ప్రమోషన్ కాదు కంటెంట్.. సైలెంట్ హిట్ వెనుక సీక్రెట్!

కోట్ల రూపాయల ప్రమోషన్లు, భారీ విమర్శలు లేదా థియేటర్ల ముందు భారీ కటౌట్లు ఉంటేనే సినిమా బాక్సాఫీస్ వద్ద హిట్ అవుతుందా? "లేనే లేదు, నిజాయితీ ఉన్న కంటెంట్‌కు ఎలాంటి ఆర్భాటాలు అవసరం లేదు" అని నిరూపించింది ‘హనుమాన్ అంశ’ చిత్రం. ఆధ్యాత్మిక గురువు నీమ్ కరోలీ బాబా జీవిత కథ ఆధారంగా తెరకెక్కిన ఈ సినిమా ఎలాంటి హడావుడి లేకుండా వచ్చి, ఈ ఏడాది బాక్సాఫీస్ వద్ద అతిపెద్ద సర్‌ప్రైజ్ హిట్‌గా నిలిచింది. ఈ సైలెంట్ హిట్ వెనుక ఉన్న అసలు రహస్యం ఏంటో ఇప్పుడు తెలుసుకునే ప్రయత్నం చేద్దాం..

నిశ్శబ్దంగా మొదలై.. ప్రవాహంలా మారిన విజయం:

సినిమా థియేటర్లలో విడుదలైన మొదటి రోజు ఎలాంటి పెద్ద హడావుడి లేదు. ఓపెనింగ్స్ కూడా చాలా డల్‌గా ఉన్నాయి. సోషల్ మీడియాలో భారీ పేయిడ్ ప్రమోషన్లు కానీ, వరుస ఇంటర్వ్యూల హోరు కానీ లేవు. సాధారణంగా ఈ రోజుల్లో మొదటి రోజే టాక్ రాకపోతే సినిమా కొట్టుకుపోతుంది. కానీ ఈ సినిమా విషయంలో ప్రేక్షకుల నోటి మాట ఒక అద్భుతాన్ని సృష్టించింది. ఇక థియేటర్ నుంచి బయటకు వచ్చిన ప్రతి ఒక్కరూ ఇచ్చిన పాజిటివ్ టాక్ వల్ల ఆర్గానిక్‌గా థియేటర్లు హౌస్‌ఫుల్ కావడం మొదలయ్యాయి.

ప్రేమానంద్ మహారాజ్ మాట.. సినిమాకు రియల్ ప్రమోషన్:

ఈ సినిమా షూటింగ్ మొదలవ్వడానికి ముందే ప్రొడ్యూసర్ అనుప్రియ నాగర్ ఆధ్యాత్మిక వేత్త ప్రేమానంద్ మహారాజ్‌ను కలిసి ఆశీస్సులు తీసుకున్నారు. ఆ సమయంలో ఆయన ఒక విలువైన సలహా ఇచ్చారు. "సినిమా హిట్ అవ్వడం కోసం లేనిపోని మసాలాలు రుద్దకండి, వివాదాలు సృష్టించకండి. ఇక భక్తిని, సాధువుల జీవితాన్ని గౌరవంతో, నిజాయితీతో చూపిస్తే అదే మిమ్మల్ని కాపాడుతుంది" అని చెప్పారు. చిత్రబృందం ఆయన చెప్పిన "సత్యం , నిజాయితీ" సూత్రాన్ని నమ్మి సినిమాను తెరకెక్కించింది.

పబ్లిసిటీ హైప్ వర్సెస్ ప్యూర్ ఆర్గానిక్ కంటెంట్:

ఈ సినిమా విజయం మనకు ఒక ముఖ్యమైన విషయాన్ని స్పష్టం చేస్తోంది. కృత్రిమమైన హైప్ అనేది తాత్కాలికమే. భారీ ప్రీ-రిలీజ్ ఈవెంట్లతో మొదటి రెండు మూడు రోజులు కలెక్షన్లు రాబట్టవచ్చేమో కానీ, కంటెంట్‌లో దమ్ము లేకపోతే సినిమా నిలబడదు. ఇక అదే ప్రేక్షకుడికి థియేటర్‌లో మంచి అనుభూతి లభిస్తే, ఆ ప్రేక్షకుడే సినిమాకు అతిపెద్ద బ్రాండ్ అంబాసిడర్‌గా మారతాడు. 'హనుమాన్ అంశ' విషయంలో సరిగ్గా ఇదే జరిగింది.

"కమర్షియల్ ఎలిమెంట్స్ ఉంటేనే జనాలు వస్తారు" లేదా "వివాదాలు ఉంటేనే ప్రమోషన్ అవుతుంది" అనే అపోహల్లో ఉన్న చిత్ర పరిశ్రమకు 'హనుమాన్ అంశ' విజయం ఒక గొప్ప కన్నువిప్పు. ఇక అట్టహాసమైన పబ్లిసిటీ వెనుక పరిగెత్తే కన్నా, కథలోని ఆత్మను నమ్ముకుని నిజాయితీతో సినిమా తీస్తే ప్రేక్షకులు దాన్ని ఏ స్థాయిలో గుండెల్లో పెట్టుకుంటారో ఈ సైలెంట్ హిట్ మరోసారి నిరూపించింది.