బిబి4 : మోనాల్‌ కాదు అవినాష్‌ ఔట్‌

తెలుగు బిగ్‌ బాస్‌ ఆది వారం ఎలిమినేట్‌ అవ్వబోతున్నది ఎవరు అనే విషయం ప్రతి శనివారం సాయంత్రం వరకు లీక్‌ వచ్చేస్తుంది. కావాలని లీక్‌ చేస్తున్నారో లేదా అనుకోకుండా జరుగుతుందో తెలియదు కాని ప్రతి వారం లీక్‌ అయితే వస్తుంది. ఎప్పటిలాగే నిన్న శనివారం కూడా లీక్‌ వచ్చింది. మోనాల్‌ ఎలిమినేట్‌ అవ్వబోతుంది అంటూ మీడియా వారు అంతా కూడా సోషల్‌ మీడియాలో ప్రచారం చేశారు. కాని అనూహ్యంగా మోనాల్‌ సేవ్‌ అయ్యిందని.. ముక్కు అవినాష్‌ ఎలిమినేట్‌ అంటూ మళ్లీ అదే మీడియా వారు కాస్త పొద్దు పోయాక అంటే రాత్రి ఏడు ఎనిమిది గంటల సమయంలో సోషల్‌ మీడియాలో తమ పోస్ట్‌ లను సరి చేసుకుని మళ్లీ షేర్‌ చేయడం జరిగింది.

మోనాల్‌ ను మొదటి నుండి బిగ్‌ బాస్‌ సేవ్‌ చేస్తూ వచ్చాడు అంటూ విమర్శలు ఉన్నాయి. ఈ వారం కూడా మోనాల్‌ ను బిగ్‌ బాస్‌ చేసి ఉంటాడా అనేది పక్కన పెడితే అవినాష్‌ వెళ్లి పోవడంలో ఆశ్చర్యం ఏమీ లేదు. ఎందుకంటే అవినాష్‌ తీరుపై ప్రేక్షకులకు విసుగు వచ్చింది. టాస్క్‌ సమయంలో మరేదైన సమయంలో అతడు ఎలిమినేషన్‌ లో ఉంటే వింతగా ప్రవర్తిస్తాడు. ప్రేక్షకులు నన్ను ఎలా చూస్తున్నారో అంటూ ఆయన ఆందోళన పడుతూ వీక్‌ అంతా ఉన్నాడు. అందుకే అతడి హడావుడి కారణంగా ప్రేక్షకులు ఓట్లు వేయలేదు అనిపించింది.

ప్రతి వారం మోనాల్‌ ను బిగ్‌ బాస్‌ సేవ్‌ చేస్తున్నాడేమో కాని.. ఈ వారం మాత్రం అవినాష్‌ ను ప్రేక్షకులు బయటకు పంపినట్లుగా అనిపిస్తుంది అంటూ సోషల్‌ మీడియాలో కూడా టాక్‌ నడుస్తుంది. ఫైనల్‌ 5 కి ఖచ్చితంగా ఉంటాడు అనుకున్న అవినాష్ తన అతి భయం మరియు అత్యుత్సాహం కారణంగానే ఎలిమినేట్‌ అయ్యాడు అనిపిస్తుంది. నేడు ప్రసారం కాబోతున్న ఎపిసోడ్‌ లో అవినాష్ ఎలిమినేషన్‌ పై క్లారిటీ వచ్చే అవకాశం ఉంది.. స్టేజ్‌ పై అతడు మాట్లాడే మాటలు ఎలా ఉండబోతున్నాయి అనేది అందరికి ఆసక్తికరంగా ఉన్నాయి.