సాలిడ్ యాక్షన్ కోసం పుష్ప సాలిడ్ బడ్జెట్..!

టాలీవుడ్ స్టైలిష్ స్టార్ అల్లు అర్జున్ హీరోగా తెరకెక్కుతున్న 20వ సినిమా పుష్ప. పాన్ ఇండియా మూవీగా రూపొందుతున్న ఈ సినిమాకు స్టార్ డైరెక్టర్ సుకుమార్ దర్శకత్వం వహిస్తున్నాడు. అల్లు అర్జున్ - సుకుమార్ కాంబినేషన్ లో వస్తున్న మూడో సినిమా ఇది. మరి ఈ కాంబో హ్యాట్రిక్ అందుకుంటుందనే నమ్మకంతో ఉన్నారు ఫ్యాన్స్. అయితే సాలిడ్ యాక్షన్ సినిమాగా తెరకెక్కుతున్న పుష్పలో అల్లు అర్జున్ లారీడ్రైవర్ పాత్రలో నటిస్తున్నాడు. ఇటీవలే ఆ లుక్కుకు సంబంధించిన ఇంట్రడక్షన్ వీడియో కూడా బాగా వైరల్ అయింది. అయితే ఆ టీజర్ బట్టి చూస్తే ఈ సినిమాలో పుష్పారాజ్ పాత్రలో యాక్షన్ ఓ రేంజిలో ఉండబోతుందని అర్ధమవుతుంది.

అడవుల్లో ఎర్రచందనం స్మగ్లింగ్ నేపథ్యంలో ఈ సినిమా రూపొందుతుండగా.. భారీ యాక్షన్ సీక్వెన్సులు ఇందులో పుష్కలంగా ఉన్నాయట. తాజాగా ఈ సినిమా గురించి ఓ వార్త ఇండస్ట్రీ వర్గాలలో తెగవైరల్ అవుతోంది. ఏంటంటే.. పాన్ ఇండియా సినిమాగా భారీ బడ్జెట్ తో నిర్మిస్తున్న ఈ సినిమాలో యాక్షన్ సీన్స్ కోసమే దాదాపు 39కోట్లు ఖర్చు చేస్తున్నట్లు టాక్. అసలే సుకుమార్ పై అపారమైన నమ్మకంతో ఉన్నారు మైత్రి మూవీస్ నిర్మాతలు. మరి ఆయనతోనే సినిమా అంటే ఖచ్చితంగా ఖర్చు విషయంలో అసలు తగ్గరనేది వాస్తవం. ఇప్పటికే ఈ కాంబినేషన్ వరుస విజయాలలో ఉంది. రంగస్థలం, ఉప్పెన లాంటి సాలిడ్ హిట్స్ తర్వాత పుష్ప సినిమా రాబోతుంది. మరి ఫ్యాన్స్ అంచనాలను ఎంతవరకు రీచ్ అవుతుందో చూడాలి. ఈ సినిమాలో రష్మిక హీరోయిన్ కాగా దేవిశ్రీ ప్రసాద్ సంగీతం అందిస్తున్నాడు. ఆగష్టు 13న సినిమాను విడుదల చేసే ఆలోచనలో ఉన్నారు మేకర్స్.