కు మళ్లీ బిగ్ టర్నింగ్ పాయింట్ అవుతుందా ? ఆ వివరాలు చూద్దాం..
అగ్ర పీఠం నుండి అనూహ్య పతనం:
కెరీర్ ఆరంభంలో 'ముకుంద', 'ఒక లైలా కోసం' లాంటి చిత్రాలు నిరాశపరిచినా, 'దువ్వాడ జగన్నాథం' సినిమాతో పూజా హెగ్డే జాతకమే మారిపోయింది. ఆ తర్వాత 'అరవింద సమేత', 'మహర్షి', 'అల వైకుంఠపురములో' లాంటి వరుస ఘనవిజయాలతో టాలీవుడ్లో టాప్ హీరోయిన్గా ఏలింది. కానీ, ఆ రన్ ఎక్కువ కాలం నిలవలేదు. ఇక వరుస ప్లాపులు ఆమెను వెనక్కి లాగేశాయి. ఆఖరికి 'గుంటూరు కారం' సినిమా నుండి ఆమెను తప్పించిన తర్వాత, దాదాపు మూడేళ్ల పాటు స్ట్రెయిట్ తెలుగు సినిమాలో పూజాకు చోటు దక్కని పరిస్థితి ఏర్పడింది.
మాస్ రాజాతో తొలిసారి పూజా జోడీ:
మధ్యలో దుల్కర్ సల్మాన్ బహుభాషా చిత్రం 'శ్రీశ్రీ'లో అవకాశం వచ్చినప్పటికీ, పక్కా తెలుగు హీరో సరసన నటించే ఛాన్స్ మాత్రం రాలేదు. కానీ, ఇప్పుడు ఆ నిరీక్షణకు తెరపడేలా కనిపిస్తోంది. మాస్ రాజా రవితేజ, యంగ్ హీరో శ్రీ విష్ణు కాంబినేషన్లో 'సామజవరగమన' ఫేమ్ హాసిత్ గోలి ఒక భారీ మల్టీస్టారర్ ప్లాన్ చేస్తున్న సంగతి తెలిసిందే. దిల్ రాజు ప్రొడక్షన్స్లో రాబోతున్న ఈ పక్కా మాస్ కామెడీ ఎంటర్టైనర్లో రవితేజకు జోడీగా పూజా హెగ్డేను ఫైనలైజ్ చేసినట్లు ఇండస్ట్రీలో టాక్ నడుస్తోంది. ఇక రవితేజతో పూజా నటించడం ఇదే తొలిసారి కావడం విశేషం.
ఈ మల్టీస్టారర్ కంబ్యాక్ ఇస్తుందా?:
టాలీవుడ్లో మళ్లీ తన స్థానాన్ని నిలబెట్టుకోవడానికి పూజా హెగ్డేకు ఇది చాలా కీలకమైన ప్రాజెక్ట్. ఒక వైపు కమర్షియల్ మాస్ ఎలిమెంట్స్, మరోవైపు హాసిత్ గోలి మార్క్ కామెడీ ఉండటంతో ఈ సినిమాపై అంచనాలు బాగున్నాయి.ఇక శ్రీ విష్ణు సరసన హీరోయిన్ను ఇంకా ఎంపిక చేయాల్సి ఉంది. మేకర్స్ ఈ చిత్రాన్ని వచ్చే సంక్రాంతికి రిలీజ్ చేయాలని భావిస్తున్నప్పటికీ, షూటింగ్ ఆలస్యం వల్ల కాస్త సమయం పట్టేలా ఉంది. ఏదేమైనా, మాస్ రాజా కాంబో వర్కవుట్ అయితే పూజా హెగ్డే టాలీవుడ్లో మళ్లీ బిజీ అవ్వడం ఖాయం.
సినిమా ఇండస్ట్రీలో గెలుపోటములు చాలా సహజం. మూడేళ్ల గ్యాప్ తర్వాత వస్తున్న ఈ ఆఫర్ పూజా హెగ్డే సెకండ్ ఇన్నింగ్స్కు గట్టి పునాది వేస్తుందో లేదో చూడాలి. దిల్ రాజు బ్యానర్, రవితేజ మాస్ క్రేజ్, హాసిత్ గోలి ఎంటర్టైన్మెంట్ అన్నీ కలిసొస్తే మాత్రం బుట్టబొమ్మ ఖాతాలో మరో బ్లాక్బస్టర్ పడటం కష్టమేమీ కాదు. మరి ఈ మల్టీస్టారర్ ప్రాజెక్ట్ ఆమె కెరీర్ను ఎలాంటి మలుపు తిప్పుతుందో కాలమే నిర్ణయిస్తుంది.