'పుష్ప' అప్డేట్: లోడ్ దింపడానికి రెడీ అయిన పుష్పరాజ్..!

స్టైలిష్ స్టార్ అల్లు అర్జున్ నటిస్తున్న లేటెస్ట్ యాక్షన్ ఎంటర్టైనర్ ''పుష్ప''. డైరెక్టర్ సుకుమార్ ఈ చిత్రాన్ని తెరకెక్కిస్తున్నారు. ఇందులో మలయాళ నేచురల్ స్టార్ ఫహాద్ ఫాజిల్ విలన్ గా నటిస్తుండగా.. రష్మిక మందన్న హీరోయిన్‌ గా నటిస్తోంది. ఈ పాన్ ఇండియన్ సినిమాని మైత్రీ మూవీ మేకర్స్ బ్యానర్ పై నవీన్ ఎర్నేని - వై. రవి శంకర్ నిర్మిస్తున్నారు. ముత్యం శెట్టి మీడియా వారు నిర్మాణంలో భాగస్వాములుగా ఉన్నారు. తెలుగు, హిందీ, తమిళం, మలయాళం, కన్నడ భాషల్లో ఆగస్టు 13న ఈ చిత్రాన్ని విడుదల చేయనున్నారు. అయితే రిలీజ్ డేట్ ప్రకటించినా ఫస్ట్ లుక్ మినహా ఇంతవరకు ఎలాంటి అప్డేట్ లేకపోవడం పట్ల ఫ్యాన్స్ అసహనం వ్యక్తం చేస్తున్నారు. ఈ నేపథ్యంలో 'పుష్ప' మేకర్స్ అప్డేట్స్ కోసం రెడీగా ఉండమని ట్వీట్ చేసింది.

ఏప్రిల్ 8న అల్లు అర్జున్ బర్త్ డే అనే విషయం తెలిసిందే. అందుకే ఈ వారం అంతా స్పెషల్ గా మార్చడానికి 'పుష్ప' టీమ్ సిద్ధమవుతోంది. 'లోడ్ దింపుదాం.. ఎగ్జైటింగ్ వీక్ ముందుంది' అంటూ చిత్ర బృందం ఓ ట్వీట్ వదిలింది. దీంతో ఈ వారంలో ఫస్ట్ గ్లింప్స్ - టీజర్ వంటి సర్ప్రైజులు ఉండబోతున్నాయని అభిమానులు ఖుషీ అవుతున్నారు. మరి 'పుష్ప' మేకర్స్ ఎలాంటి బర్త్ గిఫ్ట్స్ ఇస్తారో చూడాలి. కాగా, ఎర్ర చందనం స్మగ్లింగ్‌ నేపథ్యంలో రానున్న ఈ చిత్రంలో బన్నీ లారీ డ్రైవర్‌ పుష్పరాజ్ పాత్రలో కనిపించనున్నాడు. ఇప్పటికే విడుదలైన ఫస్ట్ లుక్ లో బన్నీ అదరగొట్టాడు. ఈ చిత్రానికి రాక్ స్టార్ దేవిశ్రీ ప్రసాద్ సంగీతం సమకూరుస్తున్నారు. మిరోస్లా కుబా బ్రోజెక్ సినిమాటోగ్రాఫర్ గా వ్యవహరిస్తున్నాడు.