భారీ హామీ ఇచ్చిన KVN ప్రొడక్షన్స్… 'జననాయగన్' లాస్‌కు 'టాక్సిక్' సపోర్ట్

దళపతి విజయ్ చివరి చిత్రంగా వస్తున్న ‘జననాయగన్’ సెన్సార్ సమస్యల వల్ల కాస్త ఆలస్యమైన సంగతి తెలిసిందే. అయితే ఇప్పుడు ఆ అడ్డంకులన్నీ తొలగిపోయి, సినిమా జూలైలోనే గ్రాండ్‌గా రిలీజ్ కావడానికి రూట్ క్లియర్ అయింది. ఈ ఆలస్యం వల్ల డిస్ట్రిబ్యూటర్లు నష్టపోకుండా ఉండేందుకు ప్రముఖ నిర్మాణ సంస్థ KVN ప్రొడక్షన్స్ ఒక అదిరిపోయే కార్పొరేట్ స్ట్రాటజీని తెరపైకి తెచ్చింది. ఒకవేళ ఈ సినిమా వల్ల నష్టాలు వస్తే, వచ్చే నెల విడుదల కాబోతున్న కన్నడ స్టార్ యశ్ ‘టాక్సిక్’ సినిమాతో ఆ నష్టాన్ని భర్తీ చేస్తామని బంపర్ ఆఫర్ ఇచ్చింది. ఆ ఆసక్తికరమైన ప్లాన్ ఏంటో ఇప్పుడు చూద్దాం.

ఆలస్యమైనా అండగా నిలిచిన మేకర్స్:

సినిమా ఇండస్ట్రీలో ఒక భారీ ప్రాజెక్ట్ సెన్సార్ వివాదాల్లో చిక్కుకుని నెలల తరబడి లేట్ అయినప్పుడు డిస్ట్రిబ్యూటర్లు వడ్డీలు కట్టలేక ఆర్థికంగా చాలా ఇబ్బందులు పడుతుంటారు. కానీ 'జననాయగన్' విషయంలో KVN ప్రొడక్షన్స్ అద్భుతమైన క్రైసిస్ మేనేజ్‌మెంట్ స్కిల్స్ ప్రదర్శించింది. ఇక ఈ గ్యాప్‌లో అయిన బ్యాంక్ వడ్డీలను తామే భరిస్తామని ఒప్పుకోవడమే కాకుండా, బిజినెస్ డీల్స్ ధరలను కూడా కాస్త తగ్గించి డిస్ట్రిబ్యూటర్లకు పెద్ద ఊరటనిచ్చింది.

ఇన్సూరెన్స్ ప్లాన్ లాంటి 'టాక్సిక్' ఆఫర్:

ఇక్కడ అసలైన ట్విస్ట్ ఏంటంటే.. కార్పొరేట్ రంగంలో ఒక ప్రాజెక్ట్ లేట్ అయినప్పుడు చేతిలో ఉన్న మరో సాలిడ్ ప్రొడక్ట్‌ను ఇన్సూరెన్స్ లాగా చూపిస్తూ బిజినెస్ పార్ట్‌నర్స్‌ను కాపాడుకుంటారు. బిజినెస్ మేనేజ్‌మెంట్‌లో దీనినే 'రిస్క్ మిటిగేషన్' అంటారు. ఇక ఇప్పుడు KVN ప్రొడక్షన్స్ కూడా డిస్ట్రిబ్యూటర్లకు నష్టం రానివ్వబోమని గ్యారెంటీ ఇచ్చింది. ఒకవేళ ‘జననాయగన్’ ఆశించిన స్థాయిలో ఆడకపోయినా, వచ్చే నెల రాబోతున్న రాకింగ్ స్టార్ యశ్ ‘టాక్సిక్’ సినిమా లాభాలతో ఆ నష్టాన్ని పూర్తిగా కాంపెన్సేట్ చేస్తామని నమ్మకం ఇచ్చింది.

భారీ రికవరీ గ్యారెంటీ రావడంతో డిస్ట్రిబ్యూటర్లు హ్యాపీగా డీల్ క్లోజ్ చేశారు. రిస్క్ లేకుండా ఆలస్యానికి వడ్డీ రావడం తో కమిషన్ తగ్గించడానికీ వారు ఓకే చెప్పటం విశేషం . ఇక ఈ పక్కా ప్లానింగ్‌తో ఇప్పుడు జననాయగన్ రిలీజ్ బిజినెస్ అంతా చాలా స్మూత్‌గా క్లోజ్ అయిపోయింది.

రూట్ క్లియర్.. జూలైలోనే థియేటర్లలోకి:

హెచ్. వినోద్ దర్శకత్వంలో పూజా హెగ్డే, మమితా బైజు, బాబీ డియోల్ కీలక పాత్రల్లో నటిస్తున్న ఈ చిత్రానికి అనిరుధ్ మ్యూజిక్ అందిస్తున్నారు. ఈ వారంలోనే సెన్సార్ సర్టిఫికేట్ చేతికి రాగానే మేకర్స్ రిలీజ్ డేట్‌ను అనౌన్స్ చేసి భారీగా ప్రమోషన్స్ స్టార్ట్ చేయనున్నారు. జూలై మూడో లేదా నాలుగో వారంలో థియేటర్లలోకి రాబోతున్న విజయ్ 'జననాయగన్' బాక్సాఫీస్ దగ్గర ఎలాంటి వండర్స్ క్రియేట్ చేస్తుందో చూడాలి.