రఘురామకృష్ణం రాజుకు జగన్ షాక్

నర్సాపురం వైసీపీ ఎంపీ రఘురామకృష్ణం రాజుకు వైఎస్సార్ కాంగ్రెస్ పార్టీ గట్టి షాక్ ఇచ్చింది. ఇటీవల ఆయన వైసీపీకి వ్యతిరేకంగా గళమెత్తుతూ పార్టీలో అసమ్మతి రాజేసిన సంగతి తెలిసిందే. కొంతకాలంగా బహిరంగంగా పార్టీ మీద వ్యతిరేక వ్యాఖ్యానాలు చేస్తున్నారు. ఈ క్రమంలోనే వైసీపీ అధిష్టానం ఎంపీ రఘురామకు దిమ్మదిరిగే ట్రీట్ మెంట్ ఇవ్వాలని ప్లాన్ చేస్తోంది. తాజాగా ఆ దిశగా పావులు కదిపినట్టు సమాచారం.

ఈ క్రమంలోనే వైసీపీ పార్టీ రఘురామ పోస్ట్ ను ఊస్ట్ చేసింది. వైసీపీ ఎంపీగా ఉంటూ ఆయనకు కేంద్రంలో దక్కిన పార్లమెంటరీ స్టాండింగ్ కమిటీ చైర్మన్ పదవి నుంచి రఘురామను తప్పించారు.

ఇక రఘురామకృస్ణం రాజు స్థానంలో వైసీపీ ఎంపీ బాలశౌరికి ఆ పోస్టును కట్టబెట్టారు. దీంతో ఇంతకాలం పార్లమెంటరీ స్టాండింగ్ కమిటీ ఆన్ సబార్డినేట్ లెజిస్లేచర్ కి చైర్మన్ గా వ్యవహరించిన రఘురామకృష్ణంరాజు ఆ పదవి కోల్పోయినట్లైంది.

అక్టోబర్ 9 నుంచే ఈ మార్పులు చేర్పులు అమల్లోకి వస్తాయని లోక్ సభ సచివాలయం ఒక ప్రకటనలో తెలిపింది. దీంతో ఇన్నాళ్లు ఈ పదవితో కేంద్రంలో చక్రం తిప్పిన రఘురామకు వైసీపీ గట్టి షాక్ ఇచ్చినట్టైంది. ఇక ఆయనపై అనర్హత వేటు వేయించే దిశగా వైసీపీ అధిష్టానం ప్లాన్ చేస్తున్నట్టు సమాచారం.