కండలవీరుడి సాయానికి అంతే లేదు...!

కరోనా మహమ్మారి కారణంగా దేశవ్యాప్తంగా లాక్‌ డౌన్ నడుస్తున్న విషయం తెలిసిందే. దీంతో షూటింగ్స్ అన్నీ ఆగిపోయి.. సినిమాపై ఆధారపడి జీవిస్తున్న కుటుంబాల పరిస్థితి అగమ్యగోచరంగా తయారైంది. అయితే రోజూవారీ వేతన కార్మికులను ఆదుకునేందుకు టాలీవుడ్‌లో స్టార్స్ ముందుకు వచ్చినట్లే బాలీవుడ్‌ లోనూ స్టార్స్ అందరూ ముందుకు వచ్చారు. దాదాపు స్టార్ హీరోలందరూ భారీ మొత్తంలో ప్రజలను.. తమ సినిమాలకు పనిచేసే కార్మికులను ఆదుకునేందుకు విరాళంగా ఇచ్చారు. ఇప్పటికే లాక్‌ డౌన్ మొదలైనప్పటి నుంచి బాలీవుడ్ కండలవీరుడు సల్మాన్ ఖాన్ స్వయంగా రంగంలోకి దిగి ప్రజలకు సహాయాన్ని అందిస్తున్నాడు. సుమారు 25వేల మంది కార్మికులకు తను ఆర్థిక సహాయం అందించనున్నట్లుగా చెప్పి.. అందరి అకౌంట్లలోకి మనీ ట్రాన్స్‌ఫర్ చేశారు. అంతేకాకుండా ఈ కష్టకాలంలో ముందువరుసలో నిలబడి ప్రజల కోసం పోరాటం చేస్తున్న యోధుల కోసం ఆయనే స్వయంగా ఓ పాటను కూడా పాడి మద్దతు అందించారు. ఇప్పుడు తన ఫామ్ హౌస్ సమీపంలోని గ్రామాలకు కూడా ఆయన సహాయం అందించారు.

Full View