డ్రాగ‌న్ కోసం నీల్ భారీ ప్లాన్స్

ఆర్ఆర్ఆర్ సినిమాతో మ్యాన్ ఆఫ్ మాసెస్ ఎన్టీఆర్ క్రేజ్ చాలా భారీగా పెరిగింది. ఆ క్రేజ్ వ‌ల్లే కొర‌టాల శివ‌తో చేసిన దేవ‌ర కూడా మంచి స‌క్సెస్ ను అందుకుంది. దేవ‌ర త‌ర్వాత బాలీవుడ్ లో వార్2 చేసిన తార‌క్, ఆ మూవీతో డిజాస్ట‌ర్ ను అందుకున్న‌ప్ప‌టికీ వార్2తో నార్త్ లో మంచి క్రేజ్ ను సంపాదించుకున్నారు. కాగా తార‌క్ ప్ర‌స్తుతం ప్ర‌శాంత్ నీల్ ద‌ర్శ‌క‌త్వంలో ఓ మూవీ చేస్తున్న సంగ‌తి తెలిసిందే.

భారీ అంచ‌నాల‌తో తెర‌కెక్కుతున్న ఎన్టీఆర్-డ్రాగ‌న్

ఎన్టీఆర్- నీల్ కాంబినేష‌న్ లో వ‌స్తున్న మొద‌టి సినిమా కావ‌డంతో ఈ ప్రాజెక్టు అనౌన్స్‌మెంట్ నుంచే భారీ అంచ‌నాల‌ను అందుకుంది. మామూలు హీరోల‌నే నీల్ నెక్ట్స్ లెవెల్ లో చూపిస్తారు అలాంటిది ఎన్టీఆర్ లాంటి మాస్ హీరోను ఇంకెలా ప్రెజెంట్ చేస్తారోన‌ని చూడ్డానికి ఎన్టీఆర్ ఫ్యాన్స్ ఎంతో ఆతృత‌గా ఉన్నారు. నీల్ కూడా ఆ ఎగ్జైట్‌మెంట్ ను ఏ మాత్రం త‌గ్గ‌కుండా ఉండేలా ప్లాన్ చేస్తున్న‌ట్టు తెలుస్తోంది.

డ్రాగ‌న్ కోసం స్లిమ్ గా మారిన తార‌క్

డ్రాగ‌న్ మూవీలో తార‌క్ ను గ‌తంలో ఎన్న‌డూ చూడ‌ని విధంగా నీల్ చూపించ‌బోతున్నార‌ని తెలుస్తోంది. పైగా ఎన్టీఆర్ కూడా ఈ మూవీ కోసం కెరీర్ లో ఎప్పుడూ లేనంతగా క‌ష్ట‌ప‌డుతూ చాలా స్లిమ్ గా త‌యార‌య్యారు. దీంతో ఎప్పుడెప్పుడు ఈ సినిమాను థియేట‌ర్ల‌లో చూస్తామా అనే ఆస‌క్తి ఆడియ‌న్స్ కు రోజురోజ‌కీ పెరుగుతుంది. ఇదిలా ఉంటే ఇప్పుడు ఈ సినిమా గురించి ఓ ఇంట్రెస్టింగ్ అప్డేట్ వినిపిస్తోంది.

డ్రాగ‌న్ సినిమా ఎంట్రీ కోసం భారీ సెట్స్ వేస్తుండ‌గా, ఈ సీక్వెన్స్ లో ఎన్టీఆర్ గెట‌ప్ కూడా చాలా కొత్త‌గా ఉండ‌బోతుద‌ని, ఇంకా చెప్పాలంటే స్పెష‌ల్ గా ఫ్యాన్స్ కోస‌మే నీల్ ఆ సీక్వెన్స్ ను డిజైన్ చేశార‌ని టాక్ న‌డుస్తోంది. అంతేకాదు, ఈ సీక్వెన్స్ లో తార‌క్ తో పాటూ మ‌రో వంద‌మంది కూడా జూనియ‌ర్ ఆర్టిస్టులు క‌నిపిస్తార‌ని, మూవీలో ఈ ఎంట్రీ సీక్వెన్స్ యాక్ష‌న్ అద్భుతంగా ఉంటుంద‌ని అంటున్నారు. ఈ మూవీని తార‌క్ కెరీర్లోనే బెస్ట్ మూవీగా చేయాల‌ని నీల్ ప్ర‌య‌త్నిస్తుండ‌గా, మైత్రీ మూవీ మేక‌ర్స్ ఈ సినిమాను భారీ బ‌డ్జెట్ తో నిర్మిస్తోంది.