• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  ప్ర‌భాస్‌ను కాద‌ని...

ప్ర‌భాస్‌ను కాద‌ని స‌ల్మాన్ కోసం పాకులాడిన ఫ‌లితం?

| డార్లింగ్ స్టార్ బాలీవుడ్ నటి కత్రినా కైఫ్‌తో కలిసి పనిచేయాలని కోరుకున్నారు.. కానీ ఆఫర్‌లను తిరస్కరించింది.

By - Tupaki Desk
Update: 2024-07-01 23:30 GMT

ప్రభాస్ ప్రస్తుతం బాక్సాఫీస్ వద్ద మెరుపులు మెరిపిస్తున్నాడు. బాహుబలి 2 భారీ విజయం తర్వాత అతడిని వ‌రుస ప‌రాజ‌యాలు నిరాశ‌ప‌రిచాయి. ద‌ర్శ‌కుల త‌ప్పిదాల‌ను అత‌డు త‌న నెత్తిన వేసుకున్నాడు. కానీ కల్కితో రియ‌ల్ ట్యాలెంట్ బ‌య‌ట‌ప‌డింది. క‌ల్కి 2898 ఏడి కోసం అత‌డి శ్ర‌మ ఇప్పుడు ఫ‌లించింది. క‌ల్కిలో న‌టించిన దీపిక ప‌దుకొనేకు కూడా ప్ర‌భాస్ తో స‌మానంగా పేరొచ్చింది. అయితే దీపిక కంటే ముందే క‌త్రిన లాంటి సీనియ‌ర్ హీరోయిన్ తో న‌టించాల‌ని డార్లింగ్ క‌ల‌లుగ‌న్నాడు. త‌న కోసం చాలా ప్ర‌య‌త్నించాడు. శ్ర‌ద్ధాక‌పూర్, దీపిక‌ల కంటే ముందే క‌త్రిన త‌న‌తో న‌టించాల‌ని అనుకున్నాడు. కానీ అది సాధ్య‌ప‌డ‌లేదు.

 

అయితే క‌త్రిన అత‌డిని త‌క్కువ‌గా అంచ‌నా వేయ‌డం వ‌ల్ల‌నే ఆఫ‌ర్ వ‌దులుకుందా? అన్న‌ది ఇన్నాళ్ల త‌ర్వాత చ‌ర్చ‌గా మారింది. నిజానికి 2019లో యాక్షన్ థ్రిల్లర్ సాహో కోసం ప్రభాస్ తొలిగా సంప్ర‌దించిన‌ది క‌త్రిన‌నే. కానీ శ్రద్ధా కపూర్‌తో కలిసి పనిచేశాడు. ఈ చిత్రంలో చుంకీ పాండే, జాకీ ష్రాఫ్, అరుణ్ విజయ్, నీల్ నితిన్ ముఖేష్, లాల్, మురళీ శర్మ, మందిరా బేడీ, మహేష్ మంజ్రేకర్ వంటి దక్షిణాది -ఉత్త‌రాది తార‌లు న‌టించారు. మిశ్రమ సమీక్షలు ఉన్నప్పటికీ ఈ చిత్రం 149 కోట్లు పైగా నెట్ వ‌సూలు చేసి ఆశ్చ‌ర్య‌ప‌రిచింది.

అయితే సాహోలో కథానాయికగా నటించడానికి కత్రినా కైఫ్ మొదటి ఎంపిక కాగా దానిని తిర‌స్క‌రించిందని పుకార్లు వచ్చాయి. అయితే ప్రభాస్ నటించిన సినిమాను తిరస్కరించే ముందు నిర్మాతలు ఆరు నెలల పాటు తనను వెంబడించారనేది త‌క్కువ‌మందికి తెలుసు. డార్లింగ్ స్టార్ బాలీవుడ్ నటి కత్రినా కైఫ్‌తో కలిసి పనిచేయాలని కోరుకున్నారు.. కానీ ఆఫర్‌లను తిరస్కరించింది. బాహుబ‌లి స్టార్ తో ప‌ని చేయ‌డం త‌న‌కు క‌లిసి వ‌స్తుంద‌ని క‌త్రిన భావించ‌లేదు. అందుకే ఆస‌క్తిని క‌న‌బ‌ర‌చ‌లేద‌ని అప్ప‌ట్లో మేకర్స్ వెల్ల‌డించిన‌ట్టు క‌థ‌నాలొచ్చాయి. ఆరు నెల‌లు వెంబ‌డించి చివ‌రికి త‌న‌ను వ‌దులుకున్నామ‌ని కూడా వారు తెలిపారు.

