స్క్రిప్ట్ లాక్ కాకపోతే స్టార్ హీరోలు ఎందుకు ఆగిపోతారు?

ఒక స్టార్ హీరో సినిమా అనౌన్స్ చేశారంటే ఫ్యాన్స్ లో అంచనాలు ఒక్కసారిగా పెరిగిపోతాయి. టైటిల్, ఫస్ట్ లుక్, కాంబినేషన్.. ఇలా ప్రతి విషయం ఆసక్తిని పెంచుతుంది. కానీ కొన్ని ప్రాజెక్టులు మాత్రం ప్రకటన తర్వాత కూడా స్లోగా ముందుకు సాగుతాయి. కారణం షూటింగ్ సమస్యలు కాదు.. సెట్స్ సమస్యలు కాదు.. అసలు కారణం కథపై పూర్తి క్లారిటీ రావడమే. ఇప్పుడు పవన్ కల్యాణ్, సురేందర్ రెడ్డి కాంబినేషన్‌ లో తెరకెక్కాల్సిన PSPK32 చుట్టూ కూడా ఇలాంటి చర్చే జరుగుతోంది.

ఆ ప్రాజెక్ట్‌ పై అభిమానుల్లో భారీ అంచనాలు ఉన్నాయి. పవన్ ఇమేజ్‌ కు తగ్గట్టుగా, సురేందర్ రెడ్డి స్టైల్‌ కు సరిపోయే కథ కోసం మూవీ టీమ్ కసరత్తు చేస్తున్నట్లు తెలుస్తోంది. అయితే స్క్రిప్ట్ విషయంలో పూర్తి సంతృప్తి రాకపోవడంతో ప్రాజెక్ట్ వేగం తగ్గిందనే టాక్ వినిపిస్తోంది. సాధారణంగా స్టార్ హీరోల సినిమాల్లో కథకు ఇచ్చే ఇంపార్టెన్స్ చాలా ఎక్కువ. ఎందుకంటే ఒకసారి షూటింగ్ ప్రారంభమైన తర్వాత మార్పులు చేయడం అంత ఈజీ కాదు.

భారీ బడ్జెట్, వందల మంది సిబ్బంది, నిర్మాతల ఇన్వెస్ట్మెంట్.. ఇవన్నీ కథపై ఆధారపడి ఉంటాయి. అందుకే హీరోలు కథ విషయంలో ఎలాంటి తొందరపాటు నిర్ణయాలు తీసుకోవడానికి ఇష్టపడరు. గతంలో ఎన్నో పెద్ద సినిమాలు కూడా స్క్రిప్ట్ దశలోనే ఎక్కువ సమయం తీసుకున్నాయి. సినిమా ప్రారంభానికి ముందు కథ, స్క్రీన్‌ ప్లే, పాత్రలపై పూర్తిగా నమ్మకం వచ్చిన తర్వాతే స్టార్ హీరోలు సెట్స్‌ పైకి వెళ్లారు. ఎందుకంటే అభిమానుల అంచనాలను అందుకోవడం అనేది స్టార్ హీరోలకు పెద్ద సవాల్‌ గా మారింది.

PSPK32 విషయంలో ఇదే పరిస్థితి కనిపిస్తోంది. మరోవైపు పవన్ కల్యాణ్ ప్రస్తుతం ఇతర ప్రాజెక్టులపై కూడా దృష్టి పెడుతున్నారు. ముఖ్యంగా OG 2 సినిమాపై ఆయన ప్రత్యేక ఆసక్తి చూపిస్తున్నారనే వార్తలు వస్తున్నాయి. దీంతో PSPK32 ఎప్పుడు పట్టాలెక్కుతుందనే ఆసక్తి అభిమానుల్లో కొనసాగుతోంది. ఇక సురేందర్ రెడ్డి విషయానికి వస్తే.. ఆయన గత చిత్రం ఏజెంట్ తర్వాత కొత్త ప్రాజెక్ట్ కోసం ఎదురుచూస్తున్నారు. ఏజెంట్‌ తో కలిసి పనిచేసిన పలువురు తమ నెక్స్ట్ సినిమాలతో ముందుకు వెళ్లినా.. దర్శకుడిగా సూరి నుంచి వచ్చే తదుపరి అడుగు కోసం అంతా వెయిట్ చేస్తున్నారు.

అయితే స్టార్ హీరోల సినిమాల్లో ఆలస్యం అనేది ఎప్పుడూ నెగెటివ్ సిగ్నల్ కాదు. కొన్నిసార్లు అదే ఆలస్యం మంచి కథకు స్ట్రాంగ్ ఫౌండేషన్ వేస్తుంది. కథపై నమ్మకం వచ్చిన తర్వాతే ముందుకు వెళ్లాలనే ఆలోచనతోనే ప్రాజెక్టులు సమయం తీసుకుంటాయి ప్రస్తుతం PSPK32 విషయంలో కూడా ప్రధాన ప్రశ్న ఒక్కటే.. పవన్ కల్యాణ్‌ ను పూర్తిగా మెప్పించే ఆ కథ ఎప్పుడు సిద్ధమవుతుంది? స్క్రిప్ట్‌ పై క్లారిటీ వచ్చిన తర్వాత ఆ కాంబో మళ్లీ వేగం అందుకుంటుందా? లేక మరింత సమయం తీసుకుంటుందా? అన్నది ఇప్పుడు ఆసక్తికరంగా మారింది.