అఖిల్‌4 లో అరవిందసమేత కాంబో?

అఖిల్‌ 4వ చిత్రం బొమ్మరిల్లు భాస్కర్‌ దర్శకత్వంలో గీతాఆర్ట్స్‌ లో అల్లు అరవింద్‌ నిర్మిస్తున్న విషయం తెల్సిందే. ఈ చిత్రం షూటింగ్‌ చివరి దశకు చేరుకున్నట్లుగా సమాచారం అందుతోంది. అఖిల్‌ కు ఈ సినిమా సక్సెస్‌ చాలా కీలకం. అదే విధంగా దర్శకుడు బొమ్మరిల్లు భాస్కర్‌ చాలా గ్యాప్‌ తర్వాత ఈ చిత్రంతో రాబోతున్నాడు. ఈ సినిమాతో పూర్వ వైభవం పొందేందుకు బొమ్మరిల్లు భాస్కర్‌ ప్రయత్నాలు చేస్తున్నాడు. ఇక ఈ చిత్రంలో అఖిల్‌ కు జోడీగా పూజా హెగ్డే నటిస్తున్న విషయం తెల్సిందే.

షూటింగ్‌ ఇన్ని రోజులు జరిగిన తర్వాత అఖిల్‌ 4 మూవీలో పూజా హెగ్డేతో పాటు మరో హీరోయిన్‌ కూడా నటిస్తున్నట్లుగా వార్తలు వస్తున్నాయి. తెలుగమ్మాయి ఈషా రెబ్బాను ఈ చిత్రంలో సెకండ్‌ హీరోయిన్‌ గా తీసుకున్నారట. ఇప్పటికే అఖిల్‌.. ఈషాలపై కొన్ని సీన్స్‌ కూడా చిత్రీకరించారని సమాచారం అందుతోంది. ఈషా రెబ్బా హీరోయిన్‌ గా ఒక మంచి బ్రేక్‌ కోసం వెయిట్‌ చేస్తుంది. చిన్న సినిమాల్లో మెయిన్‌ లీడ్‌ లో నటిస్తున్న ఈమె పెద్ద హీరోల సినిమాలో సెకండ్‌ హీరోయిన్‌ గా నటించేందుకు మొహమాటం లేకుండా ఓకే చెప్పేస్తుంది.

అరవింద సమేత చిత్రంలో ఎన్టీఆర్‌ కు జోడీగా పూజా హెగ్డే నటించగా మరో హీరోయిన్‌ గా ఈషా రెబ్బా నటించింది. ఇప్పుడు పూజా హెగ్డేతో కలిసి మరోసారి స్క్రీన్‌ ను షేర్‌ చేసుకునేందుకు ఈషా రెబ్బా అఖిల్‌ 4 సినిమాతో రెడీ అయ్యింది. అరవింద సమేత చిత్రంలో వీరిద్దరి కాంబో కనిపించింది. మళ్లీ ఇప్పుడు అఖిల్‌ 4 తో ఆ కాంబో రిపీట్‌ అవ్వబోతుంది. అరవింద సమేత చిత్రం ఆశించిన స్థాయి లో ఆకట్టుకో లేదు. మరి ఈ ముద్దు గుమ్మల జోడీ అఖిల్‌ 4 తో అయినా కమర్షియల్‌ గా సక్సెస్‌ ను దక్కించుకుంటుందో చూడాలి.