ట్రైలర్‌ టాక్‌ : అభిమన్యుడు కాదట

కెరీర్‌ ఆరంభం నుండి వరుసగా భారీ బడ్జెట్‌ చిత్రాలను చేస్తూ వస్తున్న బెల్లంకొండ శ్రీనివాస్‌ మరోసారి అదే తరహాలో ‘కవచం’ చిత్రాన్ని చేశాడు. శ్రీనివాస్‌ మామిళ్ల దర్శకత్వంలో రూపొందిన ఈ చిత్రం విడుదలకు సిద్దం అయ్యింది. ఇప్పటికే విడుదలైన ట్రైలర్‌ తో సినిమాలోని భారీతనంను చూపించిన చిత్ర యూనిట్‌ సభ్యులు మరోసారి సినిమా రిచ్‌ గా తెరకెక్కినట్లుగా చూపించారు. పవర్‌ ఫుల్‌ పోలీస్‌ పాత్రలో బెల్లంకొండ శ్రీనివాస్‌ కనిపించబోతున్నాడు.

సినిమాను భారీ తారాగణంతో నింపేసినట్లుగా ట్రైలర్‌ చూస్తుంటే అనిపిస్తుంది. ఇద్దరు హీరోయిన్స్‌ తో పాటు విలన్స్‌ గా స్టార్‌ నటులు మరియు కీలక పాత్రల్లో కూడా ప్రముఖ నటులు కనిపించబోతున్నారు. సినిమాకు బాగానే ఖర్చు పెట్టినట్లుగా ఉన్నారు. బెల్లంకొండ గత మూవీ లాగే ఈ చిత్రం కూడా హై ప్రొడక్షన్‌ వ్యాల్యూస్‌ తో తెరకెక్కింది. ట్రైలర్‌ లో బెల్లంకొండ మాస్‌ పవర్‌ ను చూపించే ప్రయత్నం చేశారు.

ఇంత వరకు ఒక మ్యాన్‌ ఆడితే ఎలా ఉంటుందో నువ్వు చూపించావ్‌, ఇప్పుడు ఒక పోలీస్‌ ఆడితే ఎలా ఉంటుందో నేను చూపిస్తాను..., పద్మ వ్యూహంలో ఆగిపోవడానికి నేనేం అభిమన్యుడిని కాదురా పోలీస్‌... అంటూ బెల్లంకొండ చెప్పే డైలాగ్స్‌ సినిమా ఏ స్థాయి మాస్‌ గా ఉంటుందో చెప్పకనే చెబుతున్నాయి. ఇక కాజల్‌ మరియు మెహ్రీన్‌ ల గ్లామర్‌ ఈ చిత్రానికి హైలైట్‌ గా నిలిచే అవకాశం ఉంది. తెలుగులో ఎన్నో పోలీస్‌ స్టోరీస్‌ వచ్చాయి. మరి ఈ చిత్రం ఏ మేరకు సక్సెస్‌ ను దక్కించుకుంటుందో చూడాలి. డిసెంబర్‌ 7న ఈ చిత్రాన్ని ప్రేక్షకుల ముందుకు తీసుకు రాబోతున్నారు.

Full View