2028 కి పుష్ప 3 రెడీ..?

పుష్ప పుష్ప రాజ్ అంటూ పాన్ ఇండియా బాక్సాఫీస్ లెక్కలు సెట్ చేశాడు ఐకాన్ స్టార్ అల్లు అర్జున్. సుకుమార్ డైరెక్షన్ లో తెరకెక్కిన ఈ సినిమా బన్నీకి నేషనల్ వైడ్ భారీ ఫాలోయింగ్ వచ్చేలా చేసింది. పుష్ప 1 అండ్ 2 సినిమాలతో అల్లు అర్జున్ మాస్ స్టామినా ప్రూవ్ అయ్యింది. పార్ట్ 2 తో కథ ముగిస్తాడని అనుకోగా సుకుమార్ ఈ సినిమాను మూడో పార్ట్ కూడా ప్లాన్ చేశాడు. పుష్ప 3 రాంపేజ్ అనే పోస్టర్ వేసి సర్ ప్రైజ్ చేశాడు.

లోకేష్ తో ప్రాజెక్ట్ ఫిక్స్..

ఐతే పుష్ప పార్ట్ 3 ఎప్పుడు మొదలవుతుంది అంటే.. పుష్ప 3 సినిమా పనులు ఆల్రెడీ సుకుమార్ మొదలు పెట్టాడని అంటున్నారు. ప్రస్తుతం అల్లు అర్జున్ అట్లీ సినిమా షూటింగ్ లో బిజీగా ఉన్నాడు. నెక్స్ట్ సినిమాగా లోకేష్ తో ప్రాజెక్ట్ ఫిక్స్ చేసుకున్నాడు. ఐతే అట్లీ సినిమా నెక్స్ట్ ఇయర్ రిలీజ్ ఉండగా లోకేష్ సినిమాతో పాటు పుష్ప 3 కూడా చేస్తాడని తెలుస్తుంది.

సుకుమార్ ఇప్పటికే ప్రీ ప్రొడక్షన్ పనులు పూర్తి చేశాడట. పుష్ప 2 చివర్లో తన ఫ్యామిలీని మొత్తం బ్లాస్ట్ చేయగా అల్లు అర్జున్ అడవుల్లోకి వెళ్తాడు. పార్ట్ 3 కథ ఎక్కువ భాగం ఫారెస్ట్ లోనే ఉంటుందట. ఆ తర్వాత మళ్లీ తన సామ్రాజ్యాన్ని ఎలా దక్కించుకున్నాడు అన్నదే పుష్ప 3 కథ అని తెలుస్తుంది.

పుష్ప 3 రాంపేజ్ కోసం అల్లు ఫ్యాన్స్ తో పాటు పాన్ ఇండియా ఆడియన్స్ కూడా సూపర్ ఎగ్జైటింగ్ గా ఉన్నారు. పుష్ప 3 ఎంత త్వరగా వస్తే అంత త్వరగా చూడాలని అనుకుంటున్నారు. ఐతే ఆ సినిమా కన్నా ముందు అల్లు అర్జున్ అట్లీ సినిమా రిలీజ్ చేయాలి ఆ తర్వాత లోకేష్ సినిమాను సెట్స్ మీదకు తీసుకెళ్లాలి.

సుకుమార్ నెక్స్ట్ సినిమా చరణ్ తో..

సుకుమార్ కూడా నెక్స్ట్ సినిమా చరణ్ తో లాక్ చేసుకున్నాడు. ఆ సినిమా రిలీజ్ అయిన తర్వాతే అల్లు అర్జున్ తో పుష్ప 3 చేయాల్సి ఉంటుంది. సో రాబోతున్న ఈ 3 సినిమాలతో అల్లు అర్జున్ మరిన్ని రికార్డులను టార్గెట్ గా పెట్టుకున్నాడు. ప్రభాస్ తర్వాత పాన్ ఇండియా లెవెల్ లో మాస్ ఫాలోయింగ్ ఉన్న తెలుగు స్టార్స్ లో అల్లు అర్జున్ అదరగొట్టేస్తున్నాడు.

సో అల్లు అర్జున్ దూకుడు చూస్తుంటే 2028కి ఎలాగైనా పుష్ప 3 ర్యాంపేజ్ ని తీసుకొచ్చేలా ఉన్నాడు. ఒకే క్యారెక్టర్ తో ఒక సినిమా ఇలా 3 భాగాలుగా రావడం తెలుగులో అయితే మొదటిసారి అని చెప్పొచ్చు. అలా కూడా సుకుమార్, అల్లు అర్జున్ పర్ఫెక్ట్ ప్లానింగ్ తో ఉన్నారు.