ఇక ఆశలన్నీ వచ్చే ఏడాది చిత్రాలపైనే..!

సినిమా ఇండస్ట్రీకి 2023 సంవత్సరం కొంచెం ఇష్టం కొంచెం కష్టం అన్నట్టుగా నిలిచింది. ఈ ఏడాదిలో మరో మూడు నెలలు మాత్రమే మిగిలి ఉన్నాయి. ఈ మూడు నెలల్లో గొప్ప చిత్రాలు, అధ్బుతమైన ఇండస్ట్రీ హిట్‌ చిత్రాలు వస్తాయనే నమ్మకం ఏ ఒక్కరిలో కనిపించడం లేదు. ఇప్పటి వరకు వచ్చిన సినిమాల మాదిరిగానే ఒక మోస్తరు గా ఇక ముందు రాబోయే సినిమాలు ఉంటాయేమో.

ఈ ఏడాది లో ఇండస్ట్రీ బ్లాక్‌ బస్టర్‌ హిట్‌ అనే పదాలు పెద్దగా వినిపించలేదు. ఏడాది ఆరంభంలో చిరంజీవి ఇంకా బాలకృష్ణ లు సందడి చేశారు కానీ ఆ తర్వాత యంగ్‌ హీరోలు, సీనియర్‌ హీరోలు ఎవరు కూడా పెద్దగా సక్సెస్‌ లు దక్కించుకున్న దాఖలాలు లేవు. కనుక సినీ ప్రేక్షకులు మరియు ప్రేమికులు వచ్చే ఏడాది సినిమాల కోసం వెయిటింగ్‌ చేస్తున్నారు.

వచ్చే ఏడాది ఆరంభం లోనే మహేష్‌ బాబు సినిమా గుంటూరు కారం విడుదల కాబోతుంది. ప్రాజెక్ట్‌ కే 'కల్కి' సినిమా కూడా సంక్రాంతికి రావాల్సి ఉన్నా వాయిదా పడే అవకాశాలు కనిపిస్తున్నాయి. కాస్త లేట్‌ అయినా కూడా సమ్మర్‌ లో కల్కి విడుదల అయ్యే అవకాశాలు ఉన్నాయి. అంతే కాకుండా సమ్మర్ లో పుష్ప 2 మరియు దేవర సినిమాలు విడుదల అవ్వబోతున్నాయి.

సంక్రాంతి మొదలుకుని సమ్మర్‌, దసరా ఇతర సీజన్‌ లలో టాలీవుడ్ స్టార్‌ హీరోల సినిమాలు బ్యాక్‌ టు బ్యాక్‌ విడుదల అవ్వబోతున్నాయి. ఈ ఏడాది మిస్‌ చేసుకున్న రామ్‌ చరణ్‌, అల్లు అర్జున్‌, ఎన్టీఆర్‌, మహేష్‌ బాబు ఇంకా పలువురు స్టార్‌ హీరోల సినిమాలు వచ్చే ఏడాది లోనే విడుదల అవ్వబోతున్నాయి. కనుక అభిమానులు చాలా ఆసక్తిగా వచ్చే ఏడాది వైపు చూస్తున్నారు.