బాహుబలి 2 బాక్సాఫీస్ వద్ద ఊహించిన దాని కంటే మెరుగ్గా పనిచేసినందున ప్రచారం పొందేందుకు కత్రినా బృందం పుకార్లు వ్యాప్తి చేసిందని కూడా నెటిజ‌నుల్లో అప్ప‌ట్లో చ‌ర్చ సాగింది. కానీ ఈ పుకార్లపై క్యాట్ ఎప్పుడూ స్పందించలేదు. కొన్ని హిందీ మీడియాల ప్ర‌కారం.. క‌త్రిన నిజానికి సాహోలో భాగం కావాలనుకుంది. అయితే ప్రియాంక చోప్రా జోనాస్ ఆకస్మిక నిష్క్రమణ కారణంగా `భారత్‌`తో కష్టపడుతున్న సల్మాన్ ఖాన్‌కు మద్దతుగా నిలిచేందుకే క‌త్రిన ప్ర‌భాస్ ని కాద‌నుకుంద‌ని కూడా గుస‌గుస‌లు వినిపించాయి. కానీ దీనికి ఎటువంటి అధికారిక‌ నిర్ధారణ లేదు.

సాహో ఆఫ‌ర్ తిర‌స్క‌రించాక‌.. ప్ర‌భాస్ మ‌ళ్లీ క‌త్రిన వైపు చూడ‌లేదు. లేదంటే ఇప్పుడు క‌ల్కి లాంటి పాన్ ఇండియ‌న్ బ్లాక్ బ‌స్ట‌ర్లో అవ‌కాశం వ‌రించి ఉండేదేమో! అన్న చ‌ర్చా సాగుతోంది. ప్రస్తుతం దీపికా పదుకొణె క‌ల్కి 2898 ఏడిలో ప్రభాస్ స‌ర‌స‌న అవ‌కాశం అందుకుంది. ఈ భారీ విజ‌యాన్ని ఆస్వాధిస్తోంది! అంటూ అభిమానులు గుస‌గుస‌లాడుకుంటున్నారు. ఈ ఎపిక్ డిస్టోపియన్ సైన్స్-ఫిక్షన్ యాక్షన్ డ్రామాలో అమితాబ్ బచ్చన్, కమల్ హాసన్, దిశా పటానీ కూడా కీలక పాత్రల్లో నటించారు. మ‌రోవైపు క‌త్రిన న‌టించిన భార‌త్ బాక్సాఫీస్ వ‌ద్ద డిజాస్ట‌రైన సంగ‌తి తెలిసిందే. ఇటీవ‌ల‌ స‌ల్మాన్ కి స‌రైన విజ‌యాల్లేవ్.

Tags:    
  • Katrinakaif 
  • Bollywood 
  • Staractress 
  • Baahubali 
  • Prabhas 
  • Panindianstar 
  • Salmankhan 
  • Sahoo 
  • Shradhakapoor 
  • Googletrends 

Similar News

ఏడాదిలో రెండు ప్లాన్‌ చేస్తున్న అల్లు అర్జున్‌

2026-11-16 14:30 GMT

వారణాసి వాయిదా పడాలని కోరుకుంటున్న ఫ్యాన్స్‌..!

2026-11-16 13:30 GMT

ప‌డిన చోటే లేచేలా బాల‌య్య‌ ప్ర‌య‌త్నం!

2026-11-16 12:30 GMT

ఇప్పుడు వదలకపోతే.. పెళ్లి జరగదు.. న‌న్ను వదిలేయండి ప్లీజ్!

2026-11-16 11:30 GMT

తేజ సజ్జ నిశ్చితార్థ వేడుకల్లో తొలిసారి భార్యతో కనిపించిన బెల్లంకొండ హీరో!

2026-11-16 11:27 GMT

గురూజీకి పాన్ ఇండియా ఎంత కీల‌క‌మంటే?

2026-11-16 11:27 GMT

రాముడి పాత్రలో మహేశ్ బాబు.. రణబీర్ లుక్‌ను ఫాలో అవుతారా?

2026-11-16 11:12 GMT

ఎన్టీఆర్‌-అనిల్‌ మూవీపై ఫ్యాన్స్ రియాక్షన్‌ ఇదే..!

2026-11-16 11:11 GMT

తేజ సజ్జ ఎంగేజ్‌మెంట్‌.. ఆ బాండింగ్ ఇప్పటికీ అలాగే!

2026-11-16 11:07 GMT

ఈ వారం బాక్సాఫీస్ క్లాష్.. పరిస్థితి ఎలా ఉంది?

2026-11-16 10:25 GMT

మెగా సంక్రాంతి మూవీపై సస్పెన్స్‌ వీడినట్లేనా?

2026-11-16 08:21 GMT

మసక చీకటిలో..మైనస్ 7 డిగ్రీల చలిలో!

2026-11-16 08:12 GMT

Copyright @2026

Powered by Blink CMS