ఊహకు అందని విధంగా 'కల్కి' అప్‌డేట్స్

యంగ్ రెబల్ స్టార్ ప్రభాస్ హీరోగా నాగ్ అశ్విన్‌ దర్శకత్వంలో రూపొందుతున్న ప్రాజెక్ట్‌ కే 'కల్కి 2898 ఏడీ' సినిమా కోసం తెలుగు ప్రేక్షకుల నుండి పాన్‌ వరల్డ్‌ ప్రేక్షకుల వరకు వెయిట్‌ చేస్తున్నారు అనడంలో సందేహం లేదు. తాజాగా టైటిల్ ను రివీల్ చేస్తూ అంతర్జాతీయ వేదిక మీద గ్లిమ్స్ ను విడుదల చేయడం జరిగింది.

గ్లిమ్స్ ను చూసిన ప్రతి ఒక్కరు కూడా అంతకు మించి అన్నట్లుగా మాట్లాడుకుంటున్నారు. ఇప్పటి వరకు రాజమౌళి.. ప్రశాంత్ నీల్‌.. శంకర్ తీసిన సినిమాలు 'కల్కి 2898 ఏడీ' సినిమా ముందు దిగదుడుపే అన్నట్లుగా గ్లిమ్స్ ఉన్నాయి అంటూ టాక్ వినిపిస్తుంది. మొదటి నుండి కూడా ఇదో పాన్ వరల్డ్ మూవీ అన్నట్లుగా ప్రచారం చేస్తున్నారు... అది నిజమే అనిపిస్తుంది.

కల్కి 2898 ఏడీ సినిమాలో ప్రభాస్ మాత్రమే కాకుండా పాన్ ఇండియా స్టార్స్ అమితాబచ్చన్‌.. కమల్‌ హాసన్.. దీపికా పదుకొనే.. దిశా పటానీ ఇంకా ఎంతో మంది నటీనటులు ఉన్నారు. ఇక ఈ సినిమా కు హాలీవుడ్ టెక్నీషియన్స్ వర్క్ చేస్తున్న నేపథ్యంలో సినిమాకు హాలీవుడ్‌ క్రేజ్ దక్కబోతుంది.

సినిమాలోని విజువల్స్.. కథ.. ఇతర విషయాలు అన్నీ కూడా హాలీవుడ్ రేంజ్ సినిమా అన్నట్లుగా నిలుపబోతున్నట్లుగా అనిపిస్తుంది. సినిమాను 2024 సంక్రాంతికి విడుదల చేయాలని భావించారు. కానీ షూటింగ్‌.. వీఎఫ్‌ఎక్స్ వర్క్ ఎక్కువగా ఉన్న కారణంగా సంక్రాతికి సాధ్యం కాదని తేలిపోయింది. 2024 సమ్మర్ లో సినిమా రాబోతుంది.

ప్రస్తుతానికి ఈ సినిమా ప్రమోషన్ హడావుడి చేయకూడదని నిర్ణయించుకున్నారు. మరో రెండు నెలల్లో ప్రభాస్ సలార్‌ 1 తో ప్రేక్షకుల ముందుకు రాబోతున్న విషయం తెల్సిందే. ఆ సినిమాకు సంబంధించిన ప్రమోషన్ కార్యక్రమాలు షురూ అవ్వబోతున్నాయి. ఈ సమయంలో కల్కి ప్రమోషన్స్ చేస్తే గందరగోళం అయ్యే అవకాశం ఉంది.

అందుకే సలార్ సినిమా విడుదల అయిన తర్వాత వరుసగా మూడు నాలుగు నెలల పాటు సినిమాకు సంబంధించిన అప్డేట్స్ ఇస్తూనే వస్తారట. ఆ అప్‌డేట్స్ తో ప్రేక్షకులు సైతం షాక్ అవుతారని.. ఊహకు అందని అప్డేట్స్ తో యూనిట్‌ సభ్యులు సినిమా ప్రమోషన్ చేయబోతున్నారు. సినిమా లోని కథ మరియు పాత్రలు కూడా ఊహకు అందని విధంగా ఉన్న విషయం తెల్సిందే.