టాప్ స్టోరి: స్కూల్‌కి వెళుతున్న స్టార్ హీరోయిన్లు! కారణం ఏంటో తెలుసా?

వెండితెరపై గ్లామర్ పంచుతూ.. కోట్లాది మంది అభిమానులను అలరించే స్టార్ హీరోయిన్లు నిజ జీవితంలో అత్యంత బాధ్యతగల తల్లులుగా కనిపిస్తున్నారు. కేవలం సినిమాలకే పరిమితం కాకుండా, తమ పిల్లల భవిష్యత్తు కోసం ఉదయాన్నే నిద్రలేచి వారిని స్కూల్‌కి సిద్ధం చేయడం నుంచి, సాయంత్రం ఇంటికి తీసుకురావడం వరకు అన్నీ తామై చూసుకుంటున్నారు. ప్రస్తుతం టాలీవుడ్ నుంచి బాలీవుడ్ వరకు ఉన్న టాప్ హీరోయిన్లు తమ మదర్‌హుడ్ బాధ్యతలను కెరీర్‌తో సమానంగా బ్యాలెన్స్ చేస్తూ అందరికీ ఆదర్శంగా నిలుస్తున్నారు.

బాలీవుడ్ స్టార్స్ అనుష్క శర్మ, ఆలియా భట్ తమ చిన్నారులను స్కూల్ బాట పట్టిస్తున్నారు. అనుష్క కుమార్తె వామిక (5 ఏళ్లు) ఇప్పటికే స్కూల్‌కి వెళ్తుండగా, కుమారుడు అకాయ్ (2 ఏళ్లు) ప్లే స్కూల్‌కి సిద్ధమవుతున్నాడు. ఆలియా భట్ ముద్దుల కుమార్తె రాహా (3 ఏళ్లు) కూడా త్వరలోనే నర్సరీలో చేరబోతోంది. ఇక సౌత్ స్టార్ నయనతార కవలలు ఉయిర్, ఉలగం (3 ఏళ్లు) ప్లే స్కూల్ వయసుకి రాగా, కాజల్ అగర్వాల్ కుమారుడు నీల్ కిచ్లు ఇప్పటికే విద్యాభ్యాసం మొదలుపెట్టాడు. దీపిక పదుకొనే, కత్రినా కైఫ్ వంటి వారు ఇప్పుడిప్పుడే మాతృత్వాన్ని ఆస్వాధిస్తున్నారు. వీరి పిల్లలు స్కూల్‌కి వెళ్లడానికి మరో ఏడాదిన్నర సమయం పట్టవచ్చు.

కేవలం చిన్నపిల్లలే కాదు.. ఎదిగిన పిల్లల విషయంలోనూ ఈ తారలు అంతే జాగ్రత్తగా ఉంటున్నారు. కరీనా కపూర్ తన కుమారులు తైమూర్, జెహ్‌లను తరచుగా స్కూల్ దగ్గర డ్రాప్ చేస్తూ కనిపిస్తారు. ఐశ్వర్య రాయ్ తన కుమార్తె ఆరాధ్య (14 ఏళ్లు) హైస్కూల్ బాధ్యతలను స్వయంగా పర్యవేక్షిస్తుండగా, శిల్పా శెట్టి, సన్నీలియోన్, బిపాసా బసు వంటి వారు కూడా నిత్యం పిల్లల స్కూల్ యాక్టివిటీస్‌లో పాలుపంచుకుంటున్నారు. టాలీవుడ్‌లో అల్లు స్నేహారెడ్డి తన పిల్లలు అయాన్, అర్హల చదువుల విషయంలో ప్రత్యేక శ్రద్ధ చూపిస్తుండగా, నమ్రత శిరోద్కర్ కుమార్తె సితార ప్రస్తుతం స్కూల్ చదువుల్లో బిజీగా ఉంది. కుమారుడు గౌత‌మ్ విదేశాల‌లో విద్య‌న‌భ్య‌సిస్తున్నారు.

ఈ స్టార్ హీరోయిన్లు తమ పిల్లలను స్కూల్ బస్సుల్లో కాకుండా సొంత కార్లలోనే పంపడానికి ఆస‌క్తిని క‌న‌బ‌రుస్తున్నారు. దీనికి బలమైన కారణాలు ఉన్నాయి. ప్రధానంగా `స్టార్ కిడ్స్` కావడం వల్ల భద్రతా కారణాల దృష్ట్యా సెక్యూరిటీ గార్డ్స్ పర్యవేక్షణలో ప్రైవేట్ కార్లలో పంపిస్తుంటారు. అలాగే పబ్లిక్ ట్రాన్స్‌పోర్ట్‌లో వెళ్తే స్టిల్ ఫోటోగ్రాఫ‌ర్ల‌ తాకిడి పెరిగి పిల్లల ప్రైవసీకి భంగం వాటిల్లుతుందని వారు భావిస్తారు. షూటింగ్స్ లేని సమయంలో అనుష్క శర్మ, కరీనా కపూర్ వంటి వారు స్వయంగా డ్రైవ్ చేసుకుంటూ వెళ్లి పిల్లలను పికప్ చేసుకోవడం వల్ల వారితో నాణ్యమైన సమయం గడిపే అవకాశం దక్కుతుందని నమ్ముతారు.

మొత్తానికి.. కెమెరా ముందు ఎంత బిజీగా ఉన్నా.. తమ పిల్లల చదువు, హోమ్ వర్క్ , భద్రత విషయంలో ఈ హీరోయిన్లు ఏమాత్రం రాజీ పడటం లేదు. వెండితెరపై వండర్స్ క్రియేట్ చేసే ఈ తార‌క‌లు.. నిజ జీవితంలో సూపర్ మామ్స్ గా మారి తమ పిల్లలను విద్యావంతులుగా తీర్చిదిద్దే పనిలో నిమగ్నమయ్యారు. కార్లలో పిల్లలను స్కూల్‌కి పంపడం కేవలం లగ్జరీ మాత్రమే కాదు.. అది వారి భద్రత.. పిల్లలతో మమేకమయ్యే ఒక బాధ్యతాయుతమైన ప్రక్రియగా భావించాలి.