ఎన్నేళ్లైనా ప్యాషన్ మారదు.. యువ నటుడి మాటలకు మ‌మ్ముట్టి ఫిదా!

మలయాళ చిత్రసీమలో లెజెండరీ స్థాయిని అందుకున్న మ‌మ్ముట్టి ఇటీవల చేసిన ఒక వ్యాఖ్య ఇప్పుడు సినీ వర్గాల్లో ఆసక్తికర చర్చకు దారితీసింది. తన రాబోయే చిత్రం పేట్రియాట్ ప్రమోషన్స్‌లో భాగంగా మాట్లాడిన ఆయన, యూత్ సినిమా సక్సెస్ మీట్‌లో ఒక యువ నటుడు చేసిన ఎమోష‌న‌ల్ స్పీచ్ తనను లోలోపల తాకిందని వెల్లడించారు. ఎన్నో దశాబ్దాల అనుభవం ఉన్నప్పటికీ, ఆ యువ నటుడిలో కనిపించిన ప్యాషన్ తన మొదటి రోజుల్ని గుర్తు చేసిందని చెప్పడం సంచ‌ల‌నంగా మారింది.

అయితే ఆ కామెంట్స్ విని మొదటగా చాలా మంది కెన్ క‌రుణాస్ గురించే మ‌మ్ముట్టి మాట్లాడారని భావించారు. కానీ తర్వాత తెలిసిందేంటంటే ఆయన మాట్లాడింది అబిస‌న్ గురించి అని. సోషల్ మీడియాలో బాగా ప్రసిద్ధి చెందిన ఈ యంగ్ కంటెంట్ క్రియేటర్, యూత్ సినిమాతో త‌న డెబ్యూని చేశాడు. ఇన్‌స్టాగ్రామ్‌లో కామెడీ స్కిట్స్‌తో గుర్తింపు పొందిన అబిసన్, తన టాలెంట్‌తో సినిమాల్లోకి అడుగుపెట్టాడు.

సక్సెస్ మీట్‌లో అబిస‌న్ చేసిన స్పీచ్ అంద‌రినీ ఎంతో ఎమోష‌న‌ల్ చేసింది. చిన్నప్పటి నుంచే సినిమాల్లోకి రావాలని కలగన్న తన జ‌ర్నీని ఆయనెంతో భావోద్వేగంగా వివరించాడు. సోషల్ మీడియాలో తనకున్న ప్లాట్‌ఫామ్‌ను ఉపయోగించి అవకాశాలు వెతికిన విధానం, తర్వాత కెన్ క‌రుణాస్ తనను సంప్రదించిన సందర్భం.. అవ‌న్నీ కలిపి ఒక డ్రీమ్ టు రియాలిటీ కథను చూపించాయి. ఈ స్పీచ్ వినిపించినప్పుడు కెన్ క‌రుణాస్ కూడా ఎమోషనల్ అవ్వడం, ఆ క్షణానికి మరింత వెయిట్‌ను తీసుకొచ్చింది.

ఇదే సమయంలో, యూత్ సినిమా సక్సెస్ కూడా ఈ స్టోరీకి మరో ముఖ్య కార‌ణం. పెద్ద సినిమాతో క్లాష్ ఉన్నప్పటికీ, వర్డ్ ఆఫ్ మౌత్ ఆధారంగా నిలబడిన ఈ సినిమా చిన్న సినిమాల సామర్థ్యాన్ని మరోసారి నిరూపించింది. ఈ సినిమాకు ఇండస్ట్రీ నుంచి వచ్చిన సపోర్ట్ కూడా గమనించదగ్గ అంశం. సూర్య‌, కార్తి, రిష‌బ్ శెట్టి లాంటి ప్రముఖులు సినిమా టీమ్‌ను అభినందించడం, ఈ ప్రాజెక్ట్‌కు మరింత విశ్వసనీయతను తీసుకొచ్చింది.

అయితే, ఈ మొత్తం కథలో నిలిచిపోయే అంశం మాత్రం మమ్ముట్టి వ్యాఖ్యలే. ఒక వైపు 400కి పైగా సినిమాల్లో నటించి, దశాబ్దాల అనుభవం సంపాదించిన లెజెండ్, మరోవైపు సోషల్ మీడియా నుంచి వచ్చిన కొత్త నటుడు. ఈ ఇద్దరి మధ్య ఉన్న కామన్ పాయింట్ ప్యాషన్. కొత్తవారిలో కనిపించిన అదే ఫైర్‌ను తనలో కూడా ఇంకా ఫీల్ అవుతున్నానని మ‌మ్ముట్టి చెప్పడం, ఈ కథను సాధారణ అప్రిషియేషన్ స్థాయికి మించి తీసుకెళ్లింది. చివరగా, ఈ సంఘటన ఒక స్పష్టమైన మెసేజ్ ఇస్తోంది సినిమా అనే ప్రపంచంలో అనుభవం ఎంత ఉన్నా, నిజమైన ప్యాషన్ ఎప్పటికీ మారదు. అదే ప్యాషన్ కొత్త తరాన్ని ముందుకు నడిపిస్తే, అదే ప్యాషన్ లెజెండ్స్‌ను కూడా ఇన్‌స్పైర్ చేస్తుంది.