Begin typing your search above and press return to search.
మణిపూర్ లో ఉగ్రదాడి.. వీరమరణం పొందిన ముగ్గురు జవాన్లు !
By: Tupaki Desk | 30 July 2020 1:00 PM GMT
మణిపూర్ లో స్థానిక ఉగ్రవాదులు మరోసారి రెచ్చిపోయారు. ఉగ్రవాదులు మెరుపు దాడికి పాల్పడిన ఘటనలో ముగ్గురు జవాన్లు వీరమరణం పొందారు. అలాగే, మరో ఐదుగురు సైనికులు గాయపడ్డారు. మాయన్మార్ సరిహద్దుల్లో జరిగిన ఈ దుర్ఘటనలో అసోం రైఫిల్స్ కు చెందిన జవాన్లు ప్రాణాలు కోల్పోయారు. ఈ ఉగ్రదాడి గురించి పూర్తి వివరాలు చూస్తే ..
పీపుల్స్ లిబరేషన్ ఆర్మీ ఆఫ్ మణిపూర్ ఉగ్రవాదులు ఈ దారుణానికి ఒడిగట్టినట్టు అధికార వర్గాలు తెలిపాయి. ముష్కరులు మొదటగా శక్తివంతమైన ఐఈడీ పేల్చి, తర్వాత సైన్యం పై కాల్పులకు దిగారని తెలిపారు. భారత్-మాయన్మార్ సరిహద్దుల్లోని ఖోంగ్టల్ వద్ద గురువారం ఉదయం 6.30 ప్రాంతంలో ఈ ఘటన జరిగింది. అంతర్జాతీయ సరిహద్దుల్లో మూడు రోజుల ఆపరేషన్ ముగించుకుని అసోం రైఫిల్స్ జవాన్లు తమ స్థావరానికి తిరిగి వస్తున్న సమయంలో సరిహద్దుకు 3 కిలోమీటర్ల దూరంలో ఉగ్రవాదులు ఊహించని విదంగా దాడిచేసినట్టు అధికారులు తెలిపారు. మణిపూర్ రాజధాని ఇంపాల్‌కు దాదాపు వంద కిలోమీటర్ల దూరంలోని చందేల్ జిల్లాలో చోటుచేసుకుంది. ఈ దాడిలో అమరులైన జవాన్లను హవిల్దార్ ప్రణయ్ కలిటా, రైఫిల్‌ మ్యాన్ వైఎం కొనాయక్, రతన్ సలీంగా గుర్తించారు. ఇదే దాడిలో మరో ఐదుగురు జవాన్లకు స్వల్పగాయాలయ్యాయని, వీరిని చికిత్స కోసం మిలటరీ హాస్పిటల్ కు తరలించామని తెలిపారు.
పీపుల్స్ లిబరేషన్ ఆర్మీ ఆఫ్ మణిపూర్ ఉగ్రవాదులు ఈ దారుణానికి ఒడిగట్టినట్టు అధికార వర్గాలు తెలిపాయి. ముష్కరులు మొదటగా శక్తివంతమైన ఐఈడీ పేల్చి, తర్వాత సైన్యం పై కాల్పులకు దిగారని తెలిపారు. భారత్-మాయన్మార్ సరిహద్దుల్లోని ఖోంగ్టల్ వద్ద గురువారం ఉదయం 6.30 ప్రాంతంలో ఈ ఘటన జరిగింది. అంతర్జాతీయ సరిహద్దుల్లో మూడు రోజుల ఆపరేషన్ ముగించుకుని అసోం రైఫిల్స్ జవాన్లు తమ స్థావరానికి తిరిగి వస్తున్న సమయంలో సరిహద్దుకు 3 కిలోమీటర్ల దూరంలో ఉగ్రవాదులు ఊహించని విదంగా దాడిచేసినట్టు అధికారులు తెలిపారు. మణిపూర్ రాజధాని ఇంపాల్‌కు దాదాపు వంద కిలోమీటర్ల దూరంలోని చందేల్ జిల్లాలో చోటుచేసుకుంది. ఈ దాడిలో అమరులైన జవాన్లను హవిల్దార్ ప్రణయ్ కలిటా, రైఫిల్‌ మ్యాన్ వైఎం కొనాయక్, రతన్ సలీంగా గుర్తించారు. ఇదే దాడిలో మరో ఐదుగురు జవాన్లకు స్వల్పగాయాలయ్యాయని, వీరిని చికిత్స కోసం మిలటరీ హాస్పిటల్ కు తరలించామని తెలిపారు.
