నుపుర్ అందానికి టైగర్ ఫిదా..!

మాస్ మహారాజా రవితేజ హీరోగా తెరకెక్కుతున్న చిత్రం టైగర్ నాగేశ్వరరావు. ఈ సినిమా దసరా కానుకగా ప్రేక్షకుల ముందుకురానుంది. పాన్ ఇండియా లెవల్ లో ఈ సినిమాను ప్రేక్షకుల ముందుకు తీసుకురానున్నారు. ఈ సినిమాకి వంశీ దర్శకత్వం వహిస్తున్నారు. కాగా, ఈ మూవీ పై చాలా ఎక్కువ అంచనాలు ఉన్నాయి. భారతదేశంలోని అతి పెద్ద దొంగ కథ గా ఈ సినిమా తెరకెక్కుతోంది.

నిజానికి దొంగ కథ, అది కూడా నిజ జీవితానికి సంబంధించినది అంటే, ఆయన చేసిన దొంగతనాలు, పోలీసుల కేసులు లాంటివి ఉంటాయి. అయితే, ఈ మూవీలోని ఆ దొంగ ప్రేమ కథను కూడా పరిచయం చేస్తున్నారు. తాజాగా ఈ మూవీ నుంచి ఓ సాంగ్ విడుదల చేశారు. ఏక్ ధమ్ నచ్చేశావే అంటూ ఈ పాట సాగుతుండటం విశేషం. హీరోయిన్ నుపుర్ సింగ్ వెనక హీరో రవితేజ పడుతున్నారు. ఆయన ఆమె అందాన్ని పొగుడుతున్న పాట ఇది.

అన్ని భాషల్లోనూ ఈ పాటను విడుదల చేశారు. ఈ పాటను జీవీ ప్రకాష్ కుమార్ స్వరపరిచారు. పాట చూడటానికీ, వినడానికి రెట్రో ఫీల్ ని తీసుకురావడం విశేషం. ఇక ఈ పాటను అనురాగ్ కులకర్ణి అద్భుతంగా ఆలపించారు. కాలేజీ బ్యాక్ డ్రాప్ లో పాట సాగినట్లు తెలుస్తోంది. ఈ పాటకు డ్యాన్స్ కొరియోగ్రఫీ శేఖర్ మాస్టర్ చేశారు. రవితేజ కి కరెక్ట్ గా సూటయ్యే స్టెప్స్ కొరియోగ్రఫీ చేశారు. ఇక ఈ పాటలో హీరో, హీరోయిన్లతో పాటు ఇతర డ్యాన్సర్ల డ్రెస్ , లుక్ లాంటివి కూడా రెట్రో ఫీల్ ని తీసుకురావడం విశేషం.

ఈ పాట మ్యూజిక్ లవర్స్ ని విపరీతంగా ఆకర్షిస్తుందని చిత్ర బృందం భావిస్తోంది. ఇక, ఈ మూవీ టీజర్ ని ఇటీవల విడుదల చేయగా, పెద్ద రాద్దాంతమే అయ్యింది. ఈ టీజర్ లో ఓ డైలాగ్ కొందరిని కించపరిచేలా ఉందని ఆంధ్రప్రదేశ్ హైకోర్టు సైతం సీరియస్ అవ్వడం విశేషం.

ఇక, ఈ సినిమాని అక్టోబర్ 20వ తేదీన ప్రేక్షకుల ముందుకు తీసుకురానున్నారు. సూపర్టపురం గజ దొంగ టైగర్ నాగేశ్వరరావు కథ ఆధారంగా ఈ సినిమా తెరకెక్కుతోంది. ఈ సినిమాలో నుపుర్ సనన్ హీరోయిన్ గా నటిస్తోంది. తెలుగులో ఆమెకు ఇదే మొదటి సినిమా కావడం గమనార్హం